أول نشرة أخبار فى أول ايام العام الجديد ٠٠واقف أمام التليفزيون وكوب قهوه فى يدى أكافح به صداع أحتفال الليله السابقه٠٠تفجير كنيسه الأسكندريه٠٠تنحت وتلحمت ويبدو أنى كنت أصيح أو أصرخ أو أسب٠٠أو كله سوا٠٠لأن زوجتى طلبت منى الهدوء حتى نسمع٠٠بعد الأنفعال الطبيعى الأول٠٠ترسبت فى عقلى فكره محدده٠٠تلك نقله كيفيه فى مصر٠٠وبالطبع سنسمع كلام فااارغ كتير٠٠ونظريات وتفسيرات وتوهيمات٠٠وهيصه ودوشه وصور وتصريحات٠٠
بعد ايام من الحادث وساعات على النت٠٠لم يتغيير الأنطباع الأول٠٠
فشل كامل لوزارة ووزير الداخليه فى مصر٠٠
ولاأدرى من العبقرى اللى طلع بفكرة أنها أيد خارجيه٠٠وكأنهم بكده أخلوا مسئوليتهم٠٠مجموعه -بيقولوا سته- دخلت مصر ٠٠جابوا المتفجرات معاهم ودخلوها على أنها جبنه دمياطى والا حلاوة مولد٠٠٠أو أشتروها من سوبر ماركت البركه٠٠وعملوا عملتهم السودا ونطوا فى أول سوبر جيت وهربوا من مصر٠
لاأظن انه هناك خيبه أكبر من كده يمكن أن تطول وزير داخلية أى دوله محترمه
٠معظم التفسيرات الأهليه ع النت غير منطقيه ومنساقه وراء أنها مؤامره٠
خارجيه الموساد أو أمريكا٠
٠بدون الأجابه على سؤال بسيط٠٠لماذا٠٠??٠
ليه الموساد أو أى جهاز مخابرات أجنبى يعمل عمليه زى دى ف مصر٠
٠لأحراج النظام المصرى٠٠??فى أى أتجاه٠٠?
هل تطمع سرائيل أو أمريكا فى نظام حكم بمصر أكثر حرصاً على مصالحهم -ولو تعارضت مع مصالح مصر القوميه - من النظام الحالى ٠٠لاأظن٠
٠وكيف تضمن أى قوه خارجيه أن تسير الأحداث والتطورات فى الأتجاه الذى تريده لو عمت الفوضى مصر
واحد قالك أصل مصر مش موافقه على أستفتاء جنوب السودان٠
٠السؤال المنطقى٠٠?? هو مصر ليها أى ثقل أو وزن سياسى فى القاره الأفريقيه حالياً٠
٠الله يرحم علقة مشجعى الكوره المصريين ف الخرطوم٠٠
موافقه أو مش موافقه٠٠طظ ٠
٠مايحدث فى السودان وأفريقيا ومنذ سنوات هو مباراة تكسير عضم
بين الغرب -أمريكا بالذات- والصين٠
٠أمريكا تريد جنوب السودان مستقل٠٠عشان البترول
٠٠الصين تقف مع الخرطوم٠٠٠عشان البترول برضك
٠مصر تفشل فى تنظيم دورة كوره لدول حوض النيل٠
٠والنبى بلا خيبه ونفخه كدابه٠٠
الجهه الأخرى هى النظام المصرى نفسه٠
٠هناك تفسيرات ومبررات ودوافع كثيره لها وزنها فى هذا الأتجاه لن أعيدها هنا٠٠ولكن نفس النتيجه كان يمكن الوصول لها بعمليه أرهابيه بسيطه وأقل دمويه٠٠حجم تفجير الأسكندريه غير مسبوق فى مصر٠٠والرساله المقصوده من وراءه تتعدى التغطيه على تزوير الأنتخابات البرلمانيه٠٠التغطيه على فشل النظام فى كل المجالات أو حتى التحضير لأنتخابات الرئاسه القادمه٠إلا لو كان الصراع بين أجنحة النظام الحاكم وصلت لحد الأقتتال٠٠ولكن عادة ماتكون هناك مقدمات ومؤشرات وأحداث تسبق مثل تلك النقله ٠
************
عادة لاأميل لنظرية المؤامره وبالذات لو كانت الحسابات المصاحبه لها معقده وغير واضحه٠٠وأعتقد أن أبسط التفسيرات هو أصحها٠٠مبدء فلسفى أعتقد بصحته
Occam's razor
************
أحساسى الشخصى أن المصريون عموما -والمسلمون خصوصاً- فهموا الرساله ولكنهم لايريدون تصديقها٠٠
العنف الدموى٠٠القتل على الهويه٠٠التخريب وتدمير المجتمع بكل طبقاته وطوائفه٠٠وصل مصر٠٠عنف العراق٠٠أفغانستان وباكستان٠٠ وصل مصر٠
٠ولكن المصريون٠٠وهم كتله بشريه متحضره ومسالمه فى مجملها كان رد فعلهم التكذيب وعدم التصديق٠٠!!
