Tuesday, December 02, 2008

يحدث فى كندا اﻷن


الحياه فى كندا تتسم بالهدوء الشديد..ربما بسبب الجو أو طبيعه أهل البلد وينسحب هذا الهدوء على الحياة السياسيه أيضا
أول ماوصلت هنا أقمت فى مونتريال عاصمه مقاطعه كيبك الناطقه بالفرنسيه والمصبوغه بصبغه فرنسيه-أوربيه أوضح بكثير من باقى كندا الناطقه باﻷنجليزيه
أيامها -١٩٩٥- كان هناك أستفتاء هام فى كيبك للأنفصال عن كندا وتأسيس دوله مستقله..الموضوع له جذور تاريخيه عميقه ليست موضوعنا اليوم..المهم اﻷنفصاليون خسروا اﻷستفتاء فى تصويت حر بحوالى ٣٠ألف صوت فقط
.توقعت دم فى الشوارع وجيش وحالة طوارئ كما يحدث حدانا بعد مياراة كره قدم
ولم يحدث على اﻷطلاق..شويه أنفصالين عملوا مظاهره خيبانه وسط البلد ومرت بسلام
فزاد أعجابى بتحضر وديموقراطيه الكنديين عموما وأحترامهم للقانون والعمليه الديموقراطيه بمجملها
.من كام أسبوع كان عندنا هنا أنتخابات فيدراليه لم يسمع عنها أحد فى العالم ولاحتى الكنديين أنفسهم..!!!وأنتهت كما بدأت بهدوء وسلام
.النتيجه..لم ينجح أحد للمره التالته على التوالى
لم يحصل أى حزب على اﻷغلبيه البرلمانيه التى تؤهله لتشكيل الحكومه مستريح.. رغم أن اﻷنتخابات هنا تقوم على نظام الدواير الفرديه
حزب المحافظين قام بتشكيل حكومة أقليه..ﻷنه حصل على أكبر نسبه من المقاعد..يليه الليبرالين -وسط- وهم زعماء المعارضه فى البرلمان ثم النيوديموقراط -حزب اليسار- ثم حزب من كيبك أسمه الكتله يسعى للأنفصال من خلال البرلمان..ووجودهم رمزى طبعا ﻷنهم لايملكوا أى أمل فى تحريك موضوع اﻷنفصال من خلال برلمان كندا الفيدرالى وهم عموما أشبه باﻷحزاب اﻷشتراكيه الديموقراطيه فى أوربا
كل هذا فى ظل مخاوف متصاعده من اﻷزمه الماليه-اﻷقتصاديه الممسكه بخناق العالم كله اﻷن
.فجاءه وبدون أى مقدمات وبلا أى تحضير وعكس كل التوقعات قامت حكومه المحافظين بتقديم مشروع مبزانيه مصغره بلا أى معنى وبلا أى طعم
كل مافيها قرارات فاشيه ومراسيم ديكتاتوريه
وقف الدعم المالى للأحزاب السياسيه..وقف مفاوضات الحكومه مع العاملات والموظفات النساء فى القطاع الحكومى والمطالبات بالمساواه فى اﻷجور مع زملائهم الرجال..منع اﻷضراب عن العمل فى القطاع الحكومى..السير فى بيع بعض ممتلكات الحكومه الكنديه..ألخ..ألخ
وهم وتخريف وأجنده أيديولوجيه لامحل لها من اﻷعراب
وبعنجهيه شديده تحدى رئيس الوزراء البرلمان فى تصويت على الميزاينه المصغره..وتوالت اﻷحداث بسرعه البرق..وكان الرد غير المتوقع بالمره..أن حزب المعارضه الرئيسى -الليبرالى- طرح مشروع لسحب الثقه من الحكومه..وقام بمحادثات ثم بأتفاق مع النيو ديموقراط لتشكيل حكومة أئتلاف بدعم من اﻷنفصاليين فى كيبك..الكلام ده كان اﻷسبوع الماضى
بس ياعم..قامت الدنيا ولم تقعد..الحكومه أجلت التصويت فى البرلمان على الميزانيه المصغره وبالتالى التصويت على سحب الثقه..والمعارضه طلبت رسميا تشكيل حكومه جديده..اليوم -اﻷتنين- بدايه اﻷسبوع كان ناقص يضربوا بعض بالنبابيت فى البرلمان
.والدراما مستمره بشكل غير مسبوق فى كندا
.ناس تقول الحكومه زودتها.
.آخرين يقولوا نعمل أنتخابات تانى ﻷن لايمكن الوصول للحكم من خلال أتفاق غرف خلفيه.
.رأى يقولك ﻷ ممكن والموضوع دستوريا سليم.
.يرد آخر بأن المرشح لرئاسه الوزاره من الليبرالين سيعتزل الحياه السياسيه فى مايو القادم والحاله مش مستحمله نغير رئيس الوزراء كل ٦ أشهر..
.ألخ ألخ
العبد لله مستمتع أخر أستمتاع..ومستمخ آخر أستمخاخ..ومتابع اﻷخبار والنقاشات ومشارك فيها على الضيق كده.
.وفى بالى دائما مقولة تشرشل رئيس الوزراء اﻷنجليزى.
أتفق مع من يقول النظام الديموقراطى نظام سئ..المشكله أن أحدا لم يدلنى على نظام أفضل..!!"

