Fifa U 20هوامش على

٨ مباريات من بطوله العالم لتحت ٢٠ سنه كانت هنا فى أوتاوا

المجموعه الخامسه وتصم اﻷرجنتين بنما كوريا الشماليه وجمهوريه التشيك..باﻷضافه لمباره البرازيل والولايات المتحده نيجيريا وزامبيا فى الدور الثانى ثم اﻷرجنتين والمكسيك فى ربع النهائى..

مهرجان كروى محترم..

الدوله العربيه الوحيده اللى شاركت كانت اﻷردن وخرجوا من الدور اﻷول ولم يحرزوا أى نقطه..فلو كانت تلك البطوله هى أستشفاف وتنباء بالعشر سنوات القادمه فأظن أن على العرب عموما نسيان أى أنجازات أو أمجاد كرويه لفتره طووويله قادمه..

رغم أن أمريكا الشماليه مالهمش فى كره القدم..ألا أن الحضور فى أوتاوا كان غيرطبيعى "مافيش مقعد واحد فاضى فى أى مباراه ةاﻷستاد يسع حوالى ٣٠ألف متفرج..!!

الطريف أنى حضرت بعض مباريات نفس البطوله فى جده سنه ١٩٨٩ وطبعا كان هناك مقارنه بين البطولتان..

أستاد جده جزء من مدينه رياضيه متكامله حديثه وجميله بناها الكوريون فى زمن قياسى -أمال مين اللى بناها يعنى-!!!

.. أسمها "مدينه الملك فهد الرياضيه".. أمال حايكون أسمها أيه ياعنى ولكنى لاأتذكر أن كانت اﻷسلاميه أم لا..وتقع خارج جده بشويتين..

أستاد أوتاوا أصغر وأقدم ومحندق علىقد مدينه تعداد سكانها مليون بالعافيه..ويقع وسط المدينه وبناء عليه كنا نركن السارات فى جامعه كارلتون ونركب أتوبيسات للأستاد..فى منتهى النظام والتحضر..الخروج بالسياره من أستاد جده كان كابوس يستمر حوالى الساعه..

الجمهور يبدء فى تشجيع فريقه من مواقف السيارات..أنا كنت رايح أتفرج وأستمتع الواد فارس كان بيشجع اﻷرجنتين بحماس غير طبيعى لابس فانله "ماسى" وشايل علم اﻷرجنتين حتى ف المباريات التانيه..

فى جده بالعافيه وافقوا على دخول النساء المباريات فى الدرجه اﻷولى فقط..وباقى اﻷستاد رجاله وبس..أظن هناك فارق كبير بين حضور مباراه وحولك ذكور وحشه لابسين جلاليب بيضا كلهم وكأنها حفله طهور جماعيه..وبين أن تجلس محاط بشقراوات التشيك..وسمراوات بنما والمكسيك..أو الكوريات الرقيقات وحسناوات اﻷرجنتين..فى مباراه البرازيل أكرمنا الله بجو دافئ جميل وتكفلت مشجعات البرازيل برفع درجه حراره اﻷستاد للغليان..!

شويه كوره بقى..

.أعتقد السنوات العشر القادمه ستشهد سيطره أرجنتينيه فريق اﻷشبال أكثر من رائع..أهم لاعبيه اﻷن فى برسلونه وغيرها من فرق أوربا

أمريكا رغم خروجهم المبكر قدموا مباريات قويه أمام بولندا وأمام البرازيل وهى أحدى المباريات التى شاهدتها..

ورغم تفوق اﻷمريكان لعبا ونتيجه كان الجمهور متحيز وبشده ضدهم..!!وده فين.. هنا ف كندا ..أمال لولعبوا فى تركيا مثلا حايحصل فيهم أيه..؟؟!

محامى أسمه "نبيه الوحش" قدم بلاغ للنيابه ضد ساويرس وهانى جرجس فوزى...حلو

وزعم البلاغ ، أن فوزي قام بإنتاج وبعرض وتوزيع أفلام سينمائية مدعومة بأموال ساويرس، "، تصور النساء المسلمات على أنهن عاهرات ورجالهن بأنهن يقومون بأدوار قرني والديوث على حد تعبير البلاغ.

واعتبر أن هذه الأفلام تكرس الفتنة الطائفية وتحارب الحجاب وتنشر الشذوذ، ومنها على سبيل المثال لا الحصر "عفاريت الأسفلت"، "استغماية"، "علاقات خاصة"

http://www.almesryoon.com/ShowDetails.asp?NewID=35751&Page=6

أما المصرى اليوم فنشرت أن أحد المحامين -وهو مسلم بالمناسبة - قدم بلاغا ضد الشيخ "محمد حسان"..!! , يتهمه بإزدراء الدين المسيحي إذ ينعت الإنجيل _في شريطين بعنوان تحريف الإنجيل و قصة الصلب _ : بالكتاب الجنسي الذي يتقزز منه و يخاف لو إطلعت زوجته على ما فيه من مشاهد ساخنة و أن به كلام أقذر و أخطر من كتب السوق الجنسية...إلخ

واعتبر أن هذه الشرائط تكرس الفتنة الطائفية

و

فى التحقيق مع القرآنين سألت نيابه أمن الدوله "المتهمين" أن كانوا يصلوا السنه..!!؟؟

http://www.almasry-alyoum.com/article.aspx?ArticleID=66087

. واﻷهلى غلب الزمالك تانى..ولا عاشر..الله أعلم

حاجه سورياليه خالص..جزء من اللوحه اﻷكثر سورياليه فى شرقنا اﻷوسط السعيد..

مشكلتى أنى أدور فى دوائر لاعلاقه لها بهذه الخزعبلات..

فى اﻷسابيع القليله الماضيه..حضرت دوره تدريبيه بحكم المهنه..كصيدلى أعمال مره أو أثنان كل أسبوع فى عياده لعلاج اﻷدمان..

سيبك من الدوره نفسها..

نقاش جاد وحاد أندلع بين الحاضرين أثناء الغدا حول الماريجوانا ومعقوليه تجريم حيازتها وأستعمالها..

وجهه نظر مع التجريم تقول باﻷرقام..أن الