Saturday, March 10, 2007

أتحدث أليكم من هافانا-كوبا

من سنوات ونحن -زوجتى العزيزه أم فارس والعبدلله- نرغب فى زياره كوبا..
فهى الوجهه المفضله للكنديين هربا من برد الشتاء الكندى القارص..بس هما بيروحوا على منتجعات جميله تشبه تماما قرى الغردقه وشرم الشيخ السياحيه..يركب الطياره أربع ساعات يهبط فى مطار فى مكان ما من كوبا حاجه كدا زى مرسى علم ف أخر الدنيا ..ينط فى أتوبيس سياحى مكيف..ينزل فى منتجع من دول..أسبوع والا أتنين مديها شمس وبحر وأكل وشرب..وياخد بعضه ويرجع..وأن كان بعضهم تأخذه روح المغامره ويطلع زياره صده رده نص يوم لهافانا..برضك أتوبيس سياحى مكيف ومرشد رسمى..لفه فى هافانا القديمه..غدا فى القلعه ويمكن يشرب له كاس داكيرو فى فلوريداتا مكان هيمنجواى المفضل..وبس خلاص..كفايه مغامرات..!!
طبعا الكلام ده ماينفعش معانا أحنا..!!وبناء عليه ورغم التكاليف..أخدنا أسبوع كامل فى هافانا.. وحدنا.. لا أتوبيس سياحى مكيف ..ولامرشد برتبه نقيب.. ولاخطه مرسومه.
.كل مايلى هى مجرد أنطباعات أكتبها كما تأتى بلا خطه ولاهدف..
هافانا مدينه تجمدت ف الزمان..القاهره أو اﻷقرب اﻷسكندريه فى الستينيات من القرن العشرين..كورنيش طويل مطل على مياه عميقه داكنه الزرقه..يشبه تماما كورنيش الأسكندريه زمان قبل "تحسينات" المحجوب..نصف هلال على طرفه الغربى الجزء الحديث من هافانا..حيث نزلنا فى فندق "ميرامار" أى والله ميرامار بركاتك ياسيدى يانجيب يامحفوظ.. جزء من مجمع سياحى ضخم تم أفتتاحه من سنتان أتنان فقط..غرف وأجنحه وصالات كأجدع فندق خمس نجوم ف القاهره..نظافه فائقه وهدوء وترتيب أجدع من فنادق القاهره الممتازه..نسبه اﻷشغال بالكتير عشره الميه..الدور اﻷول حيث تقع غرفتنا الواسعه الشرحه به ١٥ غرفه أتنان فقط مشغولين..!!!
كل ما ومن له علاقه بالسياحه فى كوبا قطاع عام ملك الدوله وكل العاملين بدون أستثناء على اﻷطلاق موظفى دوله..الجيش أو المؤسسه العسكريه بقياده راؤول كاسترو هو المسئول عن قطاع السياحه..وهى المصدر اﻷساسى
للدخل اﻷن ..
وذلك رغم المقاطعه اﻷمريكيه الشامله..الكنديين هم أكبر نسبه من السياح لكوبا..أعتقد الرقم الرسمى فى حدود الثلثان..
هناك نوعان من البيزوس الكوبى العمله الرسميه..نوع أسمه القابل للتحويل وهذا مايستعمله السواح ولامفر لك من ذلك الدولار الكندى يساوى ثلاث أرباع هذا البيزوس..وهناك البيزوس الكوبى العادى -بيسموه جيفارا لأن مرسوم عليه صوره جيفارا- والذى يستعمله الكوبيين المواطنين لدفع مصاريفهم اليوميه مثل حضانه اﻷطفال أو الكتب المدرسيه.. أساسيات الغذاء كوبونات والدفع بهذا البيزوس..هنا الدولار الكندى يساوى ٢٨ بيزوس من بتوع جيفارا..شوف
الفارق..الكوبى العادى لازم يستعمل البزوس القابل للتحويل لدفع كل ماليس أساسى..بنطلون جينز..أدوات تجميل..ألخ
ولايمكن للسايح أن يستعمل أو حتى يحصل على بيزوس جيفارا ده بأى حال..الوضع ده رغم غرابته منع تدهور العمله الكوبيه الرسميه من ناحيه وأستطاع الحد من أثار السياحه التضخميه على مجمل اﻷقتصاد الكوبى ...ياعنى بالبلدى السياح مارفعوش أسعار المش ع الكوبيين..زى ماحصل ف مصر مثلا...
الحى الغربى حيث يقع فندقنا الجميل حى راقى.. هادئ.. للسفارات والشركات اﻷجنبيه وبعض المبانى الجكوميه
نظيف للغايه.. المرور شديد اﻷنضباط فى هافانا-ربما لندره السيارات عموما- بس مافيش زمامير ولاكلاكسات..وهو أشد أنضباطا فى هذا الحى
