بالصدفه عثرت على هذا المقال
ولم
أصدق ...ياخبر يعنى أنا مش مجنون ولا بهلوس..ده فيه غيرى أهم..ناس بتحاول تفكر خارج الصندوق...
المأزق الحالى لايمكن يستمر وشديد الخطوره..العرب والمسلمين فى حاله أستنفار وشد عصبى واﻷسرائيلين فى حاله خوف حقيقى رغم الجعجعه بتاعتهم... ويدركوا قبل غيرهم أن المشروع الصهيونى فشل أستراتيحيا
والكل أيده ع الزناد والمره دى أحتمال يكون نووى
هل يمكن تجاوز الوضع الراهن بكل خطابه الدائرى دولتان.. حق العوده..حدود آمنه..دوله لليهود..الهولوكست..من النهر للبحر...القنبله الديموجرافيه..نقل العرب خارج أسرائيل..اﻷقصى لنا...وغيره وغيرهرغم المعاناه والدماء والضحايا هل سيأتى يوم -وبعد أن ينقشع الغبار -سيقراء أحفادنا أو أحفادهم فى كتب التاريخ.."أن أوربا حاولت القضاء على سكانها من اليهود..ابادت البعض فى معسكرات أعتقال وحشيه ثم رحلت الباقى للشرق اﻷوسط بدعوى أنشاء دوله لهم ..وبعد ثلاثه أو أربعه أجيال من الصراع أكتشف الكل أنه يمكنهم العيش سويا تحت مظله علمانيه ديموقراطيه.... وكان هذا التمازج والتألف بدايه حديده لحضاره ذات عمق روحانى هى البديل للحضاره الغربيه....."
وصحيت م النوم خير اللهم ماأجعله خير
8 comments:
ياعم فارس ياسين صاحبي
وياريت تبص على دلال بزري في الحياة كمان ومعاها حازم صاغية
يعني العالم مش مغلق يا عم الدكتور
و صوت الناس الجهلانة دي هو الاعلى بس عشان الابيحة صوتها عالي
يا راجل يا جميل
بص كمان على علي سفر
كل دول صحابنا يا عم وموجودين من زمان
متقلقش
انت بس اللي جاي متأخر
بس موجود في الدرجة الاولى والله
تحياتي
د.أسامه..متأخر دى نسبيه حبتين..الكلام ده مطروح من زمن..أنا شخصيا أقتنعت به من اواسط السبعينيات أيام الجامعه من خلال أحتكاكى بفصائل مختلفه من اليسار..وبالذات الجبهه الشعبيه وأسره أنصار الثوره الفلسطينيه فى هندسه القاهره..يعنى قبل الشله دى مايلمهم جهاد الخازن فى الحياه اللندنيه تحت رعايه الشيخ الجنرال المثقف خالد بن سلطان بن عبدالعزيز آل سعود...ماآثار دهشتى نقطتين اﻷولى أن لسه فيه ناس بتقوله رغم انه لاتوجد اى قوى أجتماعيه مستعده لحمله..الثانيه وهى تأكيد لأولا أنه كان يوجد ١٣ تقيم للمقال وأعطوه متوسط ٤٣% فقط -أنا زورت تقييمين ورفعتها شويه - وده فين فى موقع لليسار...طبعا أنه توجد ناس لها رؤيه تخترق المألوف وتستشرف المستقبل حاجه جميله ولكنهم كانوا دائما وأبدا موجودين فى كل لحظه تاريخيه..المهم القوى التى تتبنى تلك الرؤيه..ودى لسه عليها كتييييير قوى.....تحياتى وأحتراماتى...خالد
د.خالد الكلام ده بيتقال من
امتى مش مهم .
انا بعلق على اكتشافك لياسين الحاج صالح بمعنى ياسين نسيج وحده هو ودلال وحازم و كلهم اصدقاء اقرباء ومعاهم ايضا محمد مسعد وآخرين
اتصور ان موضوع القوى الاجتماعية موضوع غيبي بمعنى يبدو براقا واقعيا وانما هو بصراحة غير محدد
هناك قوى اجتماعية من مصلحتها ان تتبنى خطابات غير انتحارية وانا ازعم انها موجودة بكثرة بل وهي قوى الانتاج الحقيقية والشرائح الطفيلية المسيطرة هي فقط مسيطرة بحكم العوامل التي ناقشناها من قبل
طبعا موقع اليسار رافض لياسين زي ما الاسلاميين رافضين محمد مسعد وخالد الحروب وغيرهم
زي ما اي حد رافض كلام جد لان الخطاب الانتحاري الكليشيهاتي يسيطر ويظل مسيطر طالما لا يتواجد خطاب جديد
وده تحديدا ما يحدث عبر افراد اساسا و عملية التشبيك والتجمع وتلاقي الافراد هي التي تؤدي في تقديري الى تغيير حقيقي في رؤية القوى الاجتماعية التي ينبغي من حيث مصالحها الاقتصادية ان تحمل هذا الخطاب
مرة اخرى
خالص التحية
اسامة
د.خالد..
إكتشافك وإحتفائك بياسين الحاج صالح دليل علي إهتراء الخطاب الثقافي العربي بأكمله، وتحديد لنقطة بداية مغايرة وأليات خارجة عن تهاويم الخطاب الدائري المنغلق علي نفسه.
