Friday, February 16, 2007

...فالنتين..بجانينى..ورحمانينوف

فالنتين أو عيد الحب حيث يتبادل فيه المحبون الورد اﻷحمر والشيكولاته والهدايا ويخرجوا للعشاء كان اﻷربعاء الماضى
كنت مشغول نبطشيه شغل حتى الساعه عشره مساء..رجعت أكلت حرقت دمى شويتين باﻷخبار ونمت كما الطفل الرضيع..
الخميس مساء..أستحميت حٌمايه العيد وحطيت كالونيا وأخدت المودام فى دراعى ورحنا على
NATIONAL ART CENTRE
عشاء خفيف رقيق وماتيسر من النبيذ الفرنسى المحترم..فى جو شاعرى وضوء شموع ثم قاعه اﻷستماع الرئيسيه لحضور كونسير الليله..
أوركسترا أوتاوا السيمفونى تعزف رابسودى رحمانينوف على لحن لبجانينى
Rachmaninov Rhapsody on a Theme of Paganini
...عازف البيانو كندى من أصل يابانى يعد من أحسن عازفى البيانو فى كندا.
.وخد عندك يامواطن ساعه ألا شويه بسيطه وسيدنا رحمانينوف ألف رحمه ونور عليه بيقسم ويوزع ويعيد ويزيد فى أخر أعمال باجانينى وماأدراك ما باجانينى
Paganini's 24 Caprices for Violin Solo
..٢٤ تيمه للكمان تتحول الى ألحان للبيانو...آه ياقلبى آه..
هناك أعمال موسيقيه من فرط جمالها وأتقانها أكاد لاأصدق أنها من أبداع بشر مثلنا..تلك التنويعات واحده منها..وكأنها خلقت من اﻷزل مع الجبال واﻷنهار وغروب الشمس..
يس خلاص مافيش لغه ولاكلام توصف الجمال والكمال المتدفق..روح دور عليها وأسمعها...
وكل سان فالنتين وكل الحبايب طيبين...

16 comments:

طبيب نفسي said...

أبو فارس ... ميا مسا

أولا ألف شكر علي الاهداء الرقيق من التدوينةالسابقة. والله فكرتني بأيام الراديو والمذاكرة بالليل والاستماع للبرنامج التاني وحسين فوزي وأعمال عالمية من اخراج محمود مرسي. طبعا أنا مش من جيل الراديو .. لكن الاذاعة كانت ونيسي في ليالي المذاكرة الطويلة.
أما عن الفالنتين .. فبصراحة ده عيد مالوش ملامح.. يعني فرضة من الجنس الناعم ناعم علي الجنس الخشن خشن .. وقلوب وشيكولاته ولانجيري بيتاكل .. يعني بدعة وكل بدعة ضلالة .. وكل ضلالة في البار ..
وعلي ذكر البار.. ياعم إنت عايز تفسد الشباب وتقولهم نبيذ فرنسي فاخر و كلو دي بوا وكلام من ده .. طب خليهم يبتدوا بميرلو ولا حتي بينو جريجيو .. علي فكرة أنا بحب جدا النبيذ الكندي آيس واين ـ فيدال. .. طبعا الخالي من الكحول .. وخالي هنا معناها أقل من 18 %.
لسه واصلني سي دي جديد عليه رحمانيوف بعزف كريس وايزينبرج علي الكمان .. حدوتة.
عايزين نبقي مرة نعمل سافاري من وهران لتيزي أوزو ونمر علي دراع بن خدة .. علي فكرة أنا فعلا عملت سافاري أيام الكلية من سيوة مرورا بصحراء ليبيا لمدة 3 أسابيع ... رحلة لا تعوض.
سؤال في الجغرافيا يا د.خالد: هوا فالنتين اسمه ايه في مصر؟
عيد العمال ..
كل فالنتين وانت فالنتين

أبو نور

Ossama said...

لا يا وليد وانت الصادق اسمه
عيد البطيخ الشليان ويوم النضال العالمي
د.خالد ربنا يخللي كل ايامك اعياد يا جميل

أبوفارس said...
This comment has been removed by the author.
أبوفارس said...