السفاره المصريه تقع على ناصيه الفندق فى فيللا جميله من الطراز الكولونيالى الجميل أبيض فى لون برتقالى مبهج..عدينا عليها يجى مليون مره ثم أكتشفت أن تلك الفيلا الجميله هى السفاره المصريه عندما لاحظت العلم فى اليوم الخامس من أقامتنا..ﻷنه لم يكن هناك علم على ساريه السفاره منذ وصلنا صباح السبت حتى الخميس التالى..!!!يبدو -والله أعلم -مرات السفير كانت بتغسله ومستنين ينشف ع السطح..وبالتالى سفاره جمهوريه مصر العربيه قلب العروبه والدوله الرائده كانت بلا علم طوال اﻷسبوع اللى قضيته فى هافانا..!!
أول مالفت نظرى هم الكوبيون أنفسهم..شعب ودود مبتسم مرحب.. فعلا شعب طيب..
خليط من اﻷسبان وبعض اﻷوربيين من الشمال ونسبه عاليه من اﻷفارقه السود الذين أتى بهم اﻷسبان للعمل فى مزارع السكر كعبيد..ونسبه ضئيله من أهل البلد اﻷصليين..حط دول كلهم ف خلاط كذا ميت سنه وأضريهم فى بعض وأمزج صفاتهم الوراثيه يطلع لك الخليط اللى أسمه الكوبيين المعاصرين..
لون البشره يبدء من اﻷسود اﻷبنوسى اللامع حتى اﻷبيض الناصع على طرفى المنحنى بينهم كافه درجات الكافيه أوليه..وتأتى تباديل وتوافيق لون العيون على نوعيه الشعر على الطول والحجم لتصنع خليط جميل من البشر بعض هذه التوافقات مضحك ولكن اﻷغلبيه جميله ومثيره..
الكوبيات فى مجملهن جميلات..والبعض فائقات الجمال..سمار شرق أوسطى أو أغمق قليلا..شعر يتراوح بين اﻷكرد المصرى والناعم الهندى وعيون..ياعينى ع العيون..بنى فاتح وأخضر وأزرق..على البشره السمراء..وآه ياقلبى..يضاف الى ذلك..القوام اﻷفريقى السامق والمنحنيات الشرق أوسطيه المثيره..
شاهدت فى شوارع هافانا يجى مليون جينفر لوبيز على مليون شكيره..
البلد جوها حار..فلا يصلح لها الحجاب ولا النقاب..والعياذ بالله ..شاهدت أجمل سيقان فى أقصر جونلات لاتزيد عن الشبر..وأجمل منحنيات فى أضيق جينزات مما يجعلك تتسائل لبسوه أزاى.؟؟
اﻷولاد أيضا يتميزوا بالوسامه..والأجسام الرياضيه الؤشيقه والعضلات المفتوله ربما تأثير الجينات الأفريقيه السوداء المعاكسات ف الشوارع عاديه جدا من الصفير للتعليقات اللفظيه القصيره..لم أشاهد أى مضايقات باليد..الطريف أن البنات بترد..وأحيانا هى اللى تبدء الحوار..كل ده فى جو من المرح مافيش فيه توتر جنسى كما لاحظت فى زيارتى اﻷخيره لمصر مثلا..
هل السبب هو وجود جو عام من الحريه الجنسيه فى كوبا كما هو فى دول أمريكا اللاتينيه عموما..أم هى ثقه عميقه بالنفس فى النساء والبنات هناك فهم لاينظروا ﻷنفسهم كعوره أو عيب أو فضيحه وفى تصالح مع أجسادهن ورغباتهن..
بالعكس من تجربه شخصيه ممتده منذ بدأت أسافر حارج مصر مع بنات اللاتين دول أنهن يستعملن جاذبيتهم الجنسيه كأحد أساليب الحصول على مايريدن..بمعنى أنها تطلب منك بدلع -عكس اﻷوربيه القح- ماتريد ولو كان شئ بسيط "ناولنى الملاحه "مثلا فى مطعم..أو "ممكن تساعدنى أحط الشنطه فى العربيه "مثلا فى مطار ما..تطلب المساعده بدلع وأنوثه تخليك تنتع الشنطه ولو وزنها مائه كيلو وتحس أنك راااجل قوى..
ظبعا اﻷقفال -اللى زى حالاتى زمان- يفهموا الموضوع غلط خالص ويعكوا ..ويرجع النجع حداهم يجول نسوان ماعندهاش خشه هو فيه أجدع من بنت خالى حمشه وناشفه كده زى شيخ الغفر
تحياتى وللحديث بقيه أن شاء الرحمن...خالد
.....