علي فكرة، كنت أظن أنني المصري الوحيد المتزوج من فرنسية جزائرية من أصول أمازيغية .. وها قد وجدت صديقا آخر ...
تحياتي
د.اسامه..صباح القشطه..واضح أن الخلاف بيننا أنك تضع أهميه أولى على الفكر ونوعيه الخطاب وتبذل مجهود واضح فى هذا اﻷتجاه..أنا يمكن -كسل منى- مستنى عوامل أخرى مكلفه لتقوم بتقويم الوضع الذى نتفق على أعوجاجه..أعتقد أن الصواب فى التفاعل -معلهش حاأقولها- الدياليكتيكى بين الخطاب وقوى التاريخ...
د.وليد منور ياأبونسب..فعلا باأفرح لما أعثر على مجنون زى حالاتى بيفكر خارج الصندوق فى زيارتى اﻷخيره للقاهره أيام غزوه حزب الله كان لايمكن الكلام يشكل مخالف..سمعت بعيد عنك كلام زى وسخ الودان...على فكره أنا ونائله "صديقتى وزوجتى" أحتفلنا بعيد جوازنا الثامن عشر من أسابيع...ودايما بأقول أنها تذكرنى بتمره ناعمه مسكره ولذيذه من الخارج وداخلها صلب لاينكسر..ولو يدئت ف الكلام عنها لن أنتهى...لعلكم أنت والمدام تشرفونا بالزياره هنا فى أوتاوا....تحياتى وأحتراماتى.......خالد
د.خالد
ميت فل على حضرتك
ربنا ميجيبش خلافات
يا عم الحاج انت كل كلامك درر
بجد مش بهزار
وتفتح دائما ابوابا للنقاش
جدلية الفكر والواقع او الفرد والقوى الاجتماعية المؤثرة سبقنا في الكلام عنها واحد من ابرز منظري القرن التاسع عشر الذين ذهبت كتاباتهم ادراج الرياح بسبب التعتيم الاعلامي الرسمي الستاليني عليه الا وهو جيورجي بليخانوف
زطبعا كتابه الرائع دور الفرد في التاريخ
ربما ايضا يعن لي ان اذكر في هذا الصدد شخص آخر ربما يبدو لا صلة له بهذا الشخص هو نيقولاي برديائيف ورؤيته للفرد والفردانية التي يعاد اليها الاعتبار هذه الايام مثله مثل كيركجارد
وماركس الشاب
هذا التفاعل الديالكتيكي الصحيح ومن حقك يا عم تقول اكتر من كده كمان لا يحدث من تلقاء ذاته يا دكتور
ودائما المتغيرات الكمية تؤدي الى التغير الكيفي
وده قانون طبعا موجود بوضوح عند جارودي في النظرية المادية في المعرفة وغيره من الكتب
التغيرات الكمية هي هذا الفعل الفردي الصغير الذي يحدث على المستوى الثقافي ويؤثر في الخطاب و ده برضه كلام قاله جرامشي ولوكاش وجولدمان وسيف وكاستورياديس
وغيرهم
و من ثم يحدث التغير الكيفي
وفي النهاية نحن نفعل ما نستطيع فعله على مستوانا الشخصي
تحياتي الدائمة من زغرب
وان شاء الله تقدر تيجي تزورني هنا او على ضفاف الادرياتيكي
في بلاتسه
والله يادكتور المناقشه معك منعشه..تصدق أن دور الفرد فى التاريخ من الكتب القليله العربى اللى عندى هنا وكنت اتصفحه من ايام ..وأستعرت كتاب لوكاش عشان ايص عليه يرضك..أستلاب اﻷنسان فى المجتمع الرأسمالى المتطور زى اللى أنا فيه دى مش أسطوره أو أوهام مثقفين دى حقيقه يوميه..ماأسماه د.المسيرى صناعه اللذه..أو
super intertaiment
الى بتخللى الناس ماشيه مسطوله.. ومش الجنس بس..الرياضه..الريالتى شو اخبار النجوم..بنت توم كروز أخدت تغطيه أكير من حرب العراق ﻷسابيع ومأأعرفش مين أتجوز مبن ..اﻷعلام هنا يادكتور تفوق على أى نظام فاشى ولا حتى تخيلات أوريل فى ١٩٨٤ ...الفرديه بمعناها الحقيقى أختفت فعلا وأظن ده السبب وراء أعاده أكتشاف كريجارد والبحث عن نوع جديد من اﻷيمان بديل للأصوليات التى تقود العالم لكارثه..لم أقرء لبرديائيف مباشره ولكن قراءت عنه ولاأظن هذا كاف..حلو ندور له على حاجه..ماذا تقترح ياعمنا..؟؟ على فكره أنا شرقاوى وحاأعتير دعوتك للزياره دعوه مفتوحه قايله للأستعمال فى أى لحظه..ويجعله عامر ياأيو مالك......خالد
الاخ الجميل ابو فارس
انا ابو يحيي مالك ده الصغير
لذا لزم التنويه
انت تشرف وتآنس يا دكتور البيت بيتك ومطرحك
واحنا ضيوفك بس انت تقرر
والعزومة على الادرياتيكي مفتوحة لاي عدد
البيت هناك كبير فعلا
اقترح اي كتاب لبرديائيف يقع تحت يدك كبداية
ربما العزلة والمجتمع
ان وجدته
Post a Comment