د.وليد..حطوه عزيزه وكل فالنتين وأنت طيب..وبعدين هو يعنى الجنس النواعمى فرض على الجنس المغلوب على أمره فالنتين بس..وكحك العيد ..وهدوم الشتا..ألخ..ألخ..ع اﻷقل فى فالنتين
أحتمال نطلع ببوسه والا
****
الدعوه مفتوحه ياأبانور " أحنا فركه كعب بالمقاييس الكنديه..المنطقه هنا شديده الجمال..ياريت وبجد نتزاور "من الزياره مش الشهاده الزور"..والا نيجى أحنا "فارس" ٩ سنوات "ساره" ١٧ سنه أم فارس وأبوفارس ٢٥ سنه فقط لاغير..وتيجر القط البلدى بتاعنا ..وصندوق أيس واين قطفه أولى والا جزائرى من معسكر "بلد حماتى على فكره"
نهارك أبيض ..ناصع البياض..خالد

وأنت طيب ياأجدع وأجمل أبويحي فى الدنيا..ويجعل أيامنا كلها أعياد وجمال ..أيه الحكايه أيه حاله الهدوء اﻷنترنيت"يه" التى تمر بها ياعمنا دى خيرا أن شاء الله..
لازلت منتظر منك..أولا كلمه مرور نهاوند..ثانيا اﻷعمال اﻷدبيه اللى وعدتنى بها..والا لازم أجى بنفسى أخدهم...مجنون و أعملها...صباح النرجس والتمر حنه...تحياتى...خالد

aboyehia said...

ابدا يا ابا فارس انا في الاردن ولذا تجد هذا الهدوء

أبوفارس said...

ماشى ياعم ..رايح عند الشركس ياسيدى.. من المنبع يعنى.. ماشيه معاك الهم لاحسد..ترجع بالسلامه..تحياتى..خالد

علاء السادس عشر said...

رغم أنها متأخرة ولكن فالنتين سعيد لك ولأسرتك
محبتى
علاء

mohamed elbanna said...

need your comment ya dr.
http://banna2000.blogspot.com/2007/02/blog-post_21.html

أبوفارس said...

حبيبى علاء..كل فالنتين وأنت طيب..لامتأخر ولا حاجه..المشاعر الجميله والود مالهمش مواسم..والا أيه..تحياتى..ومودتى..خالد

Anonymous said...

أكيد هابى فالانتاين
حاولت اتخيل صوت المقطوعات اللى انت وصفتها لكن معرفتش
لأنى لست من جيل السيمفونيات
أو زى ما تقول كدة
متربيتش تربية برجوازية تسمح لى بانى استمع للفن الغربى
يعنى ماعرفش انت بتحكى عن مين ولا صوت موسيقاه اية ولا حاجات من دى
انت فاهم بقا
عامة الشعب يا مولانااا
بس واضح من استمتاعك انها لمحة من ملامح ملائكة الربيع

كويس انك استمتعت
اغلب المصريين ميعرفوش يعنى اية هابى فالانتين اللى بنقولها لبعض دى معناها اية
اقتصر معناها فى دبدوب أو قلب قطيفة أو وردة حمرا وخلاص
كل برغوت على أد دمه بقا

أعتذر عن السواد اللى تخلل كلامى رغما عنى ولم أتعمده والله

لكن كل الكلام بيفتح على بعضه
كلسنة وانت بخير والفاميليا طبعا معاك

أبوفارس said...

شهروزه..ظلمتينى خالص ياعزيزتى..لاأنا برجوازى ولامولود فى فمى ملعقه ذهب ولاحتى المونيوم..أنا أبن بلد خالص..
ولو نزلت شويه كده حتلاقى بوست تانى بأقول فيه أنى أتعلمت أسمع الموسيقى الكلاسيك من الراديون فى السبعينات على أيدين عمنا الكبير د.حسين فوزى بأستعمال راديو مؤشره بفتله ولومض أبويا الله يرحمه أشتراه م العتبه والله بأتنين جنيه..
والبرنامج الموسيقى كان ممتاز أيامها ماأعرفش أحباره أيه اليومين دول..
وأيام الجامعه برضك ف السبعينات القاهره كانت مليانه مراكز ثقافيه.. جوته والفرنسى والبريطانى والروسى..
كنا بنحضر فيها موسيقى وأفلام ومناقشات..
ومكتبه اﻷستماع فرع من دار الكتب فى شارع بسيونى أذا لم تخنى الذاكره..ياما زوغت من الكليه ورحت هناك أعيد اﻷستماع لما شرحه د.حسين فوزى فى الراديو..
وحتلاقى نفس التجربه أو مايشابهها عند أصدقاء الفضاء السيبرى د.اسامه.. د.وليد.. د.هيثم ....ألخ
من مدونتك أقدر أحكم وأقول أنك أنسانه حساسه..والله لو تبعتى عنوانك أرسل لك سى دى بيانو لشوبان أو رحمانينوف ..وحتلاقى أن كلامى صح..
تخيللى ياعزيزتى أنك رجعت لى ذكريات فى منتهى الجمال..أيام الجامعه ف السبعينات وحب الجامعه والمشى فى شوارع جاردن سيتى الذى لاينتهى فى أيام الشتاء الجميله..
هييييييه ..أياااااااام
كل فالنتين وأنت فى أجسن حال...تحياتى.. ومودتى...خالد

