واحد من أهم المفكرين والكتاب المعاصرين..مؤرخ متخصص فى التاريخ المالى أو اﻷقتصادى محاضره هامه تستحق المتابعه
تليها مقاله أهم عن اﻷزمه اﻷقتصاديه الحاليه أثارت موجه من النقاش الحاد..استمعت شخصيا لمناقشتان حول تلك المقال/ الدراسه الويك أند الحاليه
تقوم على المقارنه بين اﻷزمه الماليه اﻷقتصاديه الحاليه و اﻷزمه الماليه التى مرت بها اليابان حين أنهار سوق العقار فى أوائل التسعينات وتلى ذلك أنهيار كامل للنظام المصرفى لازالت تعانى منه حتى اﻷن أزمه اليابان اﻷقتصاديه أستمرت مايزيد عن عشر سنوات وأصبحت تعرف "بالعقد المفقود"..الدراسه تصل إلى نتيجه مؤلمه..وهى أن اﻷزمه الحاليه أعمق وأشمل وأوسع من العقد اليابانى المفقود"
5 comments:
التغيرات السريعه المتلاحقه داخليا وخارجيا تجعل المتابع يلهث خلفها
عاملين زى اللى بيتدحرج من قمه جبل
الواحد نفسه يلاقى صخره عريضه يرتاح فوقها وينفض هدومه ويشوف ايه الحكايه
انا اليومين دول عمال اعيد فى قراءه دواوين على شئ رائع ياخالد
تحياتى وسلامى لكل العائله
صباح الفل يامجدى..أزيك وأزى أخبارك..أما عن اللهاث فنفسى راح وجاللى ربو بعيد عنك..وبدأت تدوينه من أسبوع عن الحوار السياسى الدائر فى أمريكا اليومين دول ومش قادر أخلصها..من ناحيه مشغول شويه..أصل ألمودام نايله وقعت وكسرت أيدها كسر سخبف مضاعف وأحتاجت عمليه يحطوا لها دعامتين حولين الكسر..مفروض نشوف أخصائى العضم بكره ونشوف حايعمل أيه تانى..وطيعا أخوك من غير نايله محتاس حوسه البلجيكى..بس تصدق ياأبو أحمد طلع لنا والحمدلله شله أصدقاء أخر مجدعه اللى يتطوع يجيب فارس م المدرسه ﻷنها ماتقدرش تسوق وأنا مشغول واللى ملت لنا التلاجه أكل..حاجه بصراحه زى الفل..الطريف أن مافيش فيهم ولامصرى ولامصريه..اللى لبنانى واللى فرنسيه وصديقه أردنيه طلعت أجدع من ميت راجل..ومن ناحيه تانيه كل ماأفتح النت يامجدى أقلب ف الجرايد أو المدونات نفسى تغم عليا والدنيا تضلم معايا البلد دى مش ناويه تتعدل والا أيه..؟؟ ماعلينا ماتحط حاجه من حاجات على عندك وتعلق عليها..نفسى ناس أكتر تعرفه..ولو حطيت حاجه حاأعمل لها لينك عندى..أيه رأيك..؟؟ تحياتى وصادق مودتى ياصديق العمر..خالد
الف سلامه لنايله
سلم لى عليها كتير
وطمنى عليها
انا نزلت لعلى حاجه فى مدونه صباح الجمال هتلاقى الرابط عندى فى صباح الفل
قرأت المقال
وهو يسرد بطريقة جميلة
ولكنه يطرح اسئلة مخيفة عن جدوى الخطوات التى اتخذت لمواجهة الازمة
وعن ان الامور لم تتكشف ابعادها الكاملة بعد
تحياتى
شاكر السؤال يامجدى.
.هى أحسن دلوقت بس الكسر فعلا سخيف..ولسه بتتألم منه!! ربك هو الشافى.
.أشعار على جميله جدا ورقيقه للغايه ولكنها قصيره متهيألى ﻷنشغاله فى لقمه العيش زى كل أهل المحروسه.
.وأظن لو عنده وقت ومتفرغ ممكن يطلع حاجات نفسها أطول وأطول..ولا أيه..!!
تحياتى وصادق مودتى.خالد
************
سعيد جدا بمتابعتك ياأزهرى..فعلا المقال مخيف لو صدقت توقعات الكاتب ممكن ندخل فى عقد مفقود على مستوى العالم كله ودى كارثه على الكل.
بالمناسبه سألت أحد أقاربى وهو بيزنس مان من وزن المتوسط عة أخبار اﻷزمه ف مصر قال لى ماأحنا على طول ف أزمه..!! تحياتى ومودتى...خالد
Post a Comment