12 comments:

Ossama said...

حمد الله ع السلامة يا ابو اجمل ابتسامة
منور الانترنت يا باشا
ما زلنا في انتظار قصة هافانا و قصصك المتطورة معها
بجد وحشتنا ووحشتنا تعليقاتك ومشاغباتك ومداخلاتك

Immature said...

طيب يا دكتور ايه حكاية السيجار الكوبى وقصة لفه على افخاذ العذارى الشهيرة ؟
ياريت كمان لو فيه صور ولا حاجة - صور لهافانا عموما وليست افخاذ العذارى طبعا- وهل ياترى لسه فيه هوس بجيفارا زى الهوس الموجود هنا؟

Mohamed M. Abdel Aziz said...

حمد الله عالسلامة يا بوفارس

بمناسبة الحر الدنيا هنا في أتلنتا أعلنت أفول فصل الشتاء والناس ما صددقت...تصوّر إني المفروض أقضي الشتا كل سنة في أمريكا والصيف في مصر...عبط ده ولا عذاب ولا ابتلاء..مش عارف...غالبا قضاء وقدر

بالماسبة أنا كنت سمعت حكاية العملة المحلية وعملة السياح دي من فترة، وهي لها فايدة تانية، أمنية طبعا، إن ما ينفعشي سايح يأبج وطني يأي فلوس إلا وده هيبقى عالمكشوف

حمد الله عالسلامة مرة تانية وعاجباني قوي مداخلتك في مدونة البنا بس الريحة هناك بقت وحشة فقررت أوفر الدرر بتاعتي لنفسي لحد الريحة الوحشة ماتغور

أبوفارس said...

د.أسامه شاكر لك ياجميل..حاأكتب تانى..أساسا ﻷنى عاوز أسجل ماشاهدت..وطبعا ماأكتبه لايندرج تحت أدب الرحلات..ربما "قله أدب" الرحلات..

أبوفارس said...