بالأضافه إلى الخجل العام الذى إجتاح وغلب على رد فعل مسلمى مصر٠٠وتبدى فى الأعتذار العام سواء جاء من المؤسسه الدينيه الرسميه٠٠أو من مشايخ النت وبالذات السلفيين بعد خراب مالطه٠٠أو -وهو الأهم- من محاولات فرديه للتضامن مع مسيحيى مصر٠٠مما أثار رد فعل غبى وإن كان مفهوم من قِّبل النظام٠
قتل مصليين داخل أوخارج كنيسه بسياره مفخخه أو أنتحارى وسط توتر وأحتقان طائفى حول فتاه أسلمت أو أخرى تزوجت كان "أوفر" جداً
************
٠٠إذاً من الجانى٠٠? لو مش الموساد أو السى أى إيه٠٠لو النظام ليس لديه سبب موضوعى لتلك الفعله٠٠من الفاعل٠
تانى أبسط الأجابات هو أصحها٠٠
٠أظن أنه تنظيم مماثل لتنظيم القاعده الدموى٠٠الظروف الموضوعيه والذاتيه فى مصر تسمح بذلك٠٠هوجه التدين بكافه أشكالها٠٠سلفى وجهادى٠٠ظاهرى و"كاجول"٠٠البحث عن عدو وسبب أى سبب لخيباتنا اللى بلا قعر٠٠تفكك المجتمع وأنهيار الدوله
عشرات المصريين شاركوا فى "الجهاد" بالعراق وأفغانستان٠٠تعلموا وتدربوا٠٠والا دى معلومه جديده٠٠!!
المخضرمين مثلى يتذكروا موجة العنف التى صاحبت عودة مجاهدى أفغانستان٠٠فى نهايات السبعينيات وبدايات التمانينيات٠٠
ولاأرى سبب للتعجب فى أنهم أعلنوا الجهاد على الدوله والمجتمع٠٠ماهدفهم٠٠?? العنف للعنف٠٠خلق حاله من الفوضى٠٠تفكيك المجتمع وتخريبه٠٠أليس هذا هو مايفعلوه بالعراق وباكستان٠٠وفعلوه فى مصر والجزائر من قبل٠٠??
٠٠إن كان هناك سبب للتعجب فهو تأخر هذا حتى الآن٠٠
4 comments:
Hi Abu Faris,
Lucky you..you got to at least hit the new year with your nerves on, I got the news at 6 PM on the 31st so as I said before ugly beginning not a single moment of celebration if you wish.
Do you think this is the first item on the Bill to be paid by Egypt. The historical payment due..like you said before?
This was totally uncalled for, like you said violence at the time of the lady's incident would have been more understandable. Believing that a rouge group did this on their own sounds to me like believing Lee-Harvy killed Kennedy without associates and was killed few days later by Jack Ruby because Ruby loved Kennedy !!!!! Although these ass-holes are capable of doing things no damn logic can explain no matter how hard people try to use their brains.
Inner fighting within the new-mamluks to expose a certain sect of the ruling regime , so that when it's time to oust it no body has any regrets seems more plausible but the level of violence was enormous, may be to totally expose and discredit those who will be scape-goated later on..may be so..outside interference to help certain power groups within the regime against others is also possible .. I'd say in a few years and by looking at the outcome of this shit we may be able to guess who had a hand in it..if ever...
Mohamed...
شاكر على المتابعه والتعليق والأهم مد الحوار٠٠تفسير تفجير الأسكندريه فى ظل غياب أى نوع من المعلومات الماديه هو نوع من أنواع التنجيم٠٠بمعنى أنى رغم محاولتى للمتابعه لاأعرف حتى الأن مانوع المتفجرات المستخدمه٠٠هل هى متفجرات صناعه محليه مطبوخه من أسمدة النترات مثلا أم نوع معقد ك السى فور٠٠هل هى سياره مفججه أم اثنتان أم أنتحارى شايل قنبله ف جيبه كما يصر كبير عسس مصر٠٠من صور وفيديوهات الحادث أعتقد أن العمليه مقصود منها أحداث أكبر قدر من الآذى والآلم٠٠وهى الرساله الأساسيه من العمليه٠٠ولذلك لاأظن أنها جزء من الصراع بين مماليك مصر الحاليين٠٠نفس النتيجه كان يمكن الوصول لها بعمليه أقل حجماً وقسوه٠٠أوحتى فضيحه ماليه أو أخلاقيه وماأكثرهم٠٠تحياتى ومودتى٠٠خالد
ينصر دينك يا بطل
قتلت ناس عُزًّل كتير
ستات، شيوخ وكمان عيال
ازحت عنا خطر كبير
دي ناس بتقول الله محبه
والمحبه دي شئ خطير
***
إقتل بطرس
وإقتل مينا
اللي إخواتهم
ماتوا فـ سينا
واللي ولادهم
رقصوا فـي فرحك
واللي فـ ميّتم
بيعزّينا
إقتل ماري
وطنط تريزا
دول ناس مافيهومشي ولا ميزه
دايمًا كده يبتسموا في وشك
ويقولوا اهلاً
خطوه عزيزه
وإقتل برضه
عمّك حنا
في اي خناقه
بيحوش عنّّا
غاوي يصّلح
بين الناس
ولا يمكن
يوّرد على جنّه
وإقتل سامي ناجي نجيب
اصل الإسم صراحه مريب
يمكن يطلع واحد منهم
او داقق على إيده صليب
ولا اقولك...إضرب شبرا
والكيت كات وميدان الاوبرا
فجر واحده في كل مكان
خلّي جيرانهم يصبحوا عبره
***
لينا رب إسمه الكريم
هاييجي يوم تعرض عليه
تقف امامه و يسألك
الشخص ده عملك إيه؟
بأي ذنب تقتله
وفين ومين وإزاي وليه؟
إبقى قول لي يا بطل
ها ترد يومها..
وتقول إيه؟
************
أحمد فؤاد نجم
Post a Comment