Wednesday, October 10, 2007

بطل من زماننا

فى اﻷيام اﻷخيره من رمضان..وذكرى حرب أكتوبر فى القلب والعقل
..أهدانى الصديق زكرياء هديه جميله
..كنت قد كتبت قبلا وأنا أتذكر عن جارين من جيراننا فى مصر الجديده الشقيقان "وسام" و"وائل" عباس حافظ
..وكانا اﻷثنان ضباط فى الجيش أثناء حرب اﻷستنزاف وبعدها فى حرب أكتوبر.
وسام شاب طويل أسمر هادئ يقطر رجوله كان مثلنا اﻷعلى أيامها..أنا وزملائى وجيرانى فى سنين المراهقه حينئذ.
كان من القوات الخاصه البحريه وبالتحديد ضفدع بشرى..وكنا ندرك أنه يقوم بعمليات خاصه خلف خطوط العدو..كلما سمعنا عن عمليه فى أيلات مثلا كنا ندرك أنه شارك فيها.
كانت أمى تضع يدها على قلبها بعد كل عمليه وتظل قلقه تدعو له وﻷخوانه بالسلامه ولاتهدئ حتى أركض للمنزل ﻷقول لها أنى أو أحد أصدقائى قد شاهدنا "وسام".. عاده وهو يتمشى مع كلبته الوولف اﻷسود عسل
بعد الحرب عرفت أنه كان مع البطل الشهيد "ابراهيم الرفاعى" فى مجموعه قتال خاصه..
أقرء هنا
وهنا "وسام" يحكى بنفسه وبتواضع شديد عما فعل
أخوه اﻷصغر "وائل" كان فى الكوماندوز
البحرى شارك فى حرب أكتوبر فى عمق سيناء..وشارك هو ورجاله فى الدفاع عن السويس ومنعوا مدرعات العدو من اﻷلتفاف حول المدينه ..
حكى لى أن أحد جنوده خاض فى المياه قرب ميناء السويس حتىأعلى صدره ومن على كتفه أطلق "آر بى جى" وأغرق لنش أسرائيلى من طراز "الدبور
وأنهم وبشجاع متناهيه سحبوا ألغام بحريه ورصوها حول الميناء لمنع دبابات العدو من التقدم..
حكاها لى بهدوء وتواضع..
أسعدتنى يازكرياء وأبكيتنى..
الفاتحه أن كنت مسلما وصلاه قصيره أن كنت مسيحى لشهدائنا من المصريين مسلمين ومسيحين وأدعو الله معى أن يتغمدهم برحمته.......آآآآآمييين

8 comments:

ابو احمد said...

باح الفل ياأبوفارس
زكريات اكتوبر لاتنتهى
كل سنه وانت طيب لسه الفتره دى عايزه تأريخ حقيقى وياريت الناس اللى عاشت اجواء الحرب واللى شاركت تكتب للاجيال اللى معاصرتش تلك الفتره لانها فتره مفصليه فى عمر مصر والمنطقه باسرها

سـردية said...

عزيزي أبو فارس
لم أقرأ بعد
أنا هنا فقط الآن لأهدائك وأسرتك التمنيات بعيد سعيد
وكل سنة وأنتم بخير

husam shady said...

جميل الكلام عن نمازج زيهم
لكن إللى مش جميل ضياع مجهودهم على يد أخرين
لما كنا فى الطريق لشرم الشيخ ساعات طبعاً فى الطريق
إحساس غريب بأن كل قطعه وكل متر سكب فيها دم لمواطن ما لكن إحساس ابشع إن كل ده راح وسكب فعلاً بلا داعى
لأنهم إشتروا بدمهم الأرض لكن ناس تانيه بكل بساطه باعتها وباعتهم
مبحبش أتكلم الكلام ده
لكن .........
كل سنه وإنتا جيد وسعيد وحر

ابو احمد said...

ك سنه وانتطيب وبخير وبصحه وسعاده

Ossama said...

كل سنة وانت طيب يا دكتور وانت والاسرة الكريمة بخير ان شاء الرحمن
حرب اكتوبر تحتاج تأريخ طويل و اعادة كتابة

علاء السادس عشر said...

عزيزى د/ خالد
عيد سعيد لك ولاسرتك وكل عام وأنت بخير
محبتى
علاء

واحد مصرى said...

د. خالد العزيز
كل عيد و انت طيب و بخير انت و أسرتك وابطال مصر الاحياء منه بخير و الشهداء منه مرحومين بإذن الله و فضله.

شهرزاد said...

كل سنه وحضرتك طيب
والفاتحه على ارواح شهدائنا جميعا