Wednesday, July 23, 2008


فرصه..أعمل هذه اﻷيام فى صيدليه صغيره بدلا من صديق مسافر فى إجازه صيفيه..هدوء جميل أتاح لى وقت لابأس به فقمت بغزوه عنتريه على القسم العربى بالمكتبه المركزيه..وحملت عده روايات..

لاأحتمل قراءه غير الروايات ويكفينى ماأراه على النت من هبش وطعن وكر وفر

مافيش دماغ لمعارك دون كيخوتيه مطبوعه..وتحليلات لأصول المؤامرات الوهميه..وتلفيق التاريخ..وتبرير هزائم يستحق المسئولين عنها الموت ضربا باﻷحذيه..وتمجيد "أبطال" مكانهم الوحيد عنابر السجون أو اﻷمراض العقليه

وكله يصب فى خانه مسح عقل اﻷمه أن كان لازال بها ذرة عقل

.وعلى خلفيه من موسيقى هادئه بدأت بروايه "جارسيا ماركيز" اﻷخيره مترجمه للعربيه

ذاكرة غانياتى الحزينات"..بعد حوالى فصل واحد..أصابتنى الترجمه الرديئه بالفزع..الروايه مفككه جدا..وتفتقد الحس الساخر المطبوعه به أعمال ماركيز..فكان لابد من العوده تانيه لمكتبه الحى تلك المره ﻷقرأها مترجمه الى اﻷنجليزيه..الكبير كبير..روايه قصيره جدا..ممتعه جدا..ولاتخلو من لمسات عبقريه بفرشاة فنان متمكن لرسم الوضع السياسى-اﻷجتماعى فى كولومبيا..بدون زعيق ولاصريخ.

.وأمتدادا لجو ماركيز..أصطحبت معى ترجمته الذاتيه -المزينه بأهداء من زوجتى العاشقه ﻷدب أمريكا اللاتينيه ومجنونه بماركيز-أستمتع بالقفز بين فصولها..أتابع ماركيز وهو يغترف من قصه حياته وحياة عائلته أهم أعماله من الحب فى زمن الكوليرا الى لاأحد يراسل الكولونيل..

عزمى بشاره المثقف ال...اﻷيه..أقول فلسطينى..أم أسرائيلى..؟؟ بدأت فى قرأة روايته "حب في منطقة الظل"..ولم أستطع أكمالها بعد مائه صفحه توقفت..هى أمتداد بدون شك لكتابة أميل حبيبى وأسلوبه الساخر فى سعيد أبى النحس المتشائل..ورغم أعجابى الشديد بروايه حبيبى حين قرأتها ﻷول مره من سنواااات طويله..تلك المره جرعه السخريه أصابتى بغصه فتوقفت..هل هو تغير ف المزاج..؟؟ ملل من أعادة نفس الكلام..؟؟ عدم موافقه على أن يكون جل عمل مثقف مثل بشاره هو السخريه ولو كانت سوداء ومكتوبه بأتقان..لاأدرى..
المهم عدت بسلام بعد يومين من القرف الحقيقى والمزاج العطن الى أصحابنا..

محمد البساطى بيوت وراء اﻷشجار

...أبراهيم أصلان شئ من هذا القبيل و عصافير النيل.

.والجميل خيرى شلبى عدل المسامير.

ولسه أسبوع ف الهنا ده صيدليه هاديه وقت للقراءه على خلفيه موسيقيه من محطه كلاسيك خفيفه

********************

أحمد شقير فى مدونته عرض تقرير جاد عن المدونات المصريه حاولت الدخول له عن طريق اللينك الموضوعه وفشلت..رغم صدوره عن مركز دراسات مجلس الوزراء..؟؟!!؟؟ولكن اﻷرقام التى عرضها تستدعى التفكير..مائه وستون ألف مدونه..عدد محترم..وبالتالى لايمكن الحديث عن المدونون كده بالجمله..فالمنطقى ألا يتفق ١٠٠ ألف شخص على شئ تقريبا
ويكون الهدف اﻷساسى المنطقى من هذا الكم هو التعارف والحوار..
السؤال اﻷن هل يحدث هذا..؟؟؟ تعارف أكيد..حوار مشكوك فيه..المدونات والنت عموما هى أمتداد لما هو موجود..فإذا كان الواقع بائس أمتداده أيضا بالحتم بائس..
أنا حظى كان هايل..من النت تعرفت على مجموعه من أفضل الناس..الطريف أن كلهم يعيشون خارج مصر..؟؟اﻷرقام تقول أن ٢٠% من المدونات لمصريين يعيشون خارج مصر..بعض من عرفت أستطعنا دفع الصداقه خطوه للأمام بالتحادث تليفونيا أو بالماسنجر..وهذا هو مكسبى اﻷهم من العمليه التدوينيه برمتها..
طبعا اﻷمر لم يخلو من الوقوع فى براثن أشاوس التدوين..مناضلى الكيبورد..ومثقفى ملخصات ويكبيديا..وشفت المدونون اﻷقفيه..
فى النهايه هل التدوين والنشاط النتى بمجمله ظاهره إبجابيه..أم سلبيه..بجد لاأدرى..؟؟.
. هناك أراء تميل ألى أنه سلبى وتأكيد ﻷنعدام الحركه ف الواقع المعاش..,أخرين يرون أنه النشاط الوحيد المتاح..وكلام عن تدخل حكومى..ومحاولات لخنق حتى الفضاء السيبرى
ملحوظه بناء على الدراسه فأن "أهم ثلاث شخصيات دينية كانت نبي الله محمد صلى الله عليه وسلم ، ونبي الله عيسى عليه السلام ، وعمرو خالد على الترتيب..." !!!!!!!!!!!!!!!وعجبى
**********************
كيلو الثانويه العامه بكام ياعم الله لايسئيك..؟؟
..أحدى قريباتنا تقضى الصيف معنا لحضور معسكر صيفى وتعلم اللغه اﻷنجليزيه..أبنه أحد أعز الناس لدى.
.تانيه ثانوى..طالبه فى أحدى مدارس الراهبات الفرنسيه العتيقه.
.سألتها عن مصاريف المدرسه قالت أنها لاتعلم..!! ولكن دروس تانيه ثانوى الخصوصيه تراوحت مابين ٤٥٠٠ جنيه لكورس الكيميا..و ٣٥ لحصه اللغه العربيه الواحده (أحتاجت حوالى ٢٠ حصه) ومابينهما فيزيا ..رياضيات وخلافه..دروس فى كل المواد عدا الفرنسيه لغه الحديث بالمنزل.
.قالت لى مبتسمه..مدرس الكيميا يمطتى جاجوار ..ومسيو اللغه العربيه عنده هامر.
.مجموعها ٩٤% رياضيات وهلكت نفسها عياط طول الليل..لم تهدء ألا حين قال لها أبوها -واحد من أعز أصدقائى- أن المجاميع السنه دى زفت!!!!
.. ولسه السنه الجايه كمان.
.ألا ياعم هو كيلو الثانويه العامه بكام النهادره..؟؟؟!!!!؟؟؟؟

24 comments:

Wandering Scarab said...

لما يبقى الأستاذ راكب جاجوار والتاني راكب هامر، هذا النوع من السيارات لا يقدر على تمنه عادةً إلا المليونير. ساعات بتساءل إيه فائدة المدرسة لما كل طالب مضطر للدروس الخصوصية؟ و بما إن كل طالب محتاج دروس دة بيأكد إن المدرسين مش بيدرسوا، أومال بيعملوا إيه طول النهار في الشغل؟ و نرجع نقول الشعب مش متعلم، ماهو منين هيتعلم، هو في حد يقدر على دروس خصوصية في كل مادة؟ كل أقاربي اللي لهم أولاد و بنات في الثانوية العامة بيصرفوا بالعافية، و دول دكاترة و مهندسين و محاسبين.

سؤال، اللي عنده جاجوار دة.. الضرائب مش بتسألوا من أين لك هذا، ولا دي كمان فيها رشوة؟

ملحوظة: فطست على روحي من الضحك على كلمة "مناضلى الكيبورد"!

Iskanderani said...

مساء الخير والفل أبو فارس؛

اهنئك إن عندك بعض من الوقت للإستمتاع بالقراءة فهنيئاً لك؛
بالنسبة للتعليم ونظامة في بهية سواء الخاص أو العام فهو أكبر كدبة في التاريخ المصري المعاصر. فمن يُلقن في المدارس والدروس الخصوصية ينتهي به المطاف لطابور طويل من العاطلين المفروض إن مكتوب عليه "كامل العدد" وبناءاً عليه فكل ما يُدفع فيه يذهب لحد ما هباء. كيلو الثانوية العامة في مصر في تقديري الشخصي يساوي كيلو سمك شاخورة بعد أكله (في حصة المدرسة ) وهضمه في الخصوصي تاخد له فوار من ساندوس (قصدري درس خصوصي ) والباقي في المجاري. هذه هي صورة التعليم المجازية عندي في الوقت الحاضر.

