Saturday, October 03, 2009

أوليمبياد 2016

فرحت بفوز مدينه ريودى جينيرو البرازيليه بتنظيم دورة الألعاب الصيفيه لعام 2016 حيث تقام الألعاب لأول مره فى أمريكا اللاتينبه
العالم يتغيير وبسرعه....فوز البرازيل هو مجرد حلقه أخرى من حلقات التغيرات المتلاحقه..من أيام تحول نادى الصفوه من الجى 8 إلى الجى 20 بأنضمام الهند والصين والبرازيل
الأقتصاد البرازيلى اليوم هو العاشر فى العالم مع توقعات الخبراء بتقدمه للمركز الخامس فى العالم بحلول عام 2020
البرازيل بلد أحلى كرة قدم..الموسيقى الراقصه الساخنه.. النساء الجميلات وطابور طويل من الكتاب العظام
قوه أقليميه هامه فى أمريكا اللاتينيه بقيادة "لولا" واحد من أهم قادة العالم بنظره واضحه ثاقبه لدور الأقتصاديات الناميه والعلاقات الدوليه بعيدا عن الحنجوريه والشعبويه
اليسار فى تحالف واسع يضم نقابات العمال والتنظيمات السياسيه المختلفه وحتى روابط الأحياء والمدن وصل للحكم مرتين فى أنتخابات ديموقراطيه وأنجز نمو أقتصادى مذهل وتغيرات أجتماعيه واضحه.
.مدينه شيكاغو الأمريكيه خرجت من دورة التصويت الأولى برغم وجود الحاج حسين أوباما وحرمه ميشيل
ألعالم فى حركه مستمره
ألا حدانا..
.من أيام شاهدت مقتطفات من خطاب القذافى فى الأمم المتحده ساعه ونصف من التخريف والعته...فضيحه بأى مقياس...
وحليت بخطاب الأعمش أحمد نجاتى
وربنا يديم علينا نعمة الغباء والتخلف أما متى ستنظم دوله عربيه الأولمبياد
فحين يشيب الغراب ويحيل التراب
ولاحول ولا قوة إلا بالله

10 comments:

ابو احمد said...

مساء الفل
احنا ننظم دوره اوليمبيه؟
انت مسمعتش عن فضيحه الزباله
اكوام الزباله فى كل مكان تتحدى الحكومه الخايبه والشعب الخاضع الخانع
الزباله فى كل مان حوالين الجوامع تلقى الناس عادى تفرش الحصر بره الجامع وتصلى الجمعه جنب الزباله وتروح
عادى
تحياتى

واحد مصرى said...

و الله زمان يا أبو فارس....مش عارف أقولك ايه و الا ايه....لا تتصور كم السعادة التي شعرت بها عندما شاهدت خبر فوز البرازيل و مدينتها المجنونة ريو .. يمكن علشان هما غلابة زينا....عفوا أقصد كانو غلابة بس فاقو لنفسهم....خلينا احنا مع المعلم فاروق حسني و مغامرته العبيطة بحثا عن رئاسة اليونسكو بدعم من أبط نظام و افشل حكومة في المجرة بتاعتنا....و الا الزبالة اللي بيتكلم عليها ابو أحمد...انا شفتها اثناء زيارتي لمص اغسطس الماضي في كل حتة في الدقي و المهندسين و العجوزة و كافة انحاء الجيزة..يا سيدي سيبك.. المهم انتا عامل ايه يا دكتور

Mohamed said...

Hi Abu Faris,
If there is a lesson to be learned from the example of Brazil and the likes, it will be that democracy does in deed work even with populations that are not "blue eyed blond ", Simply they don't have the indispensable leaders . Also India as you previously proclaimed is another living example, but the importance of the Brazil example is that their revival if you wish started late, i.e in my lifetime , and I lived to see the fruits of that.. I just have some thoughts: Egypt keeps wasting chances :
We started modernization with Japan with Mohamed Ali , but the project was never completed due to many reasons.
We wasted the chance to start with India in the mid 20th century and the second chance to start with Brazil 50 years later..
I wonder if we will ever make it..personally looking at the quality of the masses especially the younger generations "30 and under" in Egypt I can say confidently "NOT IN MY LIFETIME".
Sad conclusion but sometimes facing facts and admitting them is better than living in an imaginary world with unreasonable dreams.
Regards.

أبوفارس said...

أزيك يامجدى..أخبارك أيه..تمام؟؟
أيه ياعم موضوع الزباله ده..
البى بى سى عملت ريبورتاج من حوالى أسبوعين فضيحه مابعدها فضيحه..والمراسل جاب لقطات لأكوام الزباله ف الشوارع والفيران بتجرى حواليها ...وطبعا كان فيه كلام عن الزبالين وماحدث لهم من أسابيع والمصيبه التى تنتظر مصر لما تضربها أنفلونزا الخنازير ...ألخ..ألخ
الزاويه اللى طرحتها فى مدونتك محترمه جدا..المصريين تحاولوا التحايل على المعايش والتأقلم مع الظروف ولكن المواضيع تحولت لنكته سخيفه وأصبح من حقنا الصياح فى وجه كل مصرى..ثور أغضب تخلص من تسليمك لله وخد حقك بدراعك...ينعل أبو كده...
تحياتى وخالص مودتى...خالد

أبوفارس said...

