Sunday, October 25, 2009

Cairo Time...

كايرو تايم فيلم كندى من أخراج روبى ندا وهى كنديه من أصل سورى تحدث عنه بعض المدونين هنا وهنا
شاهدت الفيلم اليوم مع زوجتى وأحدى الصديقات فى قاعه عرض مخصصه للعروض غير التجاريه
الفيلم خفيف بلا أكروبات لافى السيناريو ولا الأخراج ..ولكن بالنسبه لى كانت مشاهدته ضروريه..فبالأضافه لللأسباب الواضحه كمصرى يعيش فى الخارج من سنوات طويله وحالة النوستالجيا والحنين للقاهره -قاهرتى التى أعرفها -هناك أيضا أنى تعرفت على زوجتى فى القاهره حيث كانت تعمل فى المركز الثقافى الفرنسى..القاهره كانت فى خلفيه علاقتنا..شاهدنا الفيلم وبعدها تذاكرنا سويا الأيام الأولى لتعارفنا..كيف تعارفنا..المره الأولى التى خرجنا فيها معاَ..الحوارات الطويله والمناقشات التى لم تنتهى حتى الآن ..الضحك المستمر وأستغرابها من قدرتى -مثل كل المصريين-على توليد النكته والتلاعب بالألفاظ والأفكار..وإعجابى بثقافتها الواسعه وقوة شخصيتها..كنا نتصعلك فى شوارع القاهره التى لاتنام ونحن نتحدث.. نتوقف لفنجان قهوه على مقهى لايغلق أبوابه ..أو سندوتش بالحسين واحيانا نستمتع بمراقبه شروق الشمس او غروبها عند سفح الهرم...بعدها أدركنا سويا أن مابيننا ليست مجرد صداقه بل حب دافئ..وعلينا الأن أن نعترف أولا بتلك العاطفه الجارفه...وأن نتأقلم مع الفوارق فى الخلفيه الثقافيه... مشاهدة الفيلم كانت فرصه طريفه لنتذكر-ونضحك- سوياً على تلك الأيام الجميله المشحونه والتى لم تخلوا من لحظات غباء وغيره ومجهود حقيقى لنفهم بعضنا البعض
الفيلم يقدم صوره معقوله للقاهره وبه لمسات تعاطف واضحه مع المدينه وأهلها وصوره جيده للمسلمين ويلمس من بعيد أحداث غزه..صديقتنا الفرنسيه أول ماقالته بعد الفيلم "عاوزه أزور القاهره"
**********************
لاأعتراض لى على "ألكسندر صديق"فهو ممثل جيد ورقيق..ألا أن السؤال المنطقى هو مافيش عندنا ممثل بيتكلم أنجليزى معقول يقدر يقوم بالدور ده..؟؟ مجرد سؤال

13 comments:

خمسة فضفضة said...

كان هايكون اكتر واقعيه لو استعانوا بواحد كندي من اصل مصري

كان فيه عمر متولي ممثل امريكي من اصل مصري قام ببطولة فيلم
Rendition
اعتقد ان واحد زيه كان يبقي مناسب اكتر

autoscriptor said...

لو شفتم
The Making of
حتفهموا ليه المخرجة اختارت صديقي. هي شافت ان فيه هارموني بينه وبين باتريشا ودة كان مفاية بالنسبة لها. ومعتقدش قوي انها كانت مركزة على المشاهد العربي أو المصري بصفة خاصة بدليل اتوبيس شرق الدلتا إللي وقفته دورية اسرائيلية على الطريق بين القاهرة وغزة. ولا الطريقة إللي ركبيت بيها الأتوبيس والمنادي بينادي غزة ... غزة زي ما يكون ممكن بالفعل تركب أتوبيس من التحرير لغزة. عمومًا غزة كانت فكرة كويسة خدمت الفيلم لكونها لعبت دور الحاجز بينها وبين زوجها واعطت الفرصة لجولييت وطارق انهم يقربوا من بعض أكتر، لكن بمجرد ما ركبت جولييت الأتوبيس متجهة لغزة وبعدين ظهر الجنود الاسرائيليين حسيت ان موضوع غزة بالكامل تم حشوه في الفليلم لمجرد اظهار التعاطف مع الفلسطينيين وهو ما يدخل الفيلم مباشرة في القضية السياسية على عكس ما فهمناه من مخرجة الفليلم انه يعيد تقديم القاهرة على انها عاصمة للرومانسية في الشرق الأوسط.