الطبقة المتوسطة -هذا إن كانت فيها بقية متبقية- في مصر مشغولة حتي أصابع القدمين في تعليم وتدبير مصاريف التعليم لأولادهم وهذا هو هدف النظام الحاكم؛ شغل الاهل قبل التلاميذ بالتعليم الاهبل

تحيات إسكندراني في بلاد الله الواسعة

synesthesia said...

I went through the summary of the Egyptian bloggers report at Shokeir's . I couldn't read the report itself as it has been removed from the link.It is very interesting, however, one thing almost threw me off my chair, why are zodiac signs mentioned ? What could be the significance of a majority of Libras & a minority of Geminis?

أبوفارس said...

بصى ياوندار ياعزيزتى
أستاذ الكيميا راكب الجاجور..اللى عمرى ماحأركبها مهما عملت..بيقبض يمكن ٣٠٠-٤٠٠جنيه شهريا من المدرسه..هم دول اللى بيدفع عنهم ضرايب..
أحسبى معايا
المجموعه الواحده ٤٠-٥٠ تلميذ..كل واحد بيدفع ٤٥٠٠جني..قوللى ٥٠٠منهم بيدفعهم اﻷستاذ للمركز اللى بيعملوا فيه الدروس..عنده كل يوم مجموعه عدا أيام الجمعه واﻷحد -اﻷجازات الرسميه- مجموعتان..يعنى ٩ مجموعات أسبوعيا..
المجموع..
٤٠ تلميذ ×٤٠٠٠×جنيه التلميذ ×٩ مجموعات..يبقى المجموع كااااام؟؟؟ كده عدينا المليون اللهم ماأصلى ع النبى..والله الجاجور قليله عليه
***********
أسكندرانى منور ياباشمهندس
.تعليم مين ياسيدى الفاضل..دى آخر حاجه ف دماغ الحكومه اﻷلكترونيه..هو زى حضرتك ماقلت..أحد أسلوب طحن الطبقه المتوسطه..تعرف من ضمن الكتب اللى قريتها تلك اﻷيام..كتاب د.زويل عصر العلم..الجزء اﻷول عباره عن تلخيص لسيرته الذاتيه..مقارنه التعليم ف الستينات واليوم تجعلك تبكى والله..
قفز لذهنى تساؤل عبيط بعدها..أين تكافئ الفرص اﻷن..هل يمكن أن نخرج من دسوق أو منيا القمح أو جرجا مثلا د.زويل أخر..أو د.مجدى يعقوب..أو طه حسين جديد..
وسط المجزره دى..بالطبع ﻷ.
.وحانفضل نجيب لورا بالخطوه السريعه كده جتى نصطدم بقاع البير والذى لايبدو له قعر..
من سنوات آمنت أن مخرجنا الوحيد هو التعليم وهو نفس ماقاله د.زويل مثلا..
بلا حرب تحرير بلا صلح مع أسرائيل بلا توريث بلا أوهام
..كل ده كلام فارغ..والى أن يحين ذلك اليوم حانفضل كما
نحن فى بير السلم..تحياتى ياصديقى العزيز..خالد
*************
عزيزتى
synesthesia
تسالينى
why are zodiac signs mentioned ? What could be the significance of a majority of Libras & a minority of Geminis?
ألا تعلمين ياعزيزتى أن هذا التقرير خارج من مركز المعلومات التابع لمجلس وزراء مصر الموكوسه -المحروسه سابقا-وأن أهم التوصيات العلميه والقرارات اﻷستراتيجيه الخارجه من مجلس الوزراء الموقر يتم أتخاذها بفتح المندل وقراءه الكف أو الفنجان حين تسمح الميزانيه بشراء البن..وأن حين تتأزم اﻷمور يقوم السيد رئيس الوزراء ومجلسه الموقر بقراءه حظك هذا اليوم المنشور باﻷهرام..أيه ده أنت مش متابعه التطورات العلميه فى أصول العكعكه وأساليب أداره شئون المملكه والا أيه..؟؟ تحياتى عزيزتى

Bastawisi said...

والله العظيم الشعب ده اتجنن
يعنى ايه المصاريف دى كلها على الدروس الخصوصية؟ قال و يقولوا احنا شعب فقير!!!!!!
ثم ليه دروس خصوصية اصلا؟؟ عشان العيال بتدلع و عاوزة تقلد اصحابها؟؟!!!!!!!!