حبيبى
immature
السيجار الكوبى فعلا لايعُلى عليه..وأنا مدخن سيجار قديم..وقد أهديت نفسى تموين حوالى سنه من كافه أنواعه واحجامه..وفيه للحبايب طبعا بس قولوا..
دخلت ورشه لف سيجار كاهوبا وهو اﻷفضل ف العالم..فعلا بنات هن اللى يقوموا على لفه يدويا..تتراوح أعمارهن بين ١٨-٥٥ سنه..واللف على مناضد خشب -مش على أفخادهن للأسف-
مفروض أذا كنت فهمت ماقيل لى باﻷسبانى المناضد مصنوعه من خشب خاص ليست له رائحه نفاذه عشان ماتكرفش ع السيجار..والبنات يعملن وهناك واحده تقرء لهن بصوت عالى طول الوقت..شعر..روايه..خطبه لعمك كاسترو..ودى بقى ممكن تاخد لها ٧-٨ ساعات..الكوبيين نفسهم بيهرجوا على طول خطب ناصر..يوه قصدى كاسترو..
جيفارا سبوبه بيزنس محترمه فى كوبا عموما..تى شيرتات..سي دى هات..كتب..صور..كافه شئ..ملطوعه عليه صوره جيفارا..وللبيع..وهو أستغلال للهوس العالمى بظاهره جيفارا..ودى مجتاجه دراسه أعمق..ورؤيه تحليله..والا أيه ياأبا يحي وياابا نور..
الصور ..دى بالكوم أنا صورت على كاميرا ديجيتال حوالى ٢٢٠ صوره زايد ساعه فيديو..أنزل الحاجات دى أزاى..؟؟هذا هو التحدى ..العبد لله أمى وبشده فى تكنولوجيا السخام ده..سأحاول مع ساره أو أحد اﻷصدقاء..وعد وبجد..بس مافيش ﻷفخاذ عذارى..للسبب لاأظن هناك عذارى فوق سن ١٥-١٦ سنه..هناك..أما اﻷفخاذ فدى بالعبيط يامواطن..

أبوفارس said...

mohamed m. abdel aziz...
منور البلوج ..البقشيش بالعمله
السياحيه..وتسيب مثلا بيزوس واحد أو أتنين بعد وجبه محترمه الجرسون يبقى حايشيلك من ع اﻷرض..سيب أنت هنا ف كندا أو عندكم ف أمريكا دولار واحد والا أتنين تبس..بس أوعى ترجع المطعم ده تانى..حايتفوا لك ف السلطه..!!
أنا برضك ماعجبنيش اﻷخ اللى عاوزنا نتكلم جد..ياأخى ماتروح مدونه عمرو خالد بيوزعوا فيها حسنات هناك..معلهش النت فيها وفيها يادكتره..
أسعدنى مرورك وتعليقك..أتمنى أستمرار التواصل
تحياتى ودعائى لك بالتوفيق فى الكتوراه حتى نستفيد جميعا...خالد

ابو احمد said...

والله سلامات يابو فارس وحشتنى
جدا دا ووحشتنى قفشاتك الظريفه
مش هنشوفك فى مصر قريب عشان تحكيلنا الى مبيتكبش عن كوبا سلامى للمدام وفارس وساره
مع اجمل تحياتى

May Ali said...

ابحث عن افضل الطرق للنظافة والابتعاد عن الامراض وممراسة حياة جميلة فيجب ان تهتم وتمارس النظافة فالنظافة لها انواع كثيرة جدا من امثال النظافة كشف تسربات وهذا يجب الاهتمام بها لانها تجلب الامراض الشديدة فعندما نبحث عن الاهتمام بكشف تسرفات المياة فهيا شركة كشف تسربات المياه بالدمام وشركة كشف تسربات المياه بالخبر ومن انواع النظافة ايضا مكافحة الحشرات وهذا النوع كثير من الناس بل جميع الناس يمارسوة فهم شركة مكافحة حشرات بالخبر وشركة مكافحة حشرات بالجبيل وشركة مكافحة حشرات بالاحساء
وللاتصال وطلب الخدمة 0508400941

rana said...