12 comments:

Chicco said...

ميه مسا :)

الحال من بعضه يا أخي الفاضل ... أنا في تورونتو و مش مصدق الحراك السياسي الفجائي ده .... متابع باعجاب و اندهاش

Mohamed Hamdy said...

ههههههههههههه احنا بقا الحكومه مكيفانا اخر كيف بعيدا عن الملل السياسى الرهيب عندكم .. احنا عندنا حركه سياسيه تتسم بالسرعه والمفاجأه والاحداث المتجدده كل يوم

وعجبى

amirakotb said...

أول مرة اعرف عن البلوج بتاعك بس تحياتي بجد ... سعيدة بالمرور فيه

ابو احمد said...

كل سنه وإنت طيب
طمنى على نائله
اتمنى لك وللأسره دوام السعاده والهناء

أبوفارس said...

عزيزى Chicco
والله الحال من بعضه مايلفت نظرى بشده رغم أحتدام الصراع السياسى وأرتفاع حده النقاش الموضوع ملموم فى البرلمان ولاحتى تلويح من بعيد بأستعمال القوه..شرفتنى..خالد
***********
Mohamed Hamdy
أما هن حكومتنا السنيه صديقى فالموضوع مختلف
المحروسه تحكمها مافيا فعلا وليس صيغه مبالغه فى الكلام..مجموعه من جماعات الجريمه المنظمه سواء لغسيل اﻷموال أو المضاربه الوهميه ف البورصه أو وهم كبير أسمه قطاع المقاولات..حط الوضع ده ف دماغك تجد أن هناك منطقا ما يربط اﻷحداث..درت فى مدونتك وأعجبنى بجد ماقرأت..
أهلا بك صديق..تحياتى ومودتى

أبوفارس said...

amirakotb
خطوه عزيزه سيدتى وشاكر على المجامله الرقيقه..تحياتى خالد

أبوفارس said...

مجدى ياصديق العمر..أولا كل سنه وأنت طيب والعائله بخير وسلام..وأدعو الله مخلصا أن يهون عليك ياأعز اﻷصدقاء
...أنقل لك تحيات د.وليد
وعجبيتى جدا معزوفه على اللى نشرتها عندك ..ورد د.وليد (طبيب نفسى) الذى أضاف جمالا لحوارك مع على..
نائله أفضل قليلا..لسه فيه ألم ولاتستطيع القياده مثلا ولكنها آخر مجدعه ومستحمله بلا شكوى وبلا دلع كعادة بنات الجزائر..تحياتى وصادق مودتى..خالد

الازهرى said...