على فكرة أنا شفت الفيلم في سينيما
Bytowne
في أوتاوا يوم السبت واعتقد ان كان فيه شوية من المصريين حاضرين وأخدت بالي من اتنين شكلهم كدة متجوزين وسعداء

Ahmed Shokeir said...

بالنسبة لنقطة الكسندر صديق وعدم إختيار ممثل مصري أو كندي من أصول مصرية ، اعتقد ان الإختيار إقترب من تلك النقطة فصديق ممثل من أصل سوداني ولعب أدوار سابقا كان فيها الجانب العربي بارز فقد لعب دور امير عربي في فيلم سيريانا وكذلك دور الأصفهاني في مملكة الجنة .. لم أشاهد الفيلم ولكن التريلر أبرز أنه ممثل جيد ورقيق على حسب تعبيرك
تحياتي وشكراً للإشارة لتدوينتي

Anonymous said...

Hi

First of all I am not here to put you down, but what is the point from your blogg? You just talked nonsense stuff nothing useful. All I feel that you are new rich or the villager who saw the city for first in his life. That is what I see in your posts. Maybe this entire big city thing is new for you. Please write something useful like the challenges you had to face here.


Nour Awad

Anonymous said...

Hi again

Sorry about my first comment, I have misjudged you for I read your 2008 posts which are more interested than 2009 posts, sorry again you are good writer if stay away from your personally life which is so cheesy.

Nour Awad

أبوفارس said...

سؤالى عن الممثل المصرى ينبع من
رغبتى فى رؤية ممثل مصرى ينطلق للعالميه
كما حدث مع عمر الشريف بعد ظهوره فى لورانس العرب..رغم أن الفيلم متواضع على كل المستويات أنما أهى فرصه..
خمسه فضفضه خطوه عزيزه يازميله أنا أيضاَ صيدلى عجوز شويتين..فى فيلمRendition
قام بدور مدير المخابرات العربى ممثل
Yigal Naorأسرائيلى أسمه
قام بعدها بدور صدام حسين
فى مسلسل
House of Saddam

أنتاج البى بى سى شفتى الخيبه يادكتوره
تحياتى ومودتى...خالد
******
autoscriptor...
أيه ده داحنا جيران على كده الفيلم به نقاط ضعف فى السيناريو من ضمنها حكاية الأتوبيس دى والجواب اللى أخدته جوليت من جارتها المصريه..بس أهو محاوله ..أنت شايف الأعلام عامل أزاى عن العرب والمسلمين فلما يجى فيلم ويعرض صوره متعاطفه عنا أعتقد أنه شئ جيد..أنا شاهدت الفيلم يوم الأحد مساءَولم ألاحظ وجود مصريين للأسف..ولكن كان هناك عدد محترم من النساء فى منتصف العمر..ودا كان مثار تعليق وتنكيت من زوجتى
شرفتنى بزيارتك وعسى أن تأتى فرصه ونتعارف ...تحياتى ومودتى..خالد

أبوفارس said...