ابو احمد said...

صباح الفل ياجميل
الواجد نفسه هتتفتح تانى للقراءه
انا تابعت بالصدفه المعركه اللى عند رامز اول امبارح بس دى كان بقالها كتير ياعم بتوع القوميه والمهلبيه دول ودونا فى داهيه ولسه فيهم نفس
قول للأموره الى بتعيط والله يابنتى معدتش فارقه
وحشتنى يالا تعالى بقى وهات معاك شويه روايات اللى مش عندنا
تحياتى

أبوفارس said...

bastawisi
المنظومه كلها مختله ياسيدى..أولياء اﻷمور معذورين ..أى أب أو أم يحاول المستحيل لضمان مستقبل أبنه..التعليم الرسمى فى أعتقاد الجميع هو أقضل وسيله..ولذلك يحاول الكل اللحاق بقطاره..تخيل لو المجهود والفلوس دى كلها تم تحويلها ألى تعليم بجد زى الهند أو كوريا أو أيرلندا..وهى كلها مجتمعات من عقود قليله كانت ف القاع..وأنتشلها التعليم الحقيقى وبناء مهارات بجد لجيل أو أتنان من التخلف وشوف هما فين وأحنا فين..تحياتى ياولد عمى وأرجو دوام التواصل..خالد

أبوفارس said...

صباح الفل ياأبو أحمد
المكتبه المركزيه هنا فيها قسم عربى محترم فعلا..أنقض عليه كل شويه وأطلع بكام حاجه حلوه كده.
.مجموعه خير شلبى "عدل المسامير" حاتعجبك فيها حس أنسانى محترم جدا
.....
أما بخصوص موقعه رامز..فدى فعلا تحفه..فيه كوكتيل غريب أجده اﻷيام دى..شويه قومجيه على ناصريه مخلوطه برطانه يسارويه مالهاش معنى على قدر لابأس به من اﻷصوليه الدينيه..واضح أنها ستبقى معنا حوالى جيل كمان..وهو المطلوب..تضيع وقت ومجهود شعوب ومجتمعات المنطقه ف دوائر لاتنتهى ألا لتبدء..شارون من فتره هبش اﻷمريكان وقال لهم بصريح العباره أنا أفعل ماتريدون..وبتكلفه أقل..يعنى بالبلدى أنا موفر لكم فلوس فأطلعوا من نافوخى..وسيبونى أشتغل..الأمور واضحه وصريحه مش فاهم الناس تايهه ليه..؟؟ ونحن نفعل بالضبط مايريدون جيل ورا جيل..دخلت من فتره فى نقاش حاد جدا مع صديق لبنانى شيوعى قديم منحاز جدا لحزب الله وحاولت أفهم منهجه ف التفكير ولم أستطع فأمسكت عن النقاش عشان نفضل أصحاب..
أتابع مسلسل الهروب بأهتمام دخلت أنت كده ف الغميق..أستمر ..تحياتى ياصديق العمر..خالد

Wandering Scarab said...

إسكندراني..
والله عندك حق، الطبقة المتوسطة فعلاً مشغولة بالمصاريف. أنا لما بكلم أي حد من أقاربي في أي حاجة لها دخل بالسياسة بيقولوا لي محدش فاضي للكلام ده. قال و أنا كنت فاكرة انهم عاملين ودن من طين و ودن من عجين. دة نظام دوخيني يا لمونة.

أبو فارس..
يا نهار كوحلي! عدينا المليون؟ طيب بقى، هو في حد يلاقي الدلع و ميدلعش؟ أظن كدة وضحت الصورة. عشان كدة المصري لما بيطلع برا بيقدر يحقق نجاح كبير زي الدكتور زويل و غيره. و على فكرة في مصر كفروا أحمد زويل. ما هو أي حد اليومين دول لما يقول كلام مش على مزاج الحكومة يبقى كافر. خيبة قوية.

الحكومة كمان عمالة تطفي النور. سمعت عن القانون اللي عايزين يعملوه، بتاع إنشاء جهاز للرقابة على الفضائيات والإنترنت؟ كمان شوية هيمنعوا إستعمال الورقة والقلم.

بير السلم إيه بقى يا خالد.. دة محصلناش منور حتى

Wandering Scarab said...

Synesthesia..

Fancy seeing you here!! Where have you been?

