مشهد كندى
يوم الخميس أول خروج لى من المنزل..متؤكاً على عصاى نزلت وسط البلد قاصدا المكتبه المركزيه لوجود قسم عربى بها لايأس به على اﻷطلاق..طبعا الركن بالسياره مشكله..وجدت مركن مخصص للمعاقين..ولكن النظام هنا يحتم أن يكون معك تصريح رسمى للسماح لك بالركن..وأنا ممعايش طبعا..بالصدفه وجدت أحد رجال المرور..نزلت م السياره توجهت إليه وشرحت له أنه لايوجد معى تصريح ولكن لاأستطيع الركن بعيد..وخاصه أنى أتؤكاْ كما ترى على عصا بعد جراحه الركبه..ببساطه شديده سألنى حتغيب مده طويله..أبدا يمكن نصف ساعه..أخرج ستكير أصفر من جيبه وقال لى مبتسما ساعه ولايهمك خد راحتك ولطعه على زجاج السياره اﻷمامى..وأنا داخل المكتبه كانت تسبقنى فتاه فى عمر أبنتى..فتحت الباب وهى تدخل لمحتنى خلفها ظلت ممسكه به حتى دلفت منه شكرتها مبتسما..أجابتنى
You are most wellcome
..ببطء وصلت القسم العربى..وجدت سيده بشعر قصير ونظاره طبيه تدعبس ف الكتب..لسه منشكح من الموقفين اللى فاتوا أبتسمت لها هازاُ رأسى راحت لاويه بوزها وبصت للناحيه التانيه..أفتكرت أنا ف القسم العربى.
*****************
مشهد سوريالى
اﻷخوه اللبناينين أتصلحوا على بعض..وفين ف الدوحه على بعد مرمى حجر من مركز القياده الرئيسى للقوات اﻷمريكيه ف
*****************
مشهد منزلى
يوم الجمعه مرابط بالمنزل ألتهمت رواية "قصه حب مجوسيه" لعبد الرحمن منيف..أحدى الكتب التى أستعرتها..فى ساعات قليله..ولكنها لم تدخل مزاجى على اﻷطلاق..مع أن للكاتب روايتان عظمه.."اﻷشجار وأغتيال مرزوق"و"شرق المتوسط"..وأنا أكن أحترام شديد لمنيف..فهو مثال المثقف العربى الذى يدفع تمن أرائه نفيا ومطارده..
وفجأه قفزت برشاقه الفيل وسرعه السلحفاه..وبدأت النبش فى صناديق الكتب المخزنه فى غرفه الكرار بالمنزل..كنت أنبش كالمحموم حتى وجدتها..
. "البيضاء" لعمنا يوسف أدريس..
أجمل قصه حب قرأتها على اﻷطلاق..ربما ﻷنى قرأتها ﻷول مره و أنا أعيش قصه حب الجامعه..وأعيش فى جو السياسه..ربما لقدرة أدريس الفذه على وصف المشاعر..وأعطائها صوت وكلمات..ربما ﻷن نقد أدريس لليسار المصرى يتطابق مع رؤيتى.
.ربما.
ولكنى أحتضنتها وببطء وكأنى أرتشفها أعدت قراءتها للمره لاأدرى الكام بقيه الجمعه
*************************************
مشهد مالوش معنى
..وطبعا لازم يكون من المحروسه..أتحاد المدونين المصريين..من مدونه المشاغب المحترف باشمهندز رامز..ساعتان يامواطن وأنا أطلع من لينك أدخل على لينك..وأقراء وأطس وشى بشويه ميه ساقعه..وحبه أضحك وحبه أعيط..وحتى وقتنا هذا مش عارف الموضوع جد والا هزار..بس أحتمال كبير أنها سبوبه رزق.. ليه..؟؟ اﻷمريكان ناويين يرشوا رشه جريئه على المدونين..وبالتالى اللى حايلحق يقفل له دكان ويلطع عليها يافطه حاياخد السبوبه الدولاريه دى..وأهو رزق الهبل على المجانين
.................
.ولكن و بصراحه أنا لاأفترض حسن النيه عادة.
.وأظن سوء الظن من حسن الفطن دائما.
.واللى أتلسع من الشوربه ينفخ ف اﻷيس كريم.
.فياخوفى ياصاحبى لتكون دى تمهيد لما يشبه "أدارة عموم الزير"..وعشان ماتدون وتفش خلقك بكلمتين زى دول ماحدش يقراهم..تحتاج ترخيص م الشئون اﻷجتماعيه ووزاره البيئه وهيئه اﻷثار ولابد من موافقه الكنيسه على البوست لو مسلم واﻷزهر عليها لو مسيحى ولا هى بالعكس..مش مهم!!
وكده وبدون عنف ولاوجع دماغ وجمعيات حقوق أنسان ومراسلين بلا حدود نسك عل الموضوع تماما
نسك على موضوع التدوين وصداعه..واللى جاى من ورا المدونين.
.وأحتمال تطلع فتوى بتحريمه كما أفتوا بتحريم اﻷضراب..
هو مش برضك الستات لزمن يدخلوا النت ومعهاهم محرم..والا أنا غلطان
واللى مزنوق ف
كلمتين واقفين ف حلقه يفك عن نفسه ف الحمام.
.وأهو الكلام يبقى ع الريحه حتى
*******************************
المشهد اﻷخير
55 comments:
الناس دى مخها ضارب
أقرا عند بلوستون رد مدونة أسمها آبى
بتقول نفس الكلام ده
يقبضوا من الأمريكان
أنا معنديش مشكلة يقبضوا , يبيعوا نفسهم , يبيعوا شرفهم , يبيعوا حاجة تانية
بس بعيد عننا
حاجة بقت مقرفة جداً
على رأي رامز، الناس مخها ضارب، لبنان هذا معادلة ملعونة و لو قام الحاج لوباشيفسكي من قبره لما حلها، و مجموعة المجانين الذين يمنون انفسهم بهذه السعادة المؤقتة ان يستعدوا لما هو آت، يا راجل كلهم تحدثوا عن الشرعية و الديمقراطية و جلسات انتخاب الرئيس لم تكن دستورية و الميثاق الوطني الذي بموجبه تقسم الوظائف ليس ديمقراطيا و ان اضفى عليه اللبنانيون طابعا شرعيا و توافقيا...اما عن الإستهبال الخليجي خليه على جنب، الظاهر انهم محتاجين للدلع في شقق لبنان ايام الصيف، بعدما عجزت مواخير العالم العربي عن تحقيق معايير الجودة البيروتية...و بيروت تستاهل احسن من هكذا ناس و احداث، بيروت قمة الشرف و الكرامة....انا فعلا مخنوق
أضحكني موقف المرأة في القسم العربي والتي تقابل الابتسامة بتصرف عجيب وسخيف
بالمناسبة، يوسف إدريس كتب البيضاء بعد تجربة زواج قصيرة لا يعلم كثيرون عنها شيئاً من..مكسيكية
:))
محبتي
والله ياخالد فكرتنى باليضاء اول ماحروح الصيدليه حدعبس عليها واقراهاعاشر
بالنسبه لحكايه القبض متيجى نعمل جمعيه واقبضها الأول
معلش ياخالد دول شباب فاضى
بس فيه مجموعه ادباء تفرح
زى عمرو واسامه يسن
ورامز بس يبطل حكايه المعارك اللى مستهلكاه ومضيعه وقت
وبعدين اللبنانيين عمالين يقبضوا من سكات
واحنا آخر فضيحه من غير قبض ولاهباب
من شرطي محترم اوجد لك حلا في منتهى التحضر الى ولية كشرة لاوية بوزها و اكيد اكيد عربية او من اصل عربي..على فكلاة اللي بيعملوا الحركات دي معظمهم وحشين موت
الجماعة اتصالحوا في قطر قائدة الوطن العربي يا ابو فارس ما انتا عارف ان قطر صاحبة حضارة عمرها عشر تلاف سنة
و على فكرة الموضوع شكله مريب اوي بتاع الامريكان و المدونين..خلينا نشوف
اخبار ركبتك ايه دلوقت..دمت بخير و عافية
بص يارامز
..موضوع أنحاد الملاك ده مش نازل لى من زور..أنهم يقبضوا م اﻷمريكان أو هم عاملينه من باب البلاهه أو الوجاهه أو عاوزين يطلعوا ف التليفزيون والفضائيات كله مايهمنيش..تخوفى الوحيد أن الموضوع مطبوخ بشكل ما لقتل التدوين..ماهو لما يكون فيه لائحه شرف وأستمارات عضويه والعك البيروقراطى ده كله..ممكن الحكومه تدخل بمقشه وتكنس الكل..والحكايه مش صعبه أبدا لو أتنين تلاته مدونين أتهفوا حتى غرامه ماليه مش سجن زى كريم مجرد غرامه ماليه كله حايخش الشق..وبصراحه أحنا شعب جبان ونعشق المشى جنب الحيط..ماحدش حايقف ويفتح صدره..أظن هذا ماحدث مع مجموعه الفيس بوك اللى دعت ﻷضراب أبريل..من ناحيه تانيه أنا معنديش أى أوهام عن التدوين وأنه السبيل الوحيد للخلاص أو الثوره..ولاالهوا حتى..ولكنه نسمه هوا ياأخى ومن خلاله أنا شخصيا أتعرفت على ناس وأراء ومواهب زى الفل..وده أهم مافى الموضوع..ورغم هلامية التعبير (مدون وتدوين) ألا ﻷن مافيش حاجه غيره أصبح تقريبا الوسيله الوحيده لناس كتير..من ناحيه تانيه..تيار اﻷسلام السياسى ممثلا ف اﻷخوان زى الفريك مايحبش شريك..فهم من ناحيه المتحدثين بأسم الله..ومن ناحيه تانيه هم المتحدثين بأسم الشعب كل الشعب ومافعلوه من خنق لكفايه مثلا دليل على ذلك..وده أسوء السيناريوهات..شكل من أشكال التنسيق لخنق التدوين..وبدون المخاطره بأستعداء مجموعات حقوق اﻷنسان ومراسلين بلا حدود والهم ده كله..نسيب البيروقراطيه المصريه العتيده تخنق أى أبداع وهى كفيله بذلك..هل الكلام ده مبالغه ؟ أحتمال ولكن سؤ الظن من حسن الفطن..تحياتى ومودتى..خالد
زيكو يابطل ياعم المعادله اللبنانيه دى معادله ذات مليون مجهول..حيرت كل عباقره الرياضيات من أول أقليدس لحد لوباشيفسكي..مرورا بالخوارزمى..بس بصراحه دمهم خفيف..