طبيب نفسي said...

أبوفارس الجميل..

أولا شكرا علي الدعوة .. وبإذن الله نرتبها مع بعض بس في الصيف عشان كندا تلاجة ياعم الدكتور.
أنا زرت كندا أكتر من 10 مرات .. اجمل مافيها ناسها.
أيس واين قطفه أولى ... بجد ، كده يبقي ضمنا المشرب.
علي فكرة .. ابعت لي ايميل قوللي نمرة تليفونك عشان اقدر اتصل بيك.
وبعدين مالهوم البرجوازيين بس .. مش بني آدميين برضه.
حلوة كحك العيد دي .. افتكرتها ازاي .. فين ايام الصاجات.
وبعدين فالنتين ده كله تطلع ببوسة .. أومال في طلعة رجب تطلع بإيه سلام سلاح.

علي اتصال بإذن الله

Anonymous said...

بما انى يا عزيزى من ناشيىء الأقاليم فالدور الثقافية والمكتبات العامة دى حاصلها صفر
وانا من مواليد النصف الثانى من السبعينات يعنى لما ودانى اتفتحت فتحت على فترة الانفتاح طوااالى
حيث تلاشت كل الجماليات وطفت على السطح كل رواسب المستنقعات ولكن بفضل الله وواالدي العاشقين لأم كلثوم ومحمد فوزى ربنا نجانا من طوفان الانفتاح
بس مسمعتش البرنامج اللى بتقول عنه دة

جيل مهبب بعيد عن السامعين يا ابو فارس
هههههههههههه
دلوقتى بقا مأقدرش أتذوق الفنون دى
مش حأعرف حتى لو حاولت
دة بمنتها الصراحة يعنى
لأنى لا أحب أن أدعى قدرة لا أتمتع بها

بس بسيطة يعنى انا باستمتع هنا بأى حاجة حتى لو كانت السيمفونية الخامسة لبيتهوفن
هههههههههههه


تحياتى

أبوفارس said...

ماشى ياأبانور..دعبست ع اليميل بتاعك ماعرفتش..حاولت أحط كومنت عندك برضك ماعرفتش..طلع لل
team members...
وبس..طب عاوز أشترك..ينفع..
أستنى بس لنا تضرب الخمسين كده..هى بوسه دى شويه..بناخد لها شمه فياجرا..
ياباشا أنت وكل الحبايب تشرفوا البيت وسيع..ونديها باربكيو كل عصريه..ونبدء بالهنيكن والستلا اﻷصلى..أما اﻷيس وين فلزوم الكلام حول نار القبيله ف الباك يارد..والنبى هم وأعملها..أتصل على
kaff4377@rogers.com
...تحياتى..ومودتى..خالد

طبيب نفسي said...

د.خالد

معلهش كنت قافل التعليقات مؤقتا .. دلوقتي باب التعليقات مفتوح.
السبب حكاية كده ابقي اقولك عليها في التليفون .. الله يقطع المناضلين والهاكرز والشيعة والكل كليلة.
وطبعا عزومة مقبولة .. وإن شاء الله نشوفك قريب.
بعت لك ايميل حالا فيه تليفوني.
الي لقاء قريب

تحياتي

aboyehia said...

صباح الفل يا عم خالد
رجعنا من عند الشركس
اين انت؟؟؟
نهاوند سبت لك الباسوورد واليوزرنيم على الياهو مسنجر
ويا ريت نلتقي قريبا عليه كي ارسل لك كل ماوعدتك به
اسهل من الايميل