Thursday, May 22, 2008

BLINDNESS


أو "العمى" الروايه التى أهدتها لى ساره أبنتى..أنهيتها من ساعات..ولازال أثرها باقى فى دماغى..
تتحدث عن اﻷنسان حين يواجه وضع مستحيل..
مرض غريب يضرب مدينه فى مكان ما ليصيب أهلها الواحد بعد اﻵخر بالعمى..أنهيار النسيج الأجتماعى..والقيم اﻷنسانيه"..من تعاطف وتراحم..روايه مرهقه للنفس"
التكنيك فيها عالى جدا ويضيف لصعوبتها..الكاتب مثلا لايستعمل أسماء..مجرد وصف..الطبيب, زوجه الطبيب,لص السيارات..ألخ..والجمل طويله لدرجه اﻷرهاق..بعضها يتجاوز النصف صفحه..ولايوجد حوار بالشكل التقليدى الجمل الحواريه متداخله مع النص..وتدخل فى النص أيضا جمل الحوار المتداعى ..وتذوب الفواصل بين النفس والعالم الخارجى..وعدم تحديد المكان ولحد ما الزمان يحولها ألى حاله عامه..ويعطى القارئ -أنا على اﻷقل- أحساس أن الكاتب يعمم على البشريه جمعاء
الطريف أنى بعد صفحات قليله وجدت الفقره اﻵتيه
The moral conscience that so many thoughtless people have offended aganist and many more have rejected, is something that exists and has always existed,it was not an invention of the philosophers of the quaternary,when the soul was little more than a muddled proposition.With the passing of time,as will as the social evoloution and genetic exchange,we ended up putting our conscience in the coulour of blood and in the salt of tears,and,as if that were not enough,we made our eyes into a kind of mirror turned inwaards,with the result that they show
without reserve what we are verbally trying to deny.
لفتت نظرى بشده وأحسيت أنها هى مفتاح الروايه كلها..وثبت لى ذلك بعد اﻷنتهاء منها
..اﻷهم..أن تلك السطور جعلتنى
أتسأل عن توجهات خوزيه ساراماجو السياسيه والفكريه..اللينك اللى كان عندى رغم أنه هو اللى كاتبه لايتكلم بوضوح عن أنتمائه السياسى..هنا وجدت أنه عضو فى الحزب الشيوعى البرتغالى من ١٩٦٩ يعنى من أيام الحكم الديكتاتورى فى البرتغال..
.أأأأأأأهلااااااااا.
.أهو كده ياراجل الكبير كبير..الجواب بيبان من عنوانه
والنبى بالمره يعنى لو حد دخل على اللينك يشوف ويقرا بيقول أيه عن أسرائيل
مش صح برضك الكبير كبير
.بعدها ألتقطت الروايه بعنايه ومحبه أكتر

8 comments:

ابو احمد said...

علمت بالصدفه بأن اليوم هو ذكرى ميلاد جمال سى العربى
اتصل بى طارق كى ابلغ اعتذاره لدليله
لأنه مريض كان يعتقد انهم اتصلوا بى
ففوجئ بأنهم لم يتصلوا بى
بلغ المدام تعازينا وقلها تعيش وتفتكر
كان العام السابق عاما صعبا بالنسبه لنا جميعا
معلش هسيبك لانى مش شايف الكى بورد من كتر الدموع

أبوفارس said...

البوست موجود أهو يامجدى ويازيكو..اللى حصل أنى أردت وضع بوست جديد أستكمالا للقداس اﻷسود ويكون مباشره بعد الكماله..ولكن الجهل التكنولوجى الفاقع له أحكامه..ضاع البوست منى وأنا أكتبه..واتلخبط ترتيب المواضيع..زهقت قلت أرجع كل حاجه زى ماهى بعدين..والصباح رباح..
وقد كان
شاكر للمتابعه واﻷهتمام..تحياتى وصادق مودتى..خالد
***********
زيكو يابطل سمعت عن الروايه الجديده ولكنى لم أقراءها بعد
..فى هجمه عنتريه على القسم العربى العامر بالمكتبه المركزيه ﻷوتاوا..طلعت بحفنه روايات ألتهمها ألتهاما هذه اﻷيام المفترجه ومنها "سنة موت ريكاردو ريس" لخوزيه ساراماجو" مترجمه للعربيه لم أبدء فيها بعد ولكن لاحظت فى تعريف الؤلف أنه عضو بالحزب السيوعى البرتغالى منذ عام ١٩٥٩ وكده أنا أتلخبطت..هى ١٩٥٩ أم ١٩٦٩ أعتقد ويكابيديا أصدق..دليل آخر على أنعدام الجديه ف شرقنا اﻷهبل المتوسط...تحياتى

واحد مصرى said...

ازيك يا ابو فارس

ادام الله التواصل ...ايه المكالمة الجامدة جدا دي....هانت و قرب شهر اغسطس و الفتة جاهزة من دلوقت

دمت بخير

بنت القمر said...

ابو فارس
==========
يعني يا عم خالد لازم امتحان الانجليش ده اللي حين غرة
:)
اصل بنتي في مدرسه فرنساوي {لازم نتحد ضد الامبرياليه ولغتها زي ما انت فاهم}و بجد اللينك الويكيبدي خلاني اتسلح بجميع ادوات الترجمه عشان الكلمتين دول
لانه في الواجهه العربي الكلام مختصر جدا مش زي الانجليش
عجبتي الجزء بتاع
انهم يقشطوا جرحهم عشان يفضل نازف
اقصد اليهود
بمعني يجيدوا ابتزاز الاخرين
جميل
بس هو قال الكلام ده سنه كام؟!!
=======================
all the actions of an obsessive, psychological and pathologically exclusivist racism are justified
======================
الجمله دي بقت مفهمتهاش خالص
==================
الجزء بقا الاخير المقتبس من الروايه
putting our conscience in the coulour of blood and in the salt of tears,and,as if that were not enough,we made our eyes into a kind of mirror turned inwaards,with the result that they show without reserve what we are verbally trying to deny.
=========================
هو المقصود بيه اننا بننظر بعيون باكيه بمرارة الي مرايات تعكس لنا نتيجه تراها بدون استحقاق
حقيقه نحاول لنكارها
===============
ولا انا فهمت غلط يا باشا
معلش بقا اصل القاموس اختفي وانا كبرت في دماغي ومن ساعتها بترجم حته حته
بس الحته دي مش هاضماها اوي
مش داخله دماغي؟؟
واكون شاكرة وليك الاجر والثواب عند الله
تحياتي!!

أبوفارس said...

واحد مصرى..والله ياإيهاب أنا سعدت سعاده لاتوصف بالمكالمه الجميله..وحسيت أننا أصدقاء من سنين..أشكرك ياصديقى على مبادرتك الجميله وأنتظر فعلا بفارغ الصبر لقائنا إن شاء الله..وأدام الله المحبه والتواصل..تحياتى وصادق مودتى..خالد

أبوفارس said...

بنت القمر ياقمر
سعيد جدا جدا بأهتمامك..وطبعا لاهو أختبار فى اللغه اﻷجنبيه اﻷولى ولا التانيه..
ساراماجو كتب الكلام ده عن أسرائيل سنه ٢٠٠٢ ناقدا عنصريتها المبنيه على أسطوره دينيه..وأدعاء أنهم شعب الله المختار..وبناء عليه من حقهم أنهم يعملوا اللى عايزينه ف باقى مخاليق ربنا..
وهو موقفى الشخصى من العنصريه الصهيونيه
أستطيع شخصيا الصمود فى أى نقاش موضوعى مع أى حد حول القضيه الفلسطينيه..وأسعى لإيجاد نقاط أتفاق للبناء عليها لو النقاش عقلانى..أول مانوصل لحته وعد الله والشعب المختار بأقلب فاشيستى وأبدء ف سب الدين..
وكما قلت عند رامز
تحويل الميثولوجيات الدينيه إلى برامج سياسيه مصيبه كبرى..ﻷنه لايمكن الوصول فيها لحلول وسط
..وهذا ينطبق على أى وكل الميثولوجيات الدينيه
*********
هو أسلوب ساراماجو ف الكتابه يعتمد الجمل الشديده الطول والمعقده..وهذا يجعل ترجمتها صعبه إذ لابد من تقسيمها..وهو ببساطه يقول هنا.

"أنه فى عالم كارثى وعبثى كالذى نعيش فيه,أعتناق البعض لفكره شعب الله المختار لابد وأن تؤدى إلى ظهور عنصريه مهوسه مريضه تستبعد اﻵخر وكل أفعالها مبرره ومقبوله وبالذات ضد الفلسطينين واللبنانين.فأى معاناه أو ظلم يقع على هؤلاء لايرقى لمعاناة الشعب المختار.."
وهو كما ترين ضرب فى قلب فكره الصهيونيه..ونقد لها بشكل عقلانى أنسانى واعى..يتفوق بمراحل على أنتقاد الصهيونيه من منطلق دينى آخر
***************
بالنسبه للجمله اللى كانت مفتاح رواية "العمى" لى هو يتحدث عن الضمير اﻷنسانى وكيف أنه موجود معنا منذ قديم اﻵزل..ولكنه تطور وأرتقى بسبب التطورات البيولوجيه وتعقد المجتمعات..النقطه دى خلتنى أبحث عن خلفيته الفكريه..ﻷنه مؤمن بالتطور البيولوجى..وحركه المجتمعات فى أتجاه التعقد والتركيب..فى روايه أدبيه الترجمه الحرفيه ليست مهمه بقدر آيصال
الفكره..

"قالضمير اﻷنسانى أتخذ لون الدم القانى وطعم الدموع المالح..ولكن هذا بحد ذاته لم يكفينا فتحولت عيوننا إلى الداخل ,اصبحت مرايا لضمائرنا تعكس بصدق مانحسه حتى لو أنكرناه بأقوالنا.."
وهى عباره قويه عن اﻷلم الذى تسببه لنا ضمائرنا حين نخون أساسيات أنسانيتنا...هكذا فهمتها..وعجبتنى جدا جدا..لاحظى أنه ملحد ومتشائم -كمايصف هو نفسه- فلا ذكر هنا لقوى غيبيه ولا ماورائيه..ولكن وصلنا إلى تلك الحاله كنتيجه للتطور الطبيعى سواء البيولوجى أو اﻷجتماعى
***********
..وتحت أمرك ياقمر
تانى سعيد جدا بأهتمامك ومتابعتك..تحياتى ومودتى..خالد

طبيب نفسي said...

صديقي العزيز خالد .. فارس المدينة

شكرا جزيلا جزولا علي الإهداء الجميل ..
وبعد الإطمئنان علي صحة الركب ـ جمع ركبة ـ نجدك قد اشتعلت حماسا وتدوينا، يعني الواحد مش ملاحق يرد، وهكذا أثبت بالدليل القاطع أن "قعدة" البيت ليست لنا نحن الذين نبحث عن وجع القلب والفشة والرأس.
"العمي" رواية تستحق القراءة المتأنية ..
بالرغم من شيوع الحبكة والدراما ـ تشبه نهر الجنون للحكيم و روايات أخري كثيرة ـ لكن الطرح مختلف وكذلك المعني.
العمي كما تعلم هو رمز الخصاء النفسي ـ أوديب فقأ عينيه عندما علم بخطيئته ـ هل كان يقصد الكاتب أن الخصاء النفسي قد ضرب بجذوره فيما يسمي بالمجتمعات الحديثة ؟؟. وهل الضمير الاخلاقي كما أسماه أخلاقيا ؟ وماهو هو الضمير وماهي الاخلاق .. ؟؟
وهل الضمير أخلاقيا بالضرورة .. وهل هناك فعل لاأخلاقي نابع من الضمير ؟؟
في أغلب الاحيان تستخدم كلمات مثل الضمير والاخلاق والاخلاقي بتصرف بعيدا عن معناها الرمزي ـ أي نتداولها بمدلولها السياقي وليس التعريفي ، مش التعريفة، ـ وهو نوع من لوي عنق اللغة لتطابق شعورنا غير الحيادي نحو أفكار بعينها وتعيننا علي التغلب علي ثنائية التضاد ـ مثل ماهو جسدي غريزي وماهو روحي إلهي ـ أي أن اللغة في النهاية محاولة لتجسيد المتخيل كما أفتانا الحاج جاك لاكان طيب الله ثراه وأنار مثواه .. وكذلك اللغة رمزية فهي تخلق مساحة تسع التضارب وتسبح في فضاء "النفس" أو
Psyche
بلغة أهل التحليل والطب النفسي وقانا الله شرهم ، ودحض مكرهم ، و ذعذع سترهم .. قول آمين.
ـ معلهش يا أبوفارس استحمل هلفطات أخوك لأن المزاج بنفسجي والنبيذ فرنسي معتق موديل 74 من عند ابن عمنا شاتو دي بري ..والاجازة حلوة فقلت أجي وأ دحرج التماسي علي شباب وصبايا وفتيات وعذراوات وغير عذراوات - في خدرهن - مصر الجديدة و وابور المياه وبحر إسكندرية ـ

طب مثال علي الكلام التحفة المكتوب فوق وكمان تعليق في طي تعليق علي ماسبق من تدوين:
لبنان ومايحدث بها ، وعنتريات الاخ العقيد الختيار الحائط الصلد
الشيخ حسن جلاجوله أبو عمه بفتة و دقن تفتة .. هل الصراع علي السلطة والتمويل من قبل دولة غير وطن الشيخ حسن زبل الحمام تحت ستار المقاومة يعتبر فعل أخلاقي أم فعل سياسي؟ وهل تعبير المقاومة تعبير رمزي أم سياقي؟ وهل محاربة إسرائيل تبدأ بأجساد وقوت وحياة أهل لبنان؟ وهل جينات لبنان تم صكها في إيران وإحنا مش عارفين و إلا كنا بايتيين بره؟

مثال تاني وأخراني ـ يعني أخير ـ
فكرة الشيطان وخلق الشر .. هل هي رغبة في التطهر أم خوف الإنسان من رغبته في التطهر أم رغبة في الخوف من الخوف ؟
وكما قال الملحد الزنديق سيجموند إبن فرويد أسكنه الله فردوس الفراديس أن وراء كل رغبة خوف من تحقيقها.. فهل الضمير رغبة في التسامي أم خوف من ماهية النفس ؟

وكما تعلم أخي أن من عظم صغار المصائب إبتلاه الله بكبارها..
يعني نحمد ربنا علي شوية العقل اللي عندنا والكثير من الجنون اللي اشتريناه من الترحال.

طبعا كل الكلام الخرفان الخرقان اللي كتبته كان من باب المؤانسة لا غير ، يعني هزار ومزاح وقزاح ليس إلا .. آه و ربنا.

ويك إند جميل لك و للاسرة وسلامي للواد فارس والبنت سارة وكل من كاين في جبلاية الفار بعد إوتاوا بمحطتين.
والله لو ماكنتش غالي ماكنت كتبت كلمة واحدة علي النت العفش ده..
شكرا علي كتاب القداس الاسود .. جاري القراءة والمناقشة بعدين.
إحنا بكره عاملين عندي أنا والعائلة باربيكيو علي فحم وخشب صندل مدخن ونشوي كوبي بيف ياريت كنت تقدر تجيب العيلة وتيجي .. ملحوقة الصيف جاي ونفتح البيسين ونديها شوي.

Final word to our fellow self-sufficients:
Self-sufficiency is never a remedy for ego-deficiency.

صباحك عسل مصفي

أبوفارس said...

د.وليد
..أموت أنا فى لحظات مزاجك البنفسجيه..
فمنها تخرج كل ألوان قوس قزح
..لتنير العقل
..وتدفئ االروح
..وتشعل الفؤاد
وهو أخو فؤاده اللى جوازها من عتريس باطل
..وأدحرج المسا لعمنا شاتو دي بري موديل 74 ومن عصره وصهره ورفعه لمقام العشق والتعتيق
أما بعد فقد أوجزت وأنجزت..وإن كنت أرجو منك اﻷسهاب..وصلت وجولت -يعنى جبت بدل الجون أجوان-مشكلتى مع لغتنا العربيه أن المعنى فيها يأتى بفائض من اﻷلفاظ واللفظ فيها يأتى بفائض من المعانى حتى أنه يستحيل التحديد..ويكون الحديث فى أفضل أحواله سلسله من المترادفات سواء ف المعنى أو اللفظ..وهو الحادث فى اﻷحوال اللبنانيه وأندلق منها لسائر اﻷقطار..ومحدش عاوز يفهم؟؟
..أما حديثك عن مدلولات العمى فالروايه فعلا مفتوحه لكافه التفاسير..وهى كالعظيم من اﻷدب طبقات تليها طبقات..وإن كانت وجعت قلبى فعلا..
الفرد فى مواجهه الوضع المستحيل..فى معسكر أباده نازى..أو محاصرا فى وهران والطاعون يفتك بأهلها كما صورها القطب اﻷعظم"كامو"..فكره مرعبه تجتاحنى كل حين ومين وقانا الرب شر التجربه
..أنتظر نقاشنا الماراثونى القادم للأبحار فى القداس اﻷسود..وبناء عليه تم تأجيل بوست كنت أنوى ختام السلسله به لحين النقاش..وتعديل المسار..بعد تظبيط الدماغ
الباربكيو ملحوق..أما شاتو دى برى..
فبحق اﻵله رع والتاسوع المقدس..أحفظ لى قنينه لحين اللقاء..حفظتكم كل ربات العشق والجمال..من عشتار وأفروديت حتى مارلين و برجيت..
تحياتى ومحبتى التى لاأملك غيرها..خالد