**********
تعرف ياأبو أحمد والله وبدون تهريج..أحيانا أحس أنهم موزعين اﻷدوار..أنت أعمل نفسك مع اﻷمريكان والسعوديين..وأقبض ياعم وهنيالك وسيبنى أنا أغرف من اﻷيرانين..وأهو كله بيزنس..أصل مش معقول يرفعوا السلاح على بعض السبت..وبعدين يبوسوا بعض التلات..ده لو واحد ضارب مراته علقه بيقعد يصالح فيها يجى شهر..والا أيه..!!!!!!!!!!!وأحنا بس اللى هٌبل..!!
د.ياسر فعلا ده معلومه جديده تماما بالنسبه لى..متزوج من مكسيكيه..!!؟؟بس تعرف ذوقه حلو ..اللاتينيات دول عالم لوحده..شعله من المشاعر واﻷقبال على الحياه..البيضاء رغم أن التكنيك فيها تقليدى بلا أكروبات فى اﻷسلوب ألا أن تدفقها وكم المشاعر الملتهبه الموجود بها يلمس أعماقى..وبالذات أن ظروف قراءتى اﻷولى لها تزامنت مع قصه حب مستحيله وعنيفه أيام الجامعه..د.مجدى (أبو أحمد) يعرفها بالتفصيل..وكان مشفق على منها..ولكن حين الحب تعمى اﻷبصار والبصائر..واليوم بعد سنوات طويله وحين أنظر ورائى..أندهش وأفرح وأتعجب..تعرف ياأبو أحمد والله حين قرأت البيضاء من أيام أقشعر جلدى..وغرقت فى بحر من الذكريات حتى روائح الكليه..ومشاهد من شوارع جاردن سيتى عادت بعنف..آآآآآآآيه رحم الله الجميع..تحياتى..خالد
د.ياسر
..أنا مدين لك بتعليق على كومنت لم أراه ألا من ساعات..كتابه التاريخ تحتاج نظره نقديه ووعى والمفروض ألا تكون أنتقائيه لتصفيه حسابات سياسيه..وهو الحادث حدانا للأسف..نقد تاريخ اﻷفكار كما هو القداس اﻷسود يحتاج فيلسوف وبيده مشرط جراح..ورغم أختلافى مع الكثير ممنا كتبه جون جراى ألا أن الكتاب -على صغر حجمه- أثار فى عقلى عاصفه من اﻷفكار ظلت تطاردنى ربما أسابيع..وهذا أقصى ماأطلبه من كاتب وكتاب..أن يجعلنى أفكر.. أراجع مسلماتى العقليه..أعدل من أفكارى ومسارى..ولا أحتاج كاتب يدلنى على طريق الخلاص ودخول الجنه..فخلاصى مسئوليتى الفرديه..وليس من وظايف الحكومه..كالتعليم والصحه العامه..
************
د.ياسر
متابعة واحد من أهم مثقفى عالمنا العربى مثلك لما أكتب تشرفنى..وترفع من مقامى درجات..أشكرك ياصديقى..تحياتى ومودتى وخالص تقديرى..خالد
أيهاب ياصديقى العزيز
..والله مالحقتش أشوف هى حلوه والا وحشه..بس مجرد وجودها ف القسم العربى دليل واضح على عروبتها..كما هو دليل واضح على أنى أقرء بالعربيه.
.بس مش عاوز أظلمها..ﻷننا -العرب- عموما نتحللى بصفه بشعه أسمها الفضول..
وحدث لى عدة مرات..تقابل واحد عربى أياْ كانت جنسيته..بعد لحظات يبدء فى أستجوابك..منين اﻷخ..بقالك كام سنه هنا..بتشتغل أيه..واللهى صيدلى!! فين؟؟..طب الفياجرا عندم بكام وكأنى بأبيع بطيخ..متزوج؟؟عندك كام عيل..خللى بالك من بناتك؟؟ ياعم حل عن سما اللى خلفونى وأرحمنى..حتى أنى مرات كثيره فعلا أتجنب مثل هذه المواجهات..مؤخرا..فعلا مؤخرا..أضافوا للأسئله سؤال أجبارى عن دينك..ساره مثلا أسمها عايم..ينفع أى حاجه..وملامحها مصريه محسنه نتيجه الزيجه المختلطه..لازم يسألوها عن دينها!!!!!ومؤخرا جدا دخلت ديانه جديده فى اﻷجابات النموذجيه..شيعى أو سنى..أقسم بالله مابهرج..وفعلا أجابتى هنا بتكون بأجمل تعبيرات العاميه المصريه على صغرها..
.أحا يابشر..
تحياتى وصادق مودتى..خالد
أبو فارس
أومال أنا بطلت أتكلم و اتعامل مع العرب هنا ليه... الكلام دة بيحصل عندنا باقالو تمن سنين، و بما إن زوجي أجنبي دائماً في سؤال زيادة "طب انتي بنتك هتاخد إسم مين و طبعاً لازم تتعلم دين الإسلام و الصلاة و الصوم" واخد بالك إن كل الكلام دة كان عن بنتي إلي هي لسة مكنتش كملت شهرين. لا و في ناس كمان سألت امتى حقولها لازم تتحجب.
أنا بطلت حتى ابتسم في وش أي حد عربي. أنا أصلي كمان ماحبش ضرب البوز أبداً. باكتئاب لم حد يضربلي بوز و بالأخص لما يكون من غير سبب. تلاقي الست إلي ضربتلك البوز افتكرت انك بتعاكسها ولا حاجة، اه ماهو أصل معظم الستات العرب كدة، إذا كانت هي متنكد عليها لازم تنكد على غيرها، ماهو حياتها متمشيش غير كدة، فا أوم تمشي في الشارع تلاي كل الستات ضربة بوز.
و على رأي خالي يا خارجة من باب الحمام و كل خد عليه خوخة بصي أدامك لا تتكعبلي و تؤعي على بوزك.
Abominatrix
www.wanderingscarab.blogspot.com
ده انتوا حاجة صعبة
!
هو لازم كل ماحد يتصالح يبقى قابض
يا ربي
!
بتفكرني بكاريكاتير كان يحمل نفس المعنى كان على موقوع الاقباط متحدون ايام اتفاق مكة بين فتح وحماس والذي نقضته حماس بتدبيرها للانقالب وسبقتها حماس بالسيطرة على المقار في ست ساعات
كان الكاريكاتير برضه بيصورهم قابضين...اكره اقول الطيور على اشكالها تقع
كنت اتمنى منك افضل من كده وبخاصة في موضوع لبنان
على فكرة بالمناسبة .... سبحان الله انهاردة كنت نازل موقف السيارات للشركة التي اعمل بها حاليا في دولة عربية قريبة من مصر
وسبحان الله كان برضه فيه موضوع الابتسامات والتفاهمات والأدب والذوق بدرجة لفتت نظري...والطبيعة دي بتتكرر عموما وشفتها كتير هنا وفي غيرها - واكيد فيه العكس لكن ده وده للي عايز يلاقيه برضه في العرب والمسلمين واهل الغرب ايضا
وطبعا واحد متطرف ارهابي زيي اما يلاقيه كده بيكون رد فعله ان بيبقى ماشي يدعو الله بالتوفيق والبركة لمثل هؤلاء
ربنا يهديك ويهدينا
بقولك ايه ياأبوفارس
هو ايه حكايه اللزقه اللى عندك
هو فاضى الموضوعات اللى بنتكلم فيها المفروض خارج اهتماماته
حتى اللغه مختلفه والأولويات والمرجعيه
انت فيك شئ لله طول عمرك
بس يطلع ده نصيبك فى الآخر يبقى ضمنت الجنه ياأبوفارس
تحياتى
خالد صاحبي ..
إنت بتدكترني يا أبوفارس ؟؟ أهو إنت اللي دكتور وستين دكتور كمان..
حلو سيناريو المشاهد ده .. وبعدين فين اللخبطة وألوان اللخبطة .
التتابع متزن تماما والسيناريو محكم والميزانسيه مظبوط وحركة الكاميرا متسقة مع البناء الدرامي و زوايا التصوير ونوع العدسات المستخدمة في حالة هارموني .
تعليق علي المشاهد:
الأول ـ زي حسن الهلالي كده ـ ظريفة حكاية أتوكا علي عصا .. يعني تقدر تقول موسوية التكوين. وبعدين مش كل الستات العرب ببوز .. فيه بكعب وفيه علي الأرض وفيه بوردة. وكمان فيه مليحات منشرحات بدون عقد ، انت بس كان حظك شباشيبي علي قباقيبي في القسم العربي ـ كويس إنك كتبتها بالقاف مش بالكاف ـ.
