عن خالتى عن ستى.....

وضع طريف فعلا مايحدث فى مصر ...

كل ماأحاول أبص على مدونه أو منتدى أعرف الناس بتفكر أزاى أو بتتناقش ف ايه أقع على مناقشه فقهيه من الوزن التقيل .... آيا كان الموضوع هوب يقلب عنعنه..." عن خالتى عن ستى رضى الله عنهما قالوا....."قالوا أيه مش مهم ...المهم التوثيق ....أو أفتى اﻷمام ماأعرفش مين وقال....واﻷمام ده ماااااات وشبع موت من يجى الف سنه وشويه.... ولو طلع من قبره وشاف علبه كبريت-ماقلتش عربيه أو طياره مجرد علبه كبريت - ياحيطب من طوله ويموت من هول الصدمه العصبيه ...يايفتى بأن أستعمال علب الكبريت حرااااام.. وبدعه.. ومؤامره فارسيه صليبيه لهدم اﻷسلام ...
والطريف ف الموضوع أن اللى واخدينها فتاوى دول ماعندهمش فكره عن البطيخ معظمهم طلبه جامعه - اذا كان ممكن نسمى اﻷشياء الهلاميه اللى ف مصر دى جامعات- ومعظمهم أقصى مكان ذهب أليه شمالا هو محطه الرمل ف أسكندريه....
ويقعد وينجعص كده ويقولك الغرب المنحل والغربيون المتهتكون....
واﻷسلام هو الحل جاك حل وسطك مش لما تعرف تفك الخط تبقى تتكلم ...

اﻷظرف لو حد زنقهم شويه يعترف ببجاحه "أصل أنا مش فقيه يعنى أو ماعنديش فكره واضحه عن الموضوع..."طب ماتنسد وتسكت....

كل فسل من دول قرأ كتابين ﻻ ثالث لهما ...وسمع خطبه شيخ أجهل منه من شيوخ الغبره ...أو كاسيت فيه واحد بيصرخ على أعلى صوت... خلاص فهم أسرار الكون ومش غايب عنه حاجه...

وأصبح من حقه يكفر ده ويبارك لده ويمسك الكيبورد وأديها...ا

لشيعه كفره...

بابا الفاتيكان آهان الاسلام...الغرب المتهتك وأمراض الحضاره الغربيه...

والحجاب...الحجاب...

وتانى....... عن خالتى عن ستى ....... عن خالتى عن ستى.....