Syn.. any kind of statistical analysis coming out of Egypt is of dubious nature. I have seen the way statistics work in Egypt. I'm a professional in the industry and I can tell you that strict rules and parameters have to be followed in order to obtain unbiased and accurate data. The numbers game is a very sensitive one and can easily be skewed.

Can you imagine anything in a governmental department in Egypt following strict procedures?? That'll be the day.

I wouldn't trust the data collection obtained for that study. As for the zodiac sign mention, don't put much thought into it, someone just lost their crack pipe.

أبوفارس said...

ابو احمد لقيت لك بيان الشيوعى السودانى
http://www.ahewar.org/debat/show.art.asp?aid=141654
عن موضوع البشير ودرفور اعتقد انه كلام معقول
الاتكاء على مؤسسه دوليه زى محكمة لاهاى واستعمال قوة اندفاع الغرب فى محاوله للتغير الداخلى
بدل الروح القبليه
انا وابن عمى دى
طبعا بافتراض ان هناك قواعد وشعبيه للناس دى ماهماهش قاعدين على مقاهى ام درمان ودابحين بعض مناقشه
تحياتى ياصديقى... خالد

synesthesia said...
This comment has been removed by the author.
synesthesia said...

Sorry for the glitch above, I tend to be a 'technosaurus'from time to time!
The link of the report is on the site of Maglis Al Wozara',which immediately casts an aura of respectability & credibility (or at least should) on the report. To find zodiac signs listed among other characteristics means that the PhD who wrote the report attributes a certain significance to these signs!! I can only repeat Ghawayesh's expression "kees gawafa"! I came across an article in masrawy which cited Zaghloul Al Naggar stating that he convinced skeptics by explaining how there is 'fire' under the water in the bottom of the occeans, meaning hydrothermal vents! I guess the zodiac is not such an aberration after all. We're back to the middle ages.



Wandering Scarab, I found Abu Faris' blog through yours. I visit your blog everyday. You say a lot of what I feel like saying about so many topics, which makes me write those long wordy comments & I feel guilty about that. I am trying to avoid giving you headaches .

Wandering Scarab said...

Syn.. I sent you an email (don't want to crowd Khaled's blog)

عم مينا said...

و النبي يا أبو فارس بلاش موضوع الثانوية العامة علشان بيجبلي اكتئاب
سيبك من الي كان بيحصل في مدونة رامز، سيستم التعليم عندنا هو ده الي بيثبت فعلاً ان احنا أمة متخلفة و ما فيش أمل في أي حاجة الا لو ظبطنا التعليم

ولله فيهم الخير انهم ما طلوعش عمرو خالد رقم واحد قبل محمد و عيسي

بالمناسبة هي فين المكتبة المركزية دي علشان عمري ما رحتها؟؟ أنا دايماً بجيب الكتب معايا من مصر و عبال ما خلصهم باكون نزلت تاني :)

تحياتي

طبيب نفسي said...

خالد .. ميا مسا

بالفعل في هذا الزمن الرديء قراءة الروايات هي أفضل الاختيارات.
الواحد جاله صداع يا مان من هبش المخ الانساني وحالة التشيؤ والتشييء الماشية في الايام دي.
وعلي رأي عم مظفر: في الرياح السيئة.. يعتمد القلب.
ماركيز دايما قادر علي صنع الدهشة فيعالم كافكاوي مظلم .. تفاصيل وتلميحات وقدرة هائلة علي الرصد.
عزمي بشارة سياسي وليس روائي ، يعني الايديولوجية غالبة علي الفن، إميل حبيبي هو العكس أوس 2.
محمد البساطي .. أعتبره روائي متوسط القيمة وشهرته طالعة من قهوة البستان مش من أعماله ، قمة الساركازم هو عم علاء الاسواني روائي عديم القيمة وشهرته طالعة من مكتب مباحث أمن الدولة .. يعني المعادل لأخونا وحيد حامد بس في الرواية .. جتها نيلة اللي عايزه خلف العره اول وتاني.
أبراهيم أصلان .. فلتة روائية أصابتها عدم القدرة علي الانتباه من قبل طبقة المثقفين..
عم خيري .. حكاء مصر العظيم ولو قال ريان يافجل.
-----------
موضوع المدونات المعجنات هامشية المهمش ونرجسية الضائع.