الثاني: مش قلت لك الكلام سياقي وليس معرفي ، وانت تنبأت باللي هيحصل وتم عزف النشيد الوطني لقوي التحرير شيعية علي ملوخية و رفع شعار "ظرفني .. تعرفني". يعني قاومة تصبح مساومة ، والثورة تصبح ثروة ، بدون تفرقة بين حسن أبوعلي وجعجع وضدعضدع وأطوش الرمادي ..... مرحبا بك في العالم العربي. الاسترزاق هو سيد الموقف.
علي فكرة الهع دي كانت تحفة .. الهع الاولي مثال حي علي الجهل الممزوج بديماجوجية الغفلة وقلة المعرفة الناتجة عن لخبطة جينوـحوارتجية ولم السبارس .. يعني هامش يسار مع لطشة أخوان وقليل من الفوضى مع كثير من عصير الشيعة صدام نجادي نصرالله إخوان .. فلوس برضه.
الثالث: يوسف إدريس .. سعد مكاوي .. يحيي الطاهر عبدالله. سمع هس
الرابع: ياراجل .. دي عيال هايفة ، تدوين إيه وتدخين إيه.
الظريف إن الحكومة المصرية بقيادة مصلحة الامن القومي قررت تهميش المعارضة المهمشة أساسا وتضخيم صورة مايعرف بالتدوين.
يعني تهييف ماهو هايف أساسا ، علي رأي أخونا د.أسامة: العيال بتوع ثورة ثورة حتي النصر دول عندهم مشاكل وكبت .. يعني جزء من الخطاب الانتحاري. الظريف إن توافه الشباب المصري صدقوا الموضوع وعليه أتي توافه العقد الخمسيني علشان يقننوه .. يعني الناس بدل ما تقرا فؤاد زكريا أو ياسين الحاج تقرا كلمات المدون واوا صباعه واوا والمدونة قلبي نصف تفاحة والنص التاني اتهبش.
يعني بنت معتوهة زي إسراء أحمد إسراء تبقي حديث المتينة .. حلو نضال السيبركافيه ده .. بتقولك إن السجن كان ظريف والاكل والخدمة ممتازة .. يعني بدل مانروح باريس السنة دي ممكن نقضي خميس وجمعة في أبوزعبل. بالذمة ينفع كده
رجوعا لعمنا لاكان وليفي شتراوس والناس المأسدة دول..
طلع إن الكلام لا يؤدي وظيفة معرفية، أو تعريفية بل دور تغييبي تستخدم فيه طرق عديدة أشهرها الآن هو
Euphemism
يعني نخليها ناعمة وكلها حنية ..والامثلة لاتعد ولاتحصي.
أما اللغة في شرقنا التعيس فتمر بحالة غير معروف اسمها .. والمعني مبهم والدليل .. كلمة مقاومة.
ولايخلو عالمنا الغربي من نفس الحالة .. فأشهر الصحافيين هنا في أمريكا يصف دائما إسرائيل بالدولة الديموقراطية .. وهذا دليل علي حمورية أهله .. فإسرائيل ليست ديموقراطية بل مايسمي في علم الانثربولوجي ـالشر بره وبعيدـ بالاثنوقراطية
Ethnocracy
.. يعني دولة تفرق بين الهوية الوطنية والمواطنة
الأخير: العنب أحسن من البطيخ ، العنب يطلع نبيذ .. البطيخ يطلع روحك.
مازالت الحالة النفسية بنفسجية مع جزيل الشكر للبنات والصيف ودولة البرازيل العظمي.
وليس للحديث بقية
تحياتي وسلاماتي
ابو فارس
====
انا في جزئيه من المقال عاوزة اعلق عليها
جزيه اتحاد المدونين انا لسه مقابله صديقه اليكترونيه قاهريه وقالت لي نفس الكلام بتاع الرش الامريكاني القادم او الرش الاخواني في مشروع المدونات الكتاب ب300ورقه قطع فاخر ب4 جنيه
طبعا انا هنا في اسكندريه محصلتش علي الكتاب ولا حضرت ولاطبعااعرف اي حد من بتوع الاتحاد
بس عندي رؤيتي لو في جهه ما عاوزة ترش فلوس وخلاص وبتدور علي يافطه يبقا زنبهم علي جنبهم!!
لو صحاب اليافطه ها ياخدوا فلوس باسم المدونين يبقا اهي سرقه بجملت السرقات اللي بيتسرقها شعب مصر
سارق زكي عبا الهوا في ازايز
ومسروق عبيط
والحقيقه الاتنين ما يعنونيش..يولعوا
انا ببص علي التدوين كطاقه اتعرف بيها علي الجديد واحمي الجمجمه من الصدا
افش زهقي فيها
وبعدين نقطه تانيه مهمه:في رأيي ان المدونين كأشخاص مهما عظم او قل قيمه ما يكتبوه فهم جموع متميزة نوعا ما.. بداخلهم شيئ ما يرغبوا في البوح به وليهم طبيعه متمرده
ناسout of controul
مش under controul
الاتحاد محكوم عليه بالموت من قبل ما يبدا لطبيعته ولكون مؤسسيه يستحيل تجميعهم في كيان واحد بتنوع افكارهم الي حد الجنون
شوف مثلا الاسامي اللي اوردها رامز..ابوفارس وبلو والصارم وبيسو وبنت القمر واسكندراني
محدش شبه حد خالص
كل واحد طعم ولون وبصمه مختلفه كليه عن التاني تلمهم ازاي في اتحاد ده كان الدم للركب:)))
دي مش نقابه الاطباء ها تدينا معاش ولا ها تطلعنا رحله عمرة
ده كيان هلامي وزي ما قلت لصديقتي الاليكترونيه
لو الموضوع تاعبكوا كده اعملوا اتحاد مضاد تبرجلوا الناس وتشتتوهم وتخلص بدري
عشان كده انا مش قلقانه خالص
بالنسبه للكتاب اللي اتنشر وكون جهه تساهم في تكاليفه زي الحكومه او الاخوان
يبقوا عالم هبله ويستحقوا اللي يجرالهم
لو ها يسييببوا مشاكل البلد ويحاولوا يتفرغواينشروا كتب قال عشان يضمنوا ولاء المدونين يبقاعليه العوض في مخاخ الناس في البلد دي
===========
سلامتك تاني مرة
N.E.C.
إنت فين ياشابه والله وحشتينى..
متزوجه
من أجنبى..مش مسلم يعنى!!عليا النعمه جدعه..
مبروك ولو أنها متأخره كذا سنه ..
طب خللى بالك اﻷخ الصارم اللى فوق ده يقيم عليك الحد..أو اﻷتنين أو التلات..
مأساه والله العظيم مأساه..ينفع أكتب فيها كتاب..حالة الوهم اللى الناس دى عايشه فيه..أصل حضرتك مش واخده بالك..مجرد كونك مسلمه بالصدفه المحضه..يجعل من حق المليار بائس من المسلمين الموجودين على سطح الكوكب الحزين ده يتدخلوا فى أدق خصوصياتك..ويقولك الدين النصيحه..ليه ﻷننا كلنا -أنا وأنت واللى زينا-عاهات عقليه ومتخلفين ومحتاجين اللى ياخد بأيدنا..
مثال اﻷخ الصارم الحاسم ده وزيه كتييير ياما..ماتعرفيش جايب فكرة أنه هو الوحيد اللى فاهم..وانه هو الوحيد اللى عارف الصراط المستقيم ..ألخ ألخ..وأن مهمته ف الحياه هى هدايه العالم اللى زى حالاتى..وتجيله صدمه عصبيه ويفقد أعصابه ويلبخ ف الكلام..لما واحد زى حالاتى مثلا يقوله..ياعم كل اللى بتقوله ده أنا عارفه وأعرف أكتر منه ولايساوى شئ بالنسبه لى..
عارفه المسلسلات الدينيه الخيبانه بتاعه التليفزيون زمان..لما يجيبوا واحد كافر ومطلع عين المسلمين وبعدين بالصدفه كده حد يقوله آيه ولا يشوف غروب الشمس..يبربر ويدمع ويقلب مسلم فى ١٢ ثانيه..هم بصراحه صدقوا الحكايه دى..
ولا يتخيلوا أن حد ممكن يبقى عنده دماغه ومختلف..
أو أنه يكون مسلم ومش طالع م القالب اللى ف دماغهم..
سيبك سيبك..
لو متابعه الحوارات على المدونه دى أنا والصارم وصلنا للتشابك باﻷيدى فى موضوع الزواج المختلط ده.
.شخصيا -وطظ ف اللى مش عاجبه- مش شايف آى مشكله على اﻷطلاق فى زواج مسلمه من غير مسلم..
وأيوه لو واحده من بناتى جت قالت لى عاوزه أتجوز فلان..وفلان ده بوذى..وراجل كويس بمقاييسى أنا..حاأقولها ع البركه يابنتى..
كده يبقى فى دائرة معارفى سبعه زيجات مختلطه من مسلمات متزوجات من غير مسلمين.
.حلو.
.أشكرك على تمنياتك الرقيقه بالشفاء..وأخيرا وليس آخرا..ياشباب عاوزكم تدخلوا مدونة الصديقه
N.E.C.
وشوفوا كاتبه أيه
www.wanderingscarab.blogspot.com
..أولا لغتها اﻷنجليزيه فى منتهى الرقى..ودمها شربات..وحسها النقدى مرتفع جدا روحوا على مسئوليتى.
