Saturday, October 31, 2009

تانى H1N1

بدأت حملة التطعيم هنا فى أوتاوا ضد أنفلونزا الأتش 1 أن1 وهومجانى تماما فى مراكز منتشره حول المدينه وبالرغم من وجود قائمه بمن لهم الأولويه فى التطعيم تشمل الأطفال تحت سن 5 سنوات والحوامل والمسنين والعاملين بالقطاع الصحى..بالرغم من ذلك هناك تزاحم شديد وطوابير ممتده -بنظام- تحت المطر وفى درجات حراره لاتزيد عن العشردرجات مئويه..لسه التلج ماوصلش ولله الحمد..من ناحيه أخرى أستلمنا فى الصيدليات شحنات من عقار التاميفلو لعلاج فيروس الأنفلونزا ويتم توزيعه مجانا بموجب وصفه طبيه للمرضى...سعر العلبه 10 كبسولات عادة حوالى 50 دولار وطبعا كل المطهرات والأقنعه الواقيه وخلافه أختفت من أرفف الصيدليات والسوبر ماركت..
.حالة ذعر حقيقيه..
فى نفس الوقت نشر مجموعه من الباحثين نتائج دراستهم لأنسجه أكتر من سبعين ممن ماتوا فى وباء الأنفلونزا الأسبانيه سنه 1918وأكتشفوا أن أكتر من تلت ضحايا الأنفاونزا ماتوا من جراء أصابتهم بعدوى بكتيريه مصاحبه لفيروس الأنفلونزا..بمعنى أنه رغم خطوره فيروس الأنفلونزا ألا أنه لايتسبب مباشرة فى قتل المصابين به.. بل يعمل على أضعاف المناعه الطبيعيه للمرضى مما يسمح بحدوث أنواع أخرى من العدوى البكتيريه ..أهم تلك الأنواع هى البكتريا المسببه للألتهاب الرئوى وألتهابات الحلق
الفيروس نفسه قاتل للأفراد ضعيفى المناعه أو المصابين بأمراض مزمنه فى الجهاز التنفسى..شخص طبيعى فى صحه جيده حياخد دور أنفلونزا تتفاوت شدته مابين بسيط ومعتدل فى معظم الحالات -أكتر من 90% من الأصابات حاليا- إلى أصابه حاده تستلزم العلاج بعقار التاميفلو..الأعراض يجب أن تخف حدتها ويشعر المريض بتحسن فى حوالى أربعة أيام..تدهورت الحاله أو أستمرت هناك أحتمال قوى للأصابه بألتهاب بكتيرى
سنه 1918 لم يكن هناك مضادات حيويه فعاله لعلاج تلك الأمراض وهذا هو السبب
المباشر لمعظم الوفيات
قالك أيه أخر كلام فى الموضوع..الوقايه خير من العلاج..ولكن حتى لو أصبت بدور أنفلونزا شديد المفروض ألا يستمر أكثر من أربعه أيام..لو لم يحدث تحسن أو أزدادت الحاله سؤَ لابد من مراجعه الطبيب للحصول على كورس مضاد حيوى محترم
..وهو مابدأت أشاهده هذه الأيام
.بس خلاص ...ولاداعى للقلق الزائد

11 comments:

Iskanderani said...

Helo dear Dr. Khaled,
I am still folowing your Blogg but my arabic keyboard is damaged since a long time, therefore my Absence nowdays from the stage of blogger. God save you. My best wishes for all the family.
Keep it running.
Mamdouh, Solingen, Germany

ابو احمد said...

العزيز خالد
حاله ذعر حقيقى الظاهر الذعر ده برضه بيتنقل بالعدوى زى الأنفلونزا
انا بكتبلك وأنا بعطس متفرقش الموت بالانفلونزا فى القطار فى العباره من القهر كله موت
وألف سلامه ليك وللاسره
تحياتى

أبوفارس said...

سلامات ياباشمهندس ممدوح..كيف حالك وأحوال اﻷسره الكريمه..كله تمام أن شاء الله..وياترى أيه أخبار اﻷنفلونزا عندكم..سمعت فى اﻷخبار كلام عن نوعين م التطعيم للألمان واحد للمسئولين والعسكر والتانى لعامه الناس..!! المحروسه جابتها من اﻷخر وقالك حنطعم اﻷسره الحاكمه والوزراء والناس المهمه..وباقى الشعب له رب أسمه الكريم..!! تحياتى ياعزيزى وصادق مودتى..خالد

أبوفارس said...