ان لانسداد بلوعات الصرف الصحى وانسداد بلوعات المطابخ وبلوعات الحمامات اضرار كثيره
اولا ان مياه الصرف الصحى مياه ذورائحة كريهة لذلك فان استنشاقها يتسبب فى ضيق فى التنفس وازمات قلبية
ثانيا تسبب العديد من الامراض الفيروسيه والبكترية وذلك لانها تكون مياه ملوثه وغير نظيفه وتكون مليئة بالبكتريا والفيروسات والطحالب الضاره
ثالثا يؤدى تراكم مياه الصرف الصحى لفترات طويله الى رطوبة فى الجدران وبالتالى تقشير وسقوط الدهانات وخلع البلاط
ولذلك فان معظم الخبراء والمتخصون ينصحون بمعالجة تلك المشكلة فى الحال ولذلك فنحن نقدم لكم افضل شركة تسليك مجارى بالدماموفرعها شركة تسليك مجارى بالخبر فتلك الشركة تستخدم احدث الطرق والاساليب الحديثة ولذلك فهى تعد من امهر الشركات التى تتواجد فى المملكة وكما ان لها اختصاصات اخرى مثل
شركة كشف تسربات المياه بالدمام
شركة كشف تسربات المياه بالاحساء
شركة كشف تسربات المياه بالخبر
شركة تنظيف بالاحساء
شركة تنظيف منازل بالخبر
للاتصال وطلب الخدمة
جوال رقم 0558973863

rana said...

اذا كنتم تعانون من عناء التنظيف الشاق والمتعب فما عليكم سوا التواصل مع شركتنا شركة تنظيف بالدمام وفروعها شركة تنظيف بالخبر شركة تنظيف بالاحساء فتلك الشركة سوف تخلصكم من كافة انواع النظافة وكما ان الشركة تمتاز بعدة مميزات فهى تمتاز بان يوجد لها تخصصات متعددة ليست مختصه فقط فى مجال التنظيف ولكنها تختص فى مكافحة الحشرات ورش المبيدات واليكم افرع الشركة
شركة مكافحة حشرات بالاحساءشركة رش مبيدات بالاحساء
فاذا كنتم تريدون التخلص من الحشرات نهائيا قوموا بالاتصال على الارقام التالية وسوف نخلصكم منها فى الحال
جوال رقم 0536010460

rana said...
This comment has been removed by the author.
rana said...

افضل شركة تنظيف كنب بالاحساء
ان الكنب والمجالس يستغرق وقت وجهد طويل اثناء تنظيفة ولذلك سوف نقوم باخباركم بطرق تنظيف الكنب والمجالس التى تقوم بها شركتنا شركة تنظيف مجالس بالاحساء
اولا تقوم الشركة بارسال مندوبيها لمعاينة المكان وتحديد كميه المجالس والكنب المراد تنظيفها
ثانيا تقوم الشركة بارسال عمالها ومعهم الادوات والماكينات بالاضافة الى المنظفات الخاصة بالشركة وتكون تلك المنظفات على حسب نوع القماش المستخدم
ثالثا نقوم بتنظيف الاتربة باستخدام جهاز البلور لتنفيخ الاتربة
رابعا يقوم عمال الشركة بعد الانتهاء من تنفيخ الاتربة يقومون بوضع المنظف فى ماكينة الغسيل ثم يقومون بالبدء بالتنظيف واثناء التنظيف لا يتم نقل الكنب او المجالس من مكانة وذلك للحفاظ عليها من الكسر او الخدش فالاجهزة والماكينات الخاصة بشركتنا تقوم بتنظيف كل كبيرة وصغيرة
وان شركتنا لا تقوم بتنظيف الكنب والمجالس فقط ولكن تقوم بتنظيف جميع انواع الشقق من الداخل ومن الخارج وتقوم ايضا بتنظيف جميع انواع الفلل والقصور والمنازل وذلك يتم من خلال الافرع التالية للشركة
شركة تنظيف بالاحساء
شركة تنظيف منازل بالاحساء
شركة تنظيف شقق بالاحساء
شركة تنظيف فلل بالاحساء
فاذا ارتم التواصل معنا فقط قوموا بالاتصال على الارقام التالية
جوال رقم0558973863