دكتور ابو خالد

كل سنة وانت والاسرة الكريمة فى خير وسعادة وهناء

يبدوا ان الاحداث فى كل مكان تتسارع حتى يلهث من يتابعها وكانه فى سباق الاف ميل

Iskanderani said...

العزيز دكتور خالد، أبوفارس

الله يسلمك وربنا ما يحرمنيش من زاياراتك العزيزة ودمت بصحة وإن شاء الله تكون ركبتك قد خفت من الالآم والبرد. لا كبرت ولا حاجة يادكتور دا أنت -وأنا كمان ... يالا بالمرة- لسة في بداية الشباب.

هو رئيس الوزراء الكندي تعلم كورس سياسة عملي في دولة عربية؟ لأنه علق عمل البرلمان الكندي قبل ما يخسر الأنتخابات في حالة طرح الفكرة في القريب العاجل... راجل عُقر يا عم الحاج...في التلاعب بالبرلمان
لإنه عارف إن لو عملوا إنتخابات جديدة، راح تروح عليه ولن يكسبها فعمل زي العرب - مفيش حد أحسن من حد-...راح مبطل البرلمان
كان في جريدة محترمة هنا كتبت عن الموضوع بالتيل والخلفيات

http://www.sueddeutsche.de/politik/206/449930/text/
هاربر رئيس وزراء كندا هنا يقف علي عتبة الناية

http://www.sueddeutsche.de/politik/689/450411/text/
وهنا راح يحكم إذا م يتفق الليبرالليين والنيودموقراطيين علي تشكل حكومة بديلة ....

تحياتي اليك وإلي الأسرة وكل سنة وانتم جميعاً بصحة وبخير

ممدوح
تحيات إسكندراني في بلاد الله الواسعة

سمير مصباح said...

يعنى مش فاهم
انت كاتب اليوست ده علشان تعزينا ف حالنا


حرام عليك يا اخى

husam shady said...

كل سنه وإنتا طيب يا أبو فارس

أبوفارس said...

والله لك حق ياأزهرى
فعلا تلاحق اﻷحداث يجعلنى لاأستطيع أستيعابها أحيانا..ولا حتى التعليق عليها
كل سنه وأنت طيب
***********
سلامات ياباشمهندس ممدوح
سعيد بمتابعتك للمدونه الغلبانه وسط مشاغلك..وواضح أنك متابع الحركه السياسيه فى العالم حتى فى الركن الجميل البارد "كندا"..
.الغريب الذى لاأفهمه هو تكالب اﻷحزاب والزعامات على السلطه حتى فى اﻷوضاع الأقتصاديه الحاليه المنيله بستين نيله..يبدو أن السلطه -حتى فى البلدان الديموقراطيه- لها بريق وجاذبيه لاتقاوم..
.تحياتى كل عام وأنت واﻷسره بخير وسلامات..خالد
********
عزيزى الشاعر الرقيق سمير مصباح.
.أولا منور المطرح والمكان..درت فى مدونتك وطربت ﻷشعارك..وبعدين ياأخى المشاركه حلوه..ماهو العالم اللى زى حالاتى لما يشوفوا حاجه حلوه وناس بتتعامل بالقانون واﻷصول تصعب عليهم المحروسه ودمهم يتحرق.
.أعمل أيه..
أحكى وأقول وناس حلوه زيك كده تقرا وتشاركنا حرق الدم
والله مش عارف أحنا كلنا هنا وهناك..مستحملين وعايشين اﻷيام السودا دى إزاى..؟؟!! سعيد بالتواصل.
.تحياتى ومودتى..خالد
********
كل سنه وأنت طيب ياحسام.
أيه ياأبن عمى مالك مختفى ومصاب بحاله كسل تدوينيه من الطراز اﻷول كده..ماتشد حيلك وتكتب حاجه حلوه وتشاركنا همومك..يمكن حد يقول كلمه تسندنا كلنا.
.تحياتى وخالص مودتى