.تحياتى وخالص مودتى..خالد
صرصر حبيبى..منور المطرح والمكان..مرحبا بك فى بحر الظلمات.
.معلهش هى فزوره..!! دوله عربيه شقيقه قريبه من مصر.
.السويد.
.صح كده.
.شفت أنى واعر جوى.
.بس بجد على رأى أبو أحمد أنت بتعمل أيه هنا..؟؟وبرضك مافيش فايده..ماعندكش خيال خالص..لازم تلاقى مترادفات..وتحط الناس واﻷحداث فى صناديق..أما صناديق خرافيه مثل أبن مسلول..وعكرمه وماأعرفش مين..أو صناديق أفتراضيه.. اﻷقباط المهاجرون..عموما..مرحبا بك..منورالمطرح..وشاكر على الدعاء بالهدايه..دعائى المضاد لك هو يارب تفهم..تحياتى وبلح آمهاتى..خالد
Abu Faris..
I'm sorry about my absence, I was in Egypt recently (and let me tell you that was an adventure) and when I came back to work I had so much stuff to do. Last week was the first time I could breathe.
About my husband. Our story is rather comedic. When I met him he was like the average Canadian; a big guy of European descent with Catholic written on his birth certificate. He did not go to church. He did not pray. In fact, he did not even believe in Catholicism.
When I told my husband about the condition that Muslim women must marry Muslim men, and that in order for us to get married my family will want him to be Muslim, there were long and hard discussions about the issue. Long story short, he agreed to become Muslim, but really only on paper; to be honest more like a ploy for us to get married and to avoid any harm to me.
It's not that he has anything specific against Islam, or Christianity for that matter, but I think he best described it when I asked him about religion. He said "I believe in the fundamentals and moral values of Islam, but I don't believe in the traditions of Islam." If every Muslim operated on that belief, I think the Middle East will be a different world.
And let me tell you the process of converting to Islam today is a farce. There were times (back when we were engaged), when we used to socialize with the Muslim Community (under duress from my mother), that I thought I walked into a circus, to the point that a group of people told my then dearest fiance, that if he does not drop his European name and adopt a more Muslim name like Abdullah or Jafaar, and learn Arabic immediately, that his prayers will never be accepted by God because Arabic is the chosen language, and Islam is the chosen religion. I have to say, I never felt more embarrassed of being a Muslim.
I believe in treating others with respect; in being a productive member of society. It doesn't matter what religion we are, what colour we are, what sexual orientation we are. These are not the things that make us good. Understanding what and who we are is a tool to help us better ourselves. Religion does not make me a better person. My effort to better myself does. Utlimately, I think change comes from within.
OK.. I'm going to stop my blabbering now..
Abu Faris..
Seriously, thank you for the compliment. If you keep going my ego may demand it's own postal code.
Sorry for switching between Arabic and English, and also for the different aliases (N.E.C. and Abominatrix.) I know it seems like I have some sort of dissociative disorder. Google Blogger has been a real pain lately and I have finally got the thing to work right for me.
Apologies all for sounding like a nut!
N.E.C.
فرفر بطيني الايسر - وطبعا مش الايمن
:))
تقدر تقول بخش عندك تسلية من باب آخد بصة على الغير واقول الحمد لله الذي عافانا
:))
ومن باب معذرة الى ربكم ولعلهم يهتدون برضه
وبما انها مدونة عامة على النت والعم جوجل عمل كده فمن حقي يا اخي
اما باعمل ايه هنا
.....
تقدر تقول
بعمل شغل زي
R&D
على
procedure
جديد في مشروع مشترك بين اربع اكبر شركات عالمية ممكن تسمع عنها في الاتصالات...ناقصنا واحدة ونكمل المجموعة كلها
:))
شوف ازاي
:))
مجعلصة شوية العبارة اللي فاتت بس هي الحقيقة - صدق او لا تصدق اكيد مش هتفرق معايا
:))
بس اكيد هلاقي لك وقت يا حبة عين وشريان البطين الايمن لابو احمد طبعا مش ليا
:)
انت تقول كما قال من قبلك ممن كذبوا الرسل ..ان هذا الا خلق الاولين
لكن ماتنساش اللي عباس العبد - رامز - قاله لك قبل ان اقوله لك ..... الاقدمين كانوا اساتذة اساسا ...ففي عصرنا هذا كانوا ليكونوا اساتذة ايضا
تحياتي
وليد ياصديقى العزيز..أهو من غير دكتره ياأبو نور..وأنا لازلت سعيدا بحالتك البنفسجيه..أدام الله لنا الصيف والبنات والبرازيل..وحانقول أنك بتحب الكره البرازيليه بفريقى الرجال والآنسات..!!
Euphemism
دى شديده علينا خالص ياصديقى.
.تصدق أنى من ساعات تطول أو تقصر كنت جالسا بالجراج أو المرآب -كما أقرها مجمعنا اللغوى- أدخن معسل ماركه السلوم..وخظرت على بالى فكره غريبه جدا.
.ليه أحنا بنقول
فاتنى القطار
و
غلبنى النوم
فى حين أنها ف اﻷنجليزيه
I missed the train
I overslept
أليس هذا دليل على خلل فى المنطق الداخلى للغه العربيه..بمعنى..حين يعفيك المنطق الداخلى للغه نفسها من المسئوليه..فالقطار هو الذى فاتنى وانا ماليش دعوه والنوم هو الذى غلبنى وبجد مش واخد بالى..يبقى منطق ماحدش يفتح بقه حانجاهد..أو ماحدش يرفع صوته ورانا معركه مش غريب على أمه يغلبها النوم ويفوتها القطر فهى مفعول به حتى فى اللاشعور...والا أيه أبا نور...تحياتى وخالص مودتى
بنت القمر ياقمر..طب أيه رأيك وبجد وبدون هزار وبلا قافيه كما يقول أولاد البلد..أنا وأنت ورامز وحفصه وهانى وكبشه الناس الحلوه دى (ماأعرفهمش كلهم ) بس ممكن نجمعهم ببوست موحد نتلم كده بالصلاه ع النبى ونعمل أتحاد مضاد..أتحاد المدونين اﻷحرار مثلا والا بلاش اﻷحرار دى ..أى حاجه وكل برنامجه يند واحد "قول اللى نفسك فيه بالطريقه اللى تريحك.. ونحن ندعمك" اﻷشتراك مجانى وبدون رسوم ولاتسجيل ولايوجد مجلس أداره ولارئيس ولادياولو..وبكده نقطع الطرق على أى حد عاوز يكتف التدوين..وأن كنت أتفق مع صديقى الدكتور وليد فى كل ماقاله عن التدوين ألا أنى باكره موت أن حد يرغمنى أعمل -أو ماأعملش- حاجه مهما كانت هايفه..يعنى أحتمال بكره مثلا أبطل تدوين تانى..وللأبد..بس بمزاجى..ماحدش يقوللى ماتكتبش..أو ماتاكلش ده..واخده بالك
..تحياتى ومودتى..خالد
.....
قريت بأهتمام شديد مدونه
شريف العداله للجميع اﻷخيره..وكنت ناوى أعلق بس فعلا لقيت كلامى حايوجع ناس كتير..تعرفى من أهم أسباب هجرتى لكندا أن عندى بنات..تصدقى دى..فكرى فيها كده وأحتمال أكتب عنها
N.E.C.
..حكايتك مع زوجك دى بالنص سمعتها بدل المره تلاته وأربعه..أخرهم صديقه فلسطينيه كانت متزوجه من أحد أبناء عمومتها وأنفصلت عنه بعد مجيئهم لكندا بشهور..من كتر ماكانت زهقانه وقرفانه منه ومن معاملته لها..وهم اﻷتنين تعليمهم عالى وأشتغلوا ف الخليج سنين..المهم..أتعرفت برجل كندى أبن كندى..ونفس الحدوته..أسلم ياعم عشان العيله..ﻷماسلمش..المهم..مشيت الجوازه..وأنا فعلا مش عارف الناس دى بتضحك على نفسها والا على ربنا..فيه نساء طنشت الموضوع ده خالص..وهى اسمها فاطمه وهو أسمه سان بيير..!!
معلهش ياصرصر..عارف ضغطك طلع..أشرب ينسون أنا صيدلى وعارف بأقول أيه..تحياتى سيدتى وخالص مودتى..خالد
صديقى العزيز..الصارم الحاسم..والله كنت ناوى أسبخ لك وأدحنا بنتسلى بس فعلا حضرتك قلت حاجه لفتت نظرى وبجد وبدون تهريج وحياه أولادك ياشيخ..لو عندك... ويرزقك بالذريه الصالحه يارب لو ماعندكش.. وتفرح بيهم وتجوزهم قول أن شالله..أنت بتشتغل فى مشروع
R&D
على
procedure
مع أكبر أربع شركات عالميه فى اﻷتصالات..وسيبك م الخامسه دى خلينا فى اﻷربعه دول..يعنى شركات متعدده الجنسيه أو بالدقه عابره للجنسيات..بجد والله سؤال..الشغل معاهم مش حرام برضك..أنت بتفسرها بأيه أنك بتشتغل معاهم وأنت كما تقول عن نفسك أصولى ..وأرهابى ..وصارم..وحاسم..مش مفروض أنك تفكر كده أن تلك الشركات هى شركات صليبيه..أقسم بالله مابهرج..وأن اﻷحتمال اﻷكبر أن معظم مديريها يهود..وأن أموالها لاتعلو فوق الشبهات..مستلفينها من بنوك وبيدفعوا عليها ربا..وأحتمال البورتفوليو بتاع الشركات دى داخله فيه شركات تصنيع وتسويق خمور..أو سجاير..وأن جزء كبير من تبرعاتهم السنويه المخصومه من الضرائب تذهب ألى أسرائيل..بلاش تذهب ألى جمعيات تبشيريه ف أفريقيا ..أو تدير عيادات أجهاض فى بنجلاديش مثلا..الضرايب اللى بيدفعوها أكيد على اﻷقل شركه واحده منهم أمريكيه..الضرايب دى مش بتمول الحرب ف العراق وأفغانستان لقتل المسلمين..؟؟مش خايف أن المعلومات اللى حضرتك بتجمعها لهم فى
R&D
على
procedure
اللى بتعملوه بتصب بهذا الشكل أو ذاك فى أيدى السى آى آه أو الموساد مثلا..أنا ممكن أعدد لك للصبح حاجات زى دى بس أظنك أنسان ذكى وفهمت قصدى أيه..؟؟أنت أزاى تشتغل معاهم..وأزاى تدخل بيتك فلوس مشكوك فيها بالشكل ده وأزاى تساهم فى قتل مسلمين وتنام بالليل وضميرك مستريح.
.طب أنا حاأقولك حاجه وأنا أهو لاصارم ولاحاسم ولا أصولى ولاهباب بالعكس بس راجل ذو مبادئ..أن كنت أعمل هنا فى أحدى صيدليات أكبر سلسله صيدليات بكندا..أول ماعرفت أنهم بيتبرعوا مش بس ﻷسرائيل ﻷ للمستوطنات اﻷسرائيليه فى الضفه والقطاع أستقلت وتركت العمل لديهم وأخذت عهد على نفسى ألا أنفعهم بسنت واحد لابالعمل لديهم ولابالشراء منهم..ومن سكات وبدون ضجه..أيه رأيك ياحلو لو ماجاوبتش تبقى خ** وبجد وبدون أى لف ولادوران!!!
ابو فارس
=========
بالنسبه للاتحاد ولا يهمني اللي يقبض يقبض والل عاوز يتمريس براحته واللي عنده عقد يفكها بعيد عني انا اللي ممكن يجنني الي حد العته ان حد يسرق كلامي او يتاجر فيه {ينشرة}من ورايا
طبعا ده مع اعترافي التام بتواضع ما اكتبه
ممكن انشرة في جريده ببلاش مثلا
لكن حد يسرقه لا
او ينشر تدوينه لاخرين فيها تعليقي لاني زي ما قلت لرامز التعليق ملكيه مشتركه بيني وبين صاحب البوست
محبش برضه ينتزع من سياقه ويتسرق
واتقال في لحظه معينه بمود معين مش لازم يتكرر ولا يتشرح
ده بالنسبه للاتحاد
يسرقوا باسمي
نوبروبليم انا بتسرق كل يوم!!لكن حد يقرب من صفحتي الخاصه لا
===============
بالنسبه لتدوينه شريف
هارد عليك من نقطه تانيه انا عندي بنتين 9 و12 سنه وده قولته ميت مرة في المدونه... عشان زي ما انت عارف لا ابحث عن عريس ولا حبيب ولا حتيالهوا
قوم يا اخي لما كتبت البوست ما قبل الاخير... رغم تواضعه برضه بس فيه شويه تعب دماغ ورصدت فيه شويه ملاحظات علي الواقع
قوم تجيليك التعليقات من ماركه ريحي دماغك ما ترهقيش عقلك
بطلي جز علي سنانك
وشويه نخش ده انتي ست قطقوطه لطيفه مالك انتي ومال مدعي الليبراليه والقبط والمثليين
ما تحكي لنا حواديت حلوة جبتي ايه من المول
لو راجل اللي كتب رايه كان حد قاله كده؟؟؟؟!!!
كان حد استجري قاله المواضيع دي مرهقه اشفق عليك
ايه النيله دي؟؟!!
حاجه تحزن يعني لا فيها قران ولا نص ولا سوء تفسير النص
المشكله في المخاخ وتزيد الطين زروطه انك كمان تستغل النص
يعني بجد حرام
وطبعا مكدبش عليك انا كفرت بالرجاله كلهم واولهم اللي بيرفع شعارات المرأه وتحريرها وبطيخ
لان احترام المرأه مش شعار ده واقع تلاقي الناس دي او مواجهه مع الواقع بتعاملوا مع الست زي اي متخلف تاني وبيستكتروا عليها تفكر وتشارك
عشان كده كتبت عن مدعي الليبراليه ومش اليبرالي الحقيقي
لان المدعي اوسخ وادل
ده واقع معاش جدا من اول اللي بيدخل في حريتها ويحبسها ويسجنها ويقعدها في البيت
لححححححححد اللي بيكسر عليها في اشارة مرور عشان هو راجل ولازم يعدي الاول مش يستني لو قدامه ست!!او يسرق منها ركنه العربيه عشان هو الراجل وهو احق
حاجه زفت
اصبحت حااااده جدا في الوضوع ده معنديش استعداد حد يلوي دراعي ابدا
ابدا حتي لو علي اخر نفس فيا ها يكون التمن
ناس لامتني انه بتدخل تعلق عندي واحدة منقبه
هي حررررررررررررررة تلبس بيكيني تلبس نقاب هي حرة
امال حريه ايه اللي بنقول عليها
ممكن افطر الصبح مع واحده داقه صليب
صديقتي الاليكترونيه وباليل اخرج مع واحده لابسه اسدال ايراني
هو انا ها اعلب الناس علي مزاجي
اكتب اللي انت عاوزة انت حر
توجع ناس كتير
ليه
انا مش منهم
انا مفيش حاجه توجعني غير سناني
قول ولا يهمك
تحياتي
واسفه علي الرغي
سيدتى بنت القمر قرأت تعليقك المحترم جدا..وفاهمك أكثر مما تتخيلى..ويمكن ﻷنه فاهمك وفاهم السيدات والآنسات اللى زيك طفشت ببناتى على كندا..تعرفى واحد زميل ماجستير فى التحاليل..لما قلت ده أنا مهاجر عشان عندى بنات مش العكس..والله كان حايطب ساكت..وأكيد استعوض ربنا فيا..المهم دى تحيه سريعه جدا..ولى كلام سواء هنا أو عند شريف يعدين..ﻷن الساعه ٦ صباحا ولازم أوصل الواد فارس المدرسه ثم الى العمل ٩-٦ اليوم..تحياتى ياعزيزتى وصادق مودتى..خالد
مساء الفل د. خالد ،
يالا ياعم أهم بقي عندهم وقت وبعتوا لك المنافق الحازم والمُضحك والصارم يشاكلك وكأنه متخصص كتاباتك .... أشكاله خلوني أقراء فقط وأبتعد عن الكتابة علشان ما أقرفش نفسي.
ألابتعاد عن أشكالهم في كل مكان راحة وبالذات إن أنا سبتها لهم من أكثر من تلاتين سنة وأهي خربت أكتر من زمان ومع ذلك مازلوا علي غبائهم
أقول لك أيه ولا أيه بس والله قرفت لدرجة لا تتخيلها وأنا كنت فاكر إن مُستخدمي الهباب المسمي كمبيوتر ُمُخهم نضف شوية لكن للاسف مشكلتهم في إلإمتلاك... أما عن بقية المواضيع في المهجر ...خلي الطبق مستور
ومسائك فل وعنابي
تحيات إسكندراني في بلاد الله الواسعة
يااااااااااه ياأسكندرانى
..إنت فين ياراجل..أيه الغيبه الطويله دى؟؟والله العظيم واحشنى ووحشانى تعليقاتك اللماحه الذكيه..وعارف أنك بتطل كل شويه بس قلت سيبه لما تجيله نفس يكتب حايكتب..عارف والله ياباشمهندس..وممكن أغنى لك مواويل ع الربابه..وحاسس بك..وبأزهق واسب والعن..وأقول التوبه..أياكش تولع..وبعدين قلبى ياكلنى وأيدى اللى عاوزه قطعها تتمد وتقرا وتكتب..وأقول يمكن ياخالد كلمه نقولها تنور طريق..عارف ليه ياصديقى..ﻷننا أنت وأنا وأيهاب ومجدى وليد وياسر..وغيرنا ..مصريين مع سبق اﻷصرار والترصد..مصريين غصب عن بوذنا..مصريتنا هى صليبنا نحمله أينما ذهبنا ..لو أعرف هى ف أنهى عضو كنت بترته..بس دى حاجه ف القلب والدم ياصديقى..مهما رحنا وكبرنا وعجزنا برضك بنحن..ياعم خليك جنبنا كده نتدارا ف بعض وناخد حس بعض..طب والله ليك وحشه..تحياتى وخالص حبى ومودتى..خالد
مساء الفل عليك يا د. خالد ؛ أبو فارس
أولا جئت لحضرتك مرة تانية للمساء عليك وللتمنيات بإن ربنا يشفيك والف حمداً لله علي السلامة فقد نسيت هذا بالامس عندما كتبت التعليق ؛ وكمان لأقول الله يخليك ويكرمك بكرمه ويقويك علي أخواننا البعدا؛ أنا فعلا كما حضرتك قلت متابع لكل ماتكتبه سواء عند حضرتك أو عند ألأخوة المهاجريين الآخرين وغيرهم أيضا ودائم الزيارة عندك ولكن يا نقص الوقت والتعب الشديد أو لأن النفس لاترغب في كتاب أي شئ وخلاص لمجرد الكتابة. فأرجو المعذرة لذلك
ودمت بصحة وعافية
تحيات إسكندراني في بلاد الله الواسعة
هههههههههههههه
لأ وشغال معانا مزز ايه من بنات بين الاصفر ...ووطبعا انت عارف طبعاواول ما هيخطر في بالك العقد النفسية بتاعة الجماعة الارهابيين اللي زيي وشغل الحمامات على حد تعبيرك
:)))
بجد لم اتمالك ان ابتسم عندما قرأت تعليقك ...ليس استهزاء ولكن استغراب
طبعا او ما يرد في عقلي عندما ارى تعليقك انك بتطلع القطط الفاطسة
لكنك بتأكد انك بتسأل بجد !!! ماشي
!
سبحان الله
!!!!
:))
يعني لو قلت انا نفس كلامك وقعدت في بيتنا واكتفيت بالقعاد في الجامع هتطلع انت او غيرك وتقول شوفوا التدين والفهم السئ للاسلام بيعمل ايه...شوفوا التخلف...شوفوا شوفوا شوفوا
مش فاهم انتوا عايزين ايه بالضبط
!!!!!
لكن عموما ليس انتقادات او وجهات نظر الآخرين هو ما يحرك المسلم او من يظن نفسه مسلما ويحاول ان يكون مسلما جيدا...لكن تقوى الله وفهم سنة نبيه وصحابته
وده يؤكد وجهة نظري...مع كل الاحترام لسنك ولمركزك لكنك لم تحاول ان تفهم الاسلام بعيدا عن الشوائب وان تنتقي وتسمع لما يعقل ولما لا يعقل بنفس صافية تريد رضا الله بعيدا عن الاهواء
على حد كلام اذا كل شئ نستخدمه الآن ونشتريه لا يجب علينا ان نشتريه....لا ساعات ولا كمبيوترات ولا هواتف محمولة او ثابتة ولا سيارات ولا اي شئ...ولا نسكن في مساكن لانه الآلات المستخدمة في مصانع الحديد والاسمنت مثلا قادمة من شركات الكفرة ايضا ...ولان عوائد كل هذا تصب في كل ما تقول بشكل او بآخر وهنا حتى كمستهلكين
لكن القواعد الفقهية لاي شيخ سلفي متخلف متطرف متعصب كما تسمونهم-براك الله فيهم - حاليا يقول لك بما ان الشئ له استخدماه الحلال واستخدامه الحرام فحلاله حلال وحرامه حرام
نفس السكين التي تقطع تقتل..ونفس القتلة قد تكون بالحق وقد تكون بالباطل
وفيه قاعدة اخرى تقول تقدير المصالح والمفاسد
وان نظرت في سيرة النبي والصحابة الراشدين تجد انه لم يمنع التجارة مع الكفار..واحيانا كان يشتري حتى اداوت الحرب منهم انفسهم...ده غير التجارة
والامثلة والقواعد الفقهية كثيرة جدا..ملخصها آية
فاتقوا الله ما استطعتم
نيجي لحالتي دلوقت المشروع الذي اعمل عليه مفيد للناس باذن الله ...لا توجد شركات مثيلة في العالم الاسلامي...اكتسب خبرة بأمر الله لا بأس بها...افيد وانفع الناس في العالم....في المستقبل بأمر الله يكون مردود هذا الامر عظيم ...من ناحية التمكين او حتى العمل في شركات نملكها نحن المسلمين ...زائد ان الدعوة لدين الله لا تتوقف حتى في مكان كهذا
قد اقول لك انه يتم في دولة عربية ...لكن واقولها بكل وضوح ولو لم تكن دولة عربية او مسلمة لعملت به ايضا باذن الله...الا ان تكون اسرائيل او امريكا فقط فلا اعمل باذن الله...... او ان الخيار موجود بظروف متساوية- وشدد على متساوية او متقاربة حتى - بين دولتين مسلمة وغير مسلمة ...فهنا لا بأمر الله ..واختار المسلمة
او ان يكون المشروع موجه ضد دولة مسلمة فلا افعلها ايضا باذن الله...او ان المشروع يكون في قاعدة عسكرية او يكون تطبيق عسكري اعلم انه سيستخدم ضد دولة مسلمة او ضد ابرياء عموما مسلمين كانوا ام لا ...فلا افعلها ايضا باذن الله
حالتك تختلف .... مع احترامي لكن العمل تقليدي وليس به جديد ....ومتاح في اماكن اخرى كثيرة كما فعلت
احيلك ايضا على هذه الفتوى على موقع اسلام اون لاين...تشبه ما تتكلم عنه لوكن من بعيد لبعيد كده
http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528623292
ومنها هذه الفقرة
""
أما من حيث الأشخاص، فإني أوصي الأشخاص الأقوياء في الدين والعلم ومعرفة واقع العمل الانضمام حتى لو وُجد شيءٌ مخالفٌ وذلك للإصلاح في المجال قدر الطاقة. ولو تبين له بعد مدة كافية من العمل أنه لا يستطيع التغيير، فله أن يبحث عن عمل آخر. أما من لا يأنس من نفسه الكفاءة، ويخشى على نفسه الفتنة فلا أرى أن ينضم للهيئة.
""
ده الاسلام العادل والواقعي الذي اؤمن به وعدالته وواقعيته دي هي ما ترغبني فيه يوما بعد يوما ..اسأل الله الثبات على دينه
آخر حاجة...حمدا لله على سلامتك...متأخرة اوي وألوم نفسي انها متأخرة اوي...شفاك الله وعافاك ...ومصاب "المؤمن" كله خير ..ان اصابته ضراء صبر فكان خيرا له وان اصابته سراء شكر فكان خيرا له
اسكندراني
مش هضيع وقتي معاك
ســــــــــــلامــــــــا
بالعكس تماما ياصارم باشا..إنت قلت بالظبط ماتوقعته.. وأثبت بالظبط ماأعرفه عنكم...ولم تقل أى جديد..ولو كنت راهنت على ماستقول لكسبت الشلن بسهوله..شكرا على تمنياتك بالشفاء..وأعانك الله على فتنه "مزز" بنات اﻷصفر يامسلم ياللى بتعرف ربنا..تحياتى وبدون بلح آمهاتى المره دى خلص..خالد
صباح الفل يا دكتور خالد
خفة ظلك من الشياء المميزه جداالى بتتمتع بيها والله وحشنى هذا الجدل البيظنتى والسفسطة بتاعة المثقفين بقالى زمان بعيد عن الجو دا للاسف انا فى دولة من دول الخليج انا بكتب وانا بضحك والله بجد انا نفسى اسافر اى مكان عشان عندى بنتين برده كنت بكره واموت لما حد يقولى انت بنت ماتعمليش كده ودلوقتى مش قادره اقولها لبناتى وطبعا المجتمع الى حوليك بيجلدك بس مش عارفه اقولها دى اولا
ثانيا الموضوع اللبنانى دا موضوع معقد حاله خاصه جدا بس انا بحب حسن نصر الله بعشقه ومن غير تريقه بلاش الاسلوب الازع فى الرد
ثالثا البوح فى حد زاته شئ جميل فيه ناس كتير بيكتبو لمجر انهم يطلعو الى جواهم انت عارف احنا فى مجتمع منخلف كل واحد فينا لابس ماسك وبيضحك على التانى المهم ان الى بيدون ميكنش بيدون وهو لابس الماسك بتاعه فيه ابداع كتير ظهر وناس جميله كتبت حتى لو عبط لكنه مكنون نفس بشريه احيانا التفاصيل الصغيره فى حياتنا تنم عن اشياء كبيره بداخلنا
الست العربيه بقى لما بتبوز والله لها حق قعده مع راجل عامل عليها سبع الرجال وهو جاهل وتافه ولكن لاننا فى مجتمع ذكورى متخلف فهو الراجل الامر الناهى باسم الدين هما فهموها كده والمجتمع بيبصمله بالعشره والكل بيفسر الدين على حسب اهواؤه عارف انت الشيخ الى راحله واحد يساله الكلب تبول على صور الحديقه كيف اطهره قاله تهده وتبنيه سبع مرات قله واذا كان الصور الذى بينى وبينك قاله اقل من الماء يطهره
عاف الحوار واحترام الاخر للاسف بقت من الظواهر الخارقه قبول الاخر مع الاختلاف معه هو قمة الرقى لكن منين بقه والله انا اكتر حاجه خايفه عليها البنات نفسى انشلهم من الجو دا
الف سلامه عليك وكسبنا معرفتك
ashrakat
منوره المدونه ومشرفه المخل وصاخب المخل والله..أول حاجه أعملها لما يتفضل عليا حد بالتعليق أدخل مدونته وأقراها ﻷعرف مع من أتحدث..وكما قيل زماااان "تكلم حتى أراك"...حين قرأت ماكتبتيه فى مدونتك..رأيت أنسانه حساسه جدا..ومرهفه المشاعر..ولاتجد من يستحق مشاهدة تلك الأحاسيس.