أزيك يابوبس..وحشنى ياراجل..فينك ياعم..وأين أنت على النت..البلوج بتاعك عنوانه أتغير وألا أييييه الموضوع..زهقت ورفعت الرايه البيضا يامينفعش يابطل..أنت راجل رياضى وعارف كده...تزهق شويه وتلعن ابو الدنيا وتبطل تتابع أو تكتب بس زى حالاتى كده ترجع تانى وتقول "بدلا من لعن الظلام فلنشعل ولو لمبه نمره خمسه"
واحشنى والله يابوبس..
*******************
تعرف أيه أكتر حاجه لفتت نظرى فى موضوع فاروق حسنى واليونسكو...؟؟ شماته المصريين أو معظمهم ع الأقل فى فشل الترشيح..أنفصال تام بين نظام الحكم والشعب بل العداء..منظر شماته المصريين فى حريق مجلس الشورى ..بالله عليك شعب ونظام حكمه على هذا العاء تنميه أيه وميه طرشى إيه اللى بنفكر فيه...تحياتى..سلامى للمدام والبنوته...خالد

على باب الله said...

انا كمان فرحت للبرازيل ، مش شماتة في أمريكا لكن حباً في البرازيل اللي داست على زرار التربو و شكلها كده ها توصل

واحد مصرى said...

أبو فارس العزيز
و الله انتا كمان واحشني ...بصراحة أنا فعلا زهقت و في لحظة عدمية رحت لاغي البلوج كله...بافكر أكتب فيه تاني...أما بالنسبة لفاروق حسني و سبب شماتة البعض و تندر البعض الاخر فأنا اتصور ان الجميع ينظر له باعتباره أحد وزراء هذا النظام الجائر الذي أهدر كرامة مصر و شعبها و جعلها تقف في المنطقة الرمادية وراء الزمن و الحضارة...و من ثم كانت شماتتة المصريين نوع من التنفيس عما يشعرون به من قهر


سلامي للأسرة....هاخاول أشوفك في مصر ...دمت بخير

أبوفارس said...

Mohamed...
أنا-وأظنك مثلى-أتذكر البرازيل كأكبر دوله مدينه فى العالم..ومعظم دخلها يذهب لسداد أقساط الدين الضخم وفوائده فى دائره مغلقه لاتنتهى..وكله تحت إشراف صندوق النقد الدولى..وحكومات متتاليه من العسكر..وفساد وفشل كامل..أنتهاكات لاتنتهى لحقوق الأنسان ومعتقلات..وذلك رغم الثروات الطبيعيه الضخمه..هذه كانت البرازيل...الصراع الأجتماعى بها كاد أن يؤدى لأنفجار حقيقى..الخروج من المأزق كان من خلال الديموقراطيه المسئوله..ومشاركه الناس العاديه..انا شخصيا أحبذ تجربه البرازيل وشيلى عن حنجوريه شافيز الذى يذكرنى بعبد الناصر..وربما هذا سبب أعجاب عدد كبير من الناس فى شرقنا الأوسط التعيس به
أما أننا حنلحق نشوف حركه وتغيير حقيقى ف المحروسه..فللأسف أملى يتضائل يوميا فى ذلك..سعيد بتعليقك ومتابعتك..تحياتى ومودتى...خالد

أبوفارس said...

على باب الله...
هناك فرصه تاريخيه سانحه الأن..الأمبراطوريه الأمريكيه تترنح ويمكن فى كل أقليم أن تظهر قوه أقليميه تضبط الأقليم حولها مصر يمكنها ذلك فى إقليمها..نظريا على الأقل..ولكن الموضوع يحتاج شعب واعى وقياده محترمه والأهم نظام ديموقراطى شفاف..أقصر طريق للقضاء على الفساد هو الديموقراطيه..القدره على محاسبه أكبر راس ف البلد..لو حطينا ملايكه وقديسين فى النظام الفاسد الموجود حاليا سيفسدوا هم الآخرين...هو أنا مش شمتان فى الأمريكان عشان راحت منهم الدوره..أنا فرحان أن العالم بيتغير حوالينا وبسرعه...نحياتى ومودتى..خالد

أبوفارس said...

بوبس..النت والتدوين مش حايغيروا العالم..أعتقد أنها مجرد وسيله تعارف متقدمه..يعنى بدل ماأنا وأنت وأبوأحمد نتقابل ع القهوه كل أربع مثلا..أحنا بندردش ونتحاور ونتعرف على بعض رغم المسافات وأختلاف التوقيت..وبالمره ياسيدى بننقل لبعض تجاربنا..وسيله للتواصل ...جميل..يالا شد حيلك وأحكى لينا ماهى آخر قراءاتك ...تحياتى وخالص مودتى...خالد