أستاذ أحمد شقير..مدونتك ياعزيزى من أفضل المدونات على النت..أتابعها بأستمرار رغم عدم تعليقى عندك سوى مره واحده..أتفق معك ومع
autoscriptor
فى موضوع أختيار ألكسندر صديق للدور..وهو ممثل جيد أعجبنى فى دور د.بشير فى مسلسل الخيال العلمى
Star Trek: Deep Space Nine
كما أنه على مستوى شخصى
لى صديق يعمل طبيب هما فى أوتاوا نسخه بالكربون من ألكسندر صديق..وهذا التشابه مثار تنكيت مستمر بيننا..بالمناسبه طلبته بالتليفون ودعوته لمشاهده الفيلم..الطريف أنه هو الآخر أبوه هندى وأمه أنجليزيه..كندا دى متحف فى الأجناس تجد بها كل شئ...خطوه عزيزه أرجو أن تتكرر...تحياتى وصادق مودتى..خالد

أبوفارس said...
This comment has been removed by the author.
أبوفارس said...

Nour Awad...
المفروض أن أكتفى بتعليقك الثانى الذى يمسح تعليقك الخايب الأول..وعادة لاأهتم بأضاعه وقتى فى كلام فارغ ولكنى الليله فى حاله مزاجيه بنفسجيه وأدى أحنا بنتسلى..بص ياشاطر..
أولاَ..لاأنت ولابلدك كمان
can Put me down..
أطمئن من تلك الناحيه ..
المدونه دى فضاء خاص للفضفضه أكتب فيها مابدا لى ..اشرح الأبعاد الفلسفيه لنظريه الكم أو معاناتى اليوميه مع الأمساك
أنا حر.
.تقرء ماأكتب أو لاتقرء أنت حر..تناقشنى فيه أو تختلف معى من الألف للياء بشكل متحضر أهلا بك..أنما تقول لى ماذا أكتب أو أقرء أو أؤمن به..ردى عليك شخره أسكندرانى تهز الحوائط وأحا بأعلى صوتى ..
ونصيحه لوجه الله لاتكتب بالأنجليزيه الضايعه دى تانى..وأكشف على نظرك بالمره ..يالا كفايه عليك كده

11:13 PM

ابو احمد said...

حلوه ياخالد وخلى الاسكندرانى عليا

أبوفارس said...

ماشى يامجدى الأسكندراتى عليك والأحا عليا...ونعملها هارمونى ونقولها بالكورال كمان...عالم تفقع..من مناضلى الكيبورد لمثقفى ملخصات الوكيبيديا ياقلبى لاتحزن...تحياتى وصادق مودتى ياصديق العمر...خالد

Anonymous said...

أبو فارس ردك على الأخ/الأخت نور عواد، لخص بالضبط ما كان يجول في خاطري أثناء قراءة التعليق، مش عايز أعيد وأزيد في حتة إن المدونة دي مساحة شخصية، وحتة إن الأنجليزي بتاع الشخص/الشخصة دة/دي واقع (ومش حجة إن يقولك إني عايش برة مصر وماعنديش كيبورد عربي لأن إحنا برضة عايشين برة مصر وبنكتب بالعربي أهة بالأضافة لأن الحجة خايبة من أصلة لأن كل الويندوز وال OX برضة فيهم عربي وممكن تشتري ديكال بربع دولار وتلزق الحروف على لوحة المفاتيح أو تستعمل الفرتيوال كيبورد)، كل دة مش مهم إني أعيدة تاني لأنة بصراحة كدة هيبقى لت وعجن.....هعهعهعهعهع.
إللي عايز أقولة إن الأصل في متابعة أي مدونة هي المتعة الشخصية والتعرف على ناس أخرى قد تختلف أو تتفق معها ولكن في النهاية الإختلاف لا يفسد للود قضية (بجد مش شعارات فارغة)، ولا يقلل من الأحترام.





Iron Cobra

Anonymous said...

على فكرة أنا شفت التريلر بتاع الفيلم على اليوتوب بس للأسف مانزلش عندنا هنا، والخايب بلوك باستر بيقولي لا توجد معلومات عن التايتل المطلوب، والنت فلكس بيقولي ميعاد الأصدار على دي في دي غير معلوم.
أعمل أية بس يا ربي أهاجر كندا، مراتي هتموت وعايزة تشوف الفيلم.





Iron Cobra