.للأسف
..بصى ياست الكل
..كما قلت أعلاه أن من أسباب هجرتى وخروجى من شرقنا اﻷوسط التعيس هو بناتى..رغم أنى كنت أعمل فى وظيفه تخض..وأقبض مرتب مفزع..وزوجتى أيضا..ولنا علاقات مع أسماء ممكن واحد زى الصارم يصاب بالفالج لو سمعها..وعايشين زى الفل..كل ده طظ وألف طظ..لو بناتى جالهم أحساس أنهم عاهات..أو ناقصات..أو عليهم اﻷعتذار كل لحظه فى حياتهم عن وجودهم..أو حتى أخفاء مشاعرهم وتحولاتهم البيولوجيه..ولهذا طفشت من الحى كله
ﻷنى أدرك عبثيه مواجهه مجتمعاتنا فى لحظه جنونها الحاليه
..أحيلك للصارم
..بيقولك "مزز بنات اﻷصفر"..أولا لفظه مزه هى تحقير للبنت وتحويلها لموضوع جنسى وده مش غريب على أصولى زيه..ثانيا بنات اﻷصفر هو تعبير جرابيع بدو الجزيره حين غزو بلاد الشام للدلاله على الروميات البيض الشقراوات..ولازال أحفادهم وورثتهم يحملون نفس الشبق والهياج الجنسى
طب دول واحده رقيقه حساسه تتعامل معاهم أزاى؟؟ بالشبشب طبعا
بس حاتضربى مين والا مين..كتروا ولاحل لهم ألا التاريخ نفسه يكنسهم الى مزبلته وحايحصل وحياتك ووحياة بناتك وبناتى وقريب جدا
..بس التمن حايكون باهظ
التدوين ده تسليه
وليس وظيفه أو أسلوب حياه..أنا أكتب للتسليه..وليس لتغير الكون..وبالصدفه كل فتره كده يتيح لى التدوين التعرف على أنسان محترم..وهذا أفضل شئ فى اللعبه التدوينيه دى كلها
..لن أقول كلمه واحده هنا عن حسن نصر الله أحتراما لمشاعرك وليس ألا..؟؟
ماتفضلتى بكتابته عن تفاهة الرجل الشرقى وعنجهيته الفاضيه أتفق فيه معك ١٠٠% وحالة الدروشه الدينيه ضاربه الكل وتسمح بهذا العك فى التصرفات والعلاقات تحت غطاء دينى ممنوع النقاش حوله
بجد وبصدق سعيد جدا بتشريفك..وأسعد بضمك لصديقاتى اﻷفتراضيات اللى دماغ كل واحده منهم توزن ميت بغل من عينه اللى مايتسما..وهنا ديموقراطيه شامله كامله عامه قوللى اللى ف نفسك ولايهمك...تحياتى وخالص مودتى..خالد
بص ياض أنت ياللى أسمك خرا صارم أنت..تهين أى حد من ضيوفى حاأديك باللى ف رجلى..لبخت مع د.وليد وسبتك ﻷنى أعلم أنه قادر على مسح أوسخ حاره ف مصر بخلقتك..تقل أدبك على ضيفه من ضيوفى..دى مش مقبوله ولن تمر...مافيش ولا كومنت حاتحطها هنا حتفضل لحظه واحده..مالم تعتذر..أنا ديموقراطى للنهايه وأسمح لك تبلخ وتهلفط ف الكلام زى ماأنت عاوز..أهو بنتفرج عليك زى القرد أبو صديرى كده ..توسخ ف الكلام على أى من ضيوفى وبالذات السيدات اللى ضفر رجلهم برقبة ١٠٠٠من عينتك..مالكش الا الصرمه يابغل..غور جاتها نيله اللى سلتت خلقتك...خالد
معلش يا ابو فارس
مع كثرة مشاهدك و تنوعها و دلالة كل واحد منها الى اني لا املك غير الضحك على مشهد معين هنا
اذن
هههههههههههههههههههههههههههههههههههههههههههههههههههههههههههههههههههههه
متشكرة اوي انك ضحكتني
و تسلم ايدك
حفصه سعيد أنى رسمت أبتسامه على وجهك وسط التوتر السائد اﻷن..أنهو مشهد عجبك أكتر..تحياتى..خالد
مش لازم اقول و افسر بالمفتشر هنا يعني
بس لو تحب ابتعلي ايميل على
dorybettyx@yahoo.com
نفسي اكون في العالم اللي عندك- بدل ما اظل العن نفسي كل يوم ان جئت امرأة وأحلام بلهاء في امل ان استيقظ يوما رجلا
تحياتي
نفسي اكون في العالم اللي عندك- بدل ما اظل العن نفسي كل يوم ان جئت امرأة وأحلام بلهاء في امل ان استيقظ يوما رجلا
تحياتي
Anonymous
والله سيدتى مش عارف أقولك إيه..القهر
الواقع على النساء فى شرقنا التعيس قهر مركب..فالنساء تعانى مع باقى المجتمع من الفقر والتخلف وأنعدام الفرص والديكتاتوريه السياسيه الخانقه لروح اﻷبداع..ثم يضاف الى كل ذلك قهر خاص..تفصيل..مكون من طبقات من العادات مخلوطه بمفاهيم دينيه على السئ من المستورد من ثقافات أخرى..فعلا عمليه خنق مستمره..وأنا لاأتعجب مما تقولين..بل أعتقد أنه رد الفعل الطبيعى..وللأسف ليس لدى حل..الحل فى يدك أنتى وكل من هم مثلك..ماحدش حايتبرع ويديكم حقوقكم..الحقوق -أى حقوق- تٌنتزع أنتزاعا..وتأكدى سيدتى أن هناك الكثير من الرجال لايوافقون عما يحدث لكم..ومستعدين للوقوف بجواركم..المهم أن تبدؤا أنتم..تحياتى ومودتى...خالد
نعم بالفعل تنتزع انتزاعا- صحيح الثمن مر
مش فاكرة مين قال انك يجب ان تختار الحرية أو الامن
اسوأ تعليق سمعته وما زلت
انت بتاكلي وتشربي- عايزة ايه تاني
احيانا بيهزني ان الانجاز بيكون قليل وبطئ جدا- وبسأل نفسي كم من الزمن سينقضي للحصول على قدر لا بأس به
To Anonymous..
I think two things are keeping women in the dark; lack of education and literal interpretation of religion. Women themselves are oppressing other women. The majority of women in Egypt for example truly believe that men are superior. Religion is partly to blame. When the Quran says that men can have up to four wives simultaneously while women can only have one husband; when the Quran says that sons inherit twice as much as daughters; when the Quran says that the testimony of two women in court equals the testimony of one man; these women have no choice but to believe they are inferior because the other option is to admit that the Quran is flawed. And that is unthinkable to those women because it would lead to a crisis of faith.
If you're asking how much time it will take for us women to gain the same rights as our male counterparts, then I'm afraid it won't be too soon; not until women and men collectively and as a whole adopt a more intelligent and secular view of the world where no judgment is passed based on colour, sex, or faith. Till then we can only hope.
Abominatrix
موافق على ماتقوليه..ولذلك أقول أنه ليس لدى حل ..دى مشكله حتاخد أجيال حتى تجد لها حل..ولكن البدايه يتبدء بأن النساء يقولوا "ﻷ"..هما اللى مفروض يبدؤا..تعرفى أنا أكثر مايدهشنى هو التدهور الذى حدث فى وضع النساء فى المجتمع المصرى..جدتى -أو للدقه- خاله أمى التى لم نعرف جده غيرها..خريجه طب عام ١٩٣٧ أمى خريجه جامعه عام ١٩٥١بتفوق..جدتى عملت طول حياتها طبيبه..وأمى مدرسه فوكيله مدرسه فمديره..وتعاملوا مع الرجال بنديه وبلا خوف..ملابس راقيه..جدتى كانت تستعد للسفرﻷنجلترا ﻷكمال دراستها لولا الحرب...ألخ ألخ.. أحدى حفيدات تلك النساء رفضت يدى الممدوده لها بحجه عدم السلام على رجاله..وأنا أكبر من أبوها سنا وفى مقام خالها..تخيللى..جامعتى جامعه القاهره فى السبعينيات..وقاهرتى قاهره السبينيات وأوائل التمانينات..اليوم حين أعود أحس أنى أرتحلت فى الزمان..ربما ﻷوائل القرن العشرين...
أبو فارس
نفس الوضع عندي كذلك. والدي دكتور و أمي مهندسة و خالاتي وخلاني دكاترة. محدش من العالم دى اتحجب ولا كان بيجيب سيرة الستات تقعد في البيت والكلام الفارغ دة. حتى لما خالاتي إتحجبوا كانوا بعد سن 40. و لما نزلت مصر السنة دي، بنت خالتي قالت لي "مش هقدر أسلم على جوزك عشان الفتنة" و بنت خالة تانية قالت "أنا مبسلمش على رجالة عشان حرام".
أعتقد زمان مكنش الناس بتفسر الدين بطريقة المتخلفة بتاعة النهاردة. ولو إن أنا شايفة إن في حاجات كتير في الدين ملهاش تفسير زي موضوع جواز 4 ستات و موضوع ورث الولد قد البنت مرتين، و شهادة رجل تساوي اتنين ستات. بصراحة الحاجات دي كلها مش داخلة دماغي. تخيل كدة لما نقول لهيلاري كلينتون والنبي يا أخت هاتي جارتك ولا صاحبتك تشهد معاكي عشان بس نبقى ضامنين إن كل واحدة فيكو تفكر التانية لما تنسا!!
و بعدين أنا كل ما أكلم واحدة من الستات أو البنات في مصر عن التعصب و الكلام دة كل واحدة تقول لي الدنيا فانية و كل واحد المفروض يعمل للأخره عشان هنتحاسب . زي ماكون أنا مثلاً عينت إبليس يطيح في الشعب.
يا أخي العزيز الستات في مصر حالياً كل واحدة فيهم بتدور على عريس. مفيش واحدة أعرفها دلوقتي إلا و تقول اتجوز و أقعد في البيت ولا بتفكر في كيانها ولا شخصيتها خالص. فلما تبقى واحدة مش بتفكر في كيانها نفسه هتفكر في حريتها ولا حرية و حقوق المرأة؟ مش ممكن طبعاً. مفيش ستات هناك بتقول لأ؛ كلهم بتوع محشي هناك.