سلامتك يامجدى
لازم تشوف الناس هنا..يمكن تسميته الذعر المتحضر..طوابير المنتظرين التطعيم غير طبيعيه..ولكن بنظام..الحكومه بتدى التاميفلو ببلاش للمرضى..والناس بتجرى على العيادات للحصول على وصفات طبيه..زحام غرف اﻷستقبال فى المستشفيات والعيادات لايصدق..الذعر حصل نتيجه ٤-٥ وفيات يقال أنهم من اﻷنفلونزا..وتقريبا التطعيم خلص اﻷسبوع الجاى.. خلاص بح.. أنا شخصيا لم أتطعم وسايبها على الله..ولاالعيال ولا أمهم..شايف أن المواضيع فيها مبالغه..السؤال اﻷن هو ماذا سيكون الوضع لو هناك وباء حقيقى قاتل...تحياتى ياصديق العمر...خالد

Iskanderani said...

Helo Dr. Khaled,
your have got it, it´s wright, there are tow qualities of them,in germany. The magazine "Der Spiegel" found it out and published the news. Skandal!! seem to be like in egypt, but softly not too hard as in egypt. :) :)
I´ll get mein in a few days from my Doctor throw a pointment.

I wish you a healthy and happy time.

Mamdouh, germany

أبوفارس said...

شفت ياباشمهندس الصحافه هى السلطه الرابعه..وهذا هو الفرق..القدره على كشف الأخطاء وتوجيه الأتهامات..وهناك رأى عام يعمل له السياسيون ألف حساب لأن هناك أنتخابات محليه وفرعيه وفيدراليه إذا لم يكن هذا العام فهى العام المقبل..وسيتم محاسبه المخطئ أو من يظن نفسه فوق البشر..وهذا هو الفرق ياصديقى العزيز الذى أراه طوال الوقت هنا ..تحياتى ومودتى..خال

Mohamed said...

Hi Abu Faris,
I don't tend to believe in conspiracy theory at least not in such matters.
I don't think the Canadian government is out there to get its population. I vaccinated my kids, but my wife and myself not yet, simply because they suggest giving priority to higher risk segments of the population.
However the news from Germany is puzzling, I know that there are two versions available one with a certain substance (the normal one produced in large volumes) and one without that substance (produced at lower volumes) I think they suggest the latter to pregnant women etc. I don't know how does this correlate to the Germany issue.
Anyway let's wish for the best,
Regards,
Mohamed

أبوفارس said...

Mohamed
على فكره على النت هناك كام موقع ومقال بيقولوا أن موضوع الأنفلونزا ده كله فعلا مؤامره..والكلام يتنقل مابين جشع شركات المستحضرات الصيدليه الدوليه..ونصل إلى مايشبه مسلسل الخيال العلمى
X Files...
بعيدا عن التخريف ده الأعلام ضخم الموضوع جدا ..فى أونتاريو مات حتى يومنا هذا 37 مريض مأساه طبعا..ولكن فى موسم الأنفلونزا العاديه يموت 10 ألاف كندى من جراء مضاعفات العدوى..أنفلونزا الطيور أكثر فتكا وللأسف يبدو أنها أصبحت متوطنه فى مصر ولازالت تقتل هناك ..بالنسبه لموضوع ألمانيا للأسف ماعنديش معلومات غير ماسمعته فى البى بى سى..وأظنه مختلف عن موضوع المصل المخصص للحوامل والذى لايحتوى على
adjuvant
وهى ماده تضاف للمصل لتسريع أستجابه الجسم وتخليق الأجسام المضاده..وله بعض التأثيرات الجانبيه ويجب تجنبه مع الحوامل لأحتمال تأثيره على الجنين..وربنا يحمى ويشفى..تحياتى..خالد

أبوفارس said...
This comment has been removed by the author.
أبوفارس said...

عفوا الرقم الصحيح هو مابين 3ألاف إلى 4 ألاف سنويا نتيجه الأصابه بالأنفلونزا ومضاعفاتها فى كندا كل عام بموسم الأنفلونزا الأعتيادى فى الخريف والشتاء..تحياتى ومودتى..خالد

حواء said...

الحجاج عندنا فى مصر اخدوا التطعيم وهما خايفين مجبر اخاك لابطل وفى منهم من كتر الخوف اخدوا الشهادة بخمسة وبعشرة جنيه من غير تطعيم ومش عارفين بقى ايه الصح ربنا يستر ويعفوا عنكم وعننا جميعا