العمليه التدوينيه برمتها ـ النضالية ـ عبارة عن فشل في مواجهة الواقع من ذوات نرجسية مهمشة .. يعني الواحد من دول عنده استعداد يحارب النظام وينشر الاسلام أو المسيحية أو الاصولية المهلبية ـ في الشمس علشان الدفا عفا ـ ويمجد الاسلام السني وبرضه يمجد عمو حسن نصرالله بتاع حودايت قبل النوم ويحل ويفكك ويرجع يحلل اقتصاد واجتماع في تدوينة واحدة.
حتي الاخ بتاع الاثر السلبي مش شايف إنه هو نفسه متوحد مع التدوين، وعاطي نفسه لقب مدون بتلات شرايط.
حالة من اسقاط الخاص علي العام والبحث عن قضية كبري للهروب من المشاكل الخاصة "الحقيقية".
يعني التدوين ينطبق عليه المثل المصري الخالد:
"لو الشعر عزيز .. ماكانش طلع في الط**"
بمعني لو كان لبتوع النضال الكي بوردي دول قيمة مكانش بقي الكيلو منهم ببلاش.
أما إن التدوين وسيلة لتبادل الرأي ففي ناس كتير بتعما كده بس دول مش مناضلين .. هسهس يعني زي عندك كده نتكلم ونضحك ونسلم علي بعض وبرضه نتفاعل ونتعلم.
فتوات مصر أكيد وصلك..
شوية وأكتبلك لستة بالافلام.

سلام

أبوفارس said...

Syn.
ياسيدتى العقل ف اجازه هذه الايام
بالمحروسه من مجلس الوزراء حيث تخرج القرارات مصحوبه بقراءه وافيه للابراج حتى الدكتور زغلول الفشار ومغامراته مشهد عبثى لاادرى متى سينتهى
تحياتى
********
ياعم مينا
ماحنا جيران اهو ياعم ماتشد تلغراف والا تدق تلافون نلتقى ع المقهى او ع الناصيه وبالمره استلف منك الكتب اللى تجيبها معاك من مصر..!!
بص ياسيدى المكتبه العامه فى
Centre pointe
و
Cumberland
فيهم اقسام عربى لاباس بهم اما المركزيه فعلى تقاطع
Metcalf & Laurier (Dowen town)
وبها قسم عربى جيد
تحياتى ياجارى العزيز

أبوفارس said...

أبا نور منور المطرح والمكان..
وصل "فتوات مصر" وألتهمته فى جلسه واحده..وزاد من إيمانى بعبقرية عمنا نجيب محفوظ..هناك مشاهد فى الكتاب وكأنى أقرأ أولاد حارتنا أو الحرافيش..
واليومين اللى فاتوا أنهيت حاجه كده أسمها "الفضيحه اﻷيكاليه"لمدعى أسمه محمد بركه..وهى فضيحه فعلا بأى مقياس..حكايه واحد نام مع بت إيطاليه..بس خلاص
وأخرى أسمها "وطن السنبله"لكاتب عراقى-كردى ربما تكون ترجمه ذاتيه بها كم هائل من النوستالجيا
الغير موضوعيه طبعا
..وانوى أنهاء رواية "عاليه ممدوح"الغلامة"!! دى مؤنث غلام والا أيه؟؟ ولكنها معقوله لحد كبير..
فاكر الوصيه بأعمال يحى الطاهر وف بالى أن شاء الله..أما عن التدوين فأدى أحنا بنتسلى ياأبو نور..ونتفرج على عجائب الدهر وغرائب الطبيعه..وبالذات مناضلى الكيبورد اﻷشاوس..ولنا حديث مستفيض أن أحيانا الله ةعدنا بالسلامه أو بالندامه من مصر المحبوسه..المحروسه سابقا..تحياتى وخالص مودتى..خالد

عم مينا said...

شكراً يا أبو فارس
أنا أكيد هكلمك قريب جداً لأني فعلاً متشوق للتعرف عليك شخصياً
و طبعاً كتبي كلها تحت أمرك

أبوفارس said...

3m mina
I'll be in Cairo till end of Aug. ISA..Do you need anything from there

المنفي said...

بما انك حكيت عن عزمي بشارة

ممكن ناخد استشارتك

http://nostaliga.blogspot.com/2008/07/blog-post_30.html

ana ga3an said...

اول زيارة لمدونتك
وان شاء الله مش الاخيرة

اخد لفة عندك كدة وبعدين نرجع ناخد الواجب بتاعنا

أبوفارس said...

I am in Cairo for 3 weeks..Finishing few things including my SIN or National No..and this for you who dont Know is "Mission Imposible"..with a forigen wife and few mistakes in my daughter's name..Pls pray for me

أبوفارس said...
This comment has been removed by the author.