Wednesday, February 20, 2008

ماقبل النهائى..والنهائى


قرب قرب ..أسمع شوف
الدور ماقبل النهائى فى بطوله كندا الدوليه المفتوحه للأسكواش مصرى ١٠٠% اللاعبين اﻷربعه مصريون.
..وعملوا مباراتين أخر جمال
أتفرجوا ياجدعان على المصنف التانى على العالم رامى عاشور قلب اﻷسد فى ماراثون ضد كريم درويش المصنف التامن على العالم.. فى مباراه ساخنه أنتهت بفوز عاشور قلب اﻷسد -٢٠ سنه-١١-٤ ,١١-٧,٨-١١,١١-٨ ورعم أنهم أشتبكوا فى ملاسنه كلاميه بالعربى ألا أن الجمهور حياهم بحراره فى نهايه المباراة...قلب اﻷسد ده وصف المعلق الكندى والله..فى الشوط الرابع قالها بالحرف..لما عاشور هاجم بشراسه
when Ashour returned, he played like a lion.
فى المباراة التانيه كان المصنف رقم واحد فى
العالم "عمرو شبانه"فاز على صديقه وزميله فى التدريب "وائل الهندى" فى مبارى كانت سهله لشبانه وأن لم تخلو من لمحه أخلاق رياضيه عاليه..فى ختام الشوط الثالث لم يحتسب الحكم نقطه الفوز لهندى فما كان من شبانه ألا أنه فوت السيرف لهندى ليكسب الشوط..وحين عادوا اﻷتنين للملعب لبدء الشوط الرابع..حياهم الجمهور الكندى وقوفا وبالذات لشبانه..التى انتهت المباراه لصالحه ١١-٩ ,١١-٩,٥-١١,١١-٧ ليتقابل المصنف رفم واحد المصرى مع المصنف رقم أتنين المصرى فى النهائى
The all-Egyptian semi-final is evidence of the country's depth in the sport right now. Four of the top 10 players in the world are Egyptian
فى النهائى فاز
قلب اﻷسد عاشور الملتهب حماسه على زميله المصنف اﻷول
..شبانه لم يلعب منذ ديسمبر وعقله مشغول بزوجته التى تنتظر حدثا سعيد قريبا..ولكن النهائى كان جميييييل..وقلب اﻷسد ده ممتع.
.مش تقولوا لى كأس أفريقيا وأبو تريكه ياعم روح منك له
..اﻷسكواش ده لعبه النبلاء والباشوات
..وبعدين حدش سمع فريق ياخد بطوله أفريقيا ولما يحتفل بيها ينظموا له اﻷحتفال فى آسيا.
.وكم بك يامصر من المضحكات المبكيات...
Globe & Mail هنا وصف الدور قبل النهائى فى
وصف النهائى هنا
صور اﻷبطال هنا
معلهش أنا أصلى بأعز اﻷسكواش شويتين أصلى لعبته زماااااااااااااااان فى نادى الشمس..لما كنت ورور ...ووزنى أقل من ٦٠ كيلو...أيااااااااااااااااام..

3 comments:

أبوفارس said...

أهداء خاص للصديق العزيز د.أسامه القفاش ربنا يرده للنت بالسلامه..
واحشنا يادكتره..
,اهداء ﻷبنتى "مرام" اللى عاوزه تبوظ أخلاق أخوها فارس وتجيب له فانله "أبو تريكه"..أهو ده اللى ناقص..أبنى أنا يلبس فانله لاعب ف اﻷهلى..!!!!!!أحنا أخرنا اﻷسماعيلى وبس..تحياتى لكل اﻷصدقاء...خالد

ابو احمد said...

دا انت زى الريس بتاعنا ربنا يديك طوله العمر زيه طوله العمر واشوفك ريس ياخالد يابن قلبى

aboyehia said...

الف شكر يا د.خالد على الاهداء
انا كنت متابع طبعا
وتصدق بايه كنت حطلب منك تبعت لي النتائج و حتى تصور شوية بالموبايل لو تقدر
الف شكر
مرة اخرى