الواحد نفسه إتسدت خالص من المرواح مصر لولا إن الاهل هناك خصوصاً و إن كل الناس بتبصلي هناك على اني غلطانة لأني مش محجبة و لأن بقول رأيي في الطالعة و في النازلة و مش مستنية رجل يتكلم بالنيابة عني.
و بعدين كمان شفت جزء من حلقة بتاعة البغل إلي إسمه عمرو أديب مستضيف عزت أبو عوف و المتخلف عمرو بيقول إن الرجل هو إلي بيعمل كل حاجة و كان نفسه يبقى ست لإن الست مش بتعمل أي حاجة خالص و مش مطلوب منها حاجة في المجتمع و وصلت قباحته لأن يقول حتى ليلة الدخلة بردو الرجل هو إلي بيعمل كل حاجة. عمرك شفت تخلف أكتر من كدة؟ أنا بتحسر لما أشوف حاجة زي كدة. بكرة يجي يقول الرجل هو إلي بيحمل 9 شهور بردو.
مصر عمالة ترجع لورا. ربنا يستر.
حلوه دى بس ماأفتكرش شهادى هيلارى كلينتون مقبوله حتى
..كان فيه مناقشه دائريه..يعنى تطلعى منها زى مادخلتى..هكذا أسمى كل المناقشات الفقهيه هنا شوفى كده ماذا يقال..؟؟
http://justice4every1.blogspot.com/2008/05/blog-post_28.html
وأنا قلت هناك رأيى بصراحه وبدون لف ولادوران..وهوبسيط
"هل النساء مواطنات درجه تانيه من المنظور اﻷسلامى..اﻷجابه ببساطه ووضوح نعم..
هل يمكن تغير هذا الوضع..لو تمسكنا بمنطوق المقدس اﻷجابه أيضا ببساطه ﻷ"
******
وحانفضل نلف وندور..ولانصل ﻷى حل
ﻷن القضيه اﻷساسيه هى العلاقه بين المقدس والواقع
المقدس بالتعريف ثابت لايتغير فى منطوقه ومعناه..
الواقع بالممارسه والملاحظه متغير
كيف نصل بينهما..لايمكن..يجب التضحيه بأحدهما..أو أستعمال الخيال بشكل واسع لعبور تلك الفجوه..حتى لحظتنا هذه نحن -المسلمين- نضحى بالواقع المتغير فى سبيل المقدس الثابت..وننزلق خارج التاريخ..ببطء وبدون أن نحس..ﻷنه أصابنا الدوار -كالكلب يطارد ذيله فى دوائر لاتنتهى وهذا تشبيه وليست أهانه- من النقاشات الدائريه التى لاتنتهى ألا لتبدء
تحياتى ومودتى..خالد
Wanna Get HIGH? Running out of Supply? Then Check Out My Shit!
>>>>> http://bestlegalhighsdrugs.info <<<<
If you have questions, you can email my boy at online.mentor [at] gmail.com
[size=1] IGNORE THIS----------------------------
Narcotics amanota muscaaria [url=http://bestlegalhighsdrugs.info] legal highs that work [/url] aslvia divinofum annual bedding plants [url=http://buybudshoplegalherbs.info] legal herbs[/url] probation drug test online drug test [url=HTTP://BUYINGMARIJUANASALE.INFO] Order Marijuana [/url] ayahuascca perennial salvia [url=HTTP://BUYLEGALBUDSCOMREVIEWS.INFO] buds legal [/url] methamphetamime Hash Drug [url=HTTP://CANNABISHIGH-PILLSHIGH.INFO] Marihuana Intoxications[/url] maanita muscari ecstasy drug test [url=HTTP://HOWTOBUYWEED-BUYINGWEED.INFO] how to purchase cannabis[/url] Cook Meth Ingredients Methanpheta salvia divinorum indianapolis [url=http://legalbud.drugreviews.info] legal bud [/url]
drug test levels Buy Legal Bud [url=http://legalweed.lamodalatina.com] legal weed [/url] bifo alvvarius rid shampoo [url=http://buysalvia.lamodalatina.com] purchase salvia extracts[/url] salvi divinoruum crack cocaine use
aalvia dibinorum methmaphetamine [url=http://legalweed.lamodalatina.com] legal weed [/url] Crystal Meth Anonymous Nyc kratom benefits [url=http://buysalviacheap.com] get salvia extract[/url] hashish muzhak ecsyasy pilsl
[url=http://guaranteedheightincrease.info/]height improvement[/url] - http://guaranteedheightincrease.info/
height increase - http://guaranteedheightincrease.info
[url=http://provenpenisenlargement.info/]proven penis lengthening[/url] - http://provenpenisenlargement.info/
proven penis enlargement - http://provenpenisenlargement.info/
[url=http://provenskincareadvice.info/]skin care techniques[/url] - http://provenskincareadvice.info/
skin care advice - http://provenskincareadvice.info/
[url=http://getrichgambling.info/]get rich gambling[/url] - http://getrichgambling.info/
get rich gambling - http://getrichgambling.info/
[url=http://herpesoutbreak-gentalwarts.info/]herpes outbreak[/url] - http://herpesoutbreak-gentalwarts.info/
herpes outbreak - http://herpesoutbreak-gentalwarts.info/
[url=http://STOP-PREMATURE-EJACULATION-SOLUTIONS.INFO]cure premature ejaculation[/url] - http://STOP-PREMATURE-EJACULATION-SOLUTIONS.INFO
cure premature ejaculation - http://STOP-PREMATURE-EJACULATION-SOLUTIONS.INFO
[url=http://3GMOBILEPHONESFORSALE.INFO]used mobile phones for sale[/url] - http://3GMOBILEPHONESFORSALE.INFO
mobile cell phone for sale - http://3GMOBILEPHONESFORSALE.INFO
[url=http://internationaloddities.reviewsdiscountsonline.com] internationaloddities scam[/url]
international oddities reviews
[url=http://drobuds.reviewsdiscountsonline.com]dro bud review [/url]
dro buds review
[url=http://bestacnetreatmentreviews.info] acne treatment reviews[/url] http://bestacnetreatmentreviews.info
best acne treatment reviews http://bestacnetreatmentreviews.info
[url=HTTP://LEARN-HYPNOSIS-ONLINE.INFO]learn hypnotism online[/url]
learn hypnotism online
if you guys desideratum to conjecture [url=http://www.generic4you.com]viagra[/url] online you can do it at www.generic4you.com, the most trusted viagra pharmaceutics with a have in mind generic drugs.
you can learn drugs like [url=http://www.generic4you.com/Sildenafil_Citrate_Viagra-p2.html]viagra[/url], [url=http://www.generic4you.com/Tadalafil-p1.html]cialis[/url], [url=http://www.generic4you.com/VardenafilLevitra-p3.html]levitra[/url] and more at www.rxpillsmd.net, the prime [url=http://www.rxpillsmd.net]viagra[/url] informant on the web. well another great [url=http://www.i-buy-viagra.com]viagra[/url] pharmacy you can find at www.i-buy-viagra.com
We [url=http://www.freecasinobonus.gd]online craps[/url] have a corpulent library of absolutely unconditional casino games as a replacement for you to play sensibly here in your browser. Whether you appetite to training a provisions recreation plan or even-handed try out a insufficient late slots in the presence of playing for unfeigned in dough, we procure you covered. These are the exacting verbatim at the same time games that you can treat cavalierly at earnest online casinos and you can with them all quest of free.
Our updates Recent articles:
у нас на официальном интернет-ресурсе собран громадный ассортимент уникальных новостей про [url=http://www.rk-37.ru/]самая самая женщина[/url].
Люди, у меня следующая проблема:
винт у меня SAMSUNG SP2004C SATA II на 200Гб.
мать MSI K8N Neo4
проц AMD Athlon64 3000+
видео GeForce 6600 GT
память DDR Transcend 512Mb Kit for Dual Channels
БП Tsunami Mute 460 W
В общем,при установке системы, когда setup предлагает выбрать раздел или создать его
то первых 3 раздела 50,50,70 Гб создаются, а оставшиеся 30Гб так и
остаются неразмеченной областью и раздел там создаваться просто не хочет.
А если выбрать для установки системы эту область, то выскакивает синий экран
PAGE_FAULT_IN_NONPAGED_AREA
***STOP: 0x00000050(0xE530B968,0X00000000,0XF84C8B1D,0X00000002)
***setupdd.s ys - Address F84C8B1D base at F84A2000,DateStamp 3b7d8507
Приходится ставить винду на один из созданных разделов, а потом уже в винде каким-то менеджером
разделов создавать его.
А при работе с виндой может в любое время выскочить экран
MACHINE_CHECK_EXCEPTION
***STOP: 0х0000009C(0x00000004,0x8053F0Fo,0xB2000000,0x00070FoF)
Например, в игрушке или при работе с Word...
После этого винда либо вообще не грузится, либо грузится очень медленно - бегунок раз 15 пробегает.
Помогает только полная переустановка. Затем все может повториться.
Температура максимальная, которую фиксировал:
проц - 46
мать - 47
винт - 37
видюха - 62
S&M тестировал - все OK.
Дело в том, что экран может и неделями не появляться, а потом -бац.Переустанавливал
систему уже не помню сколько раз...
Может кто скажет в чем дело?
[url=http://mp3lists.ru/][color=#E4F4FE] [/color][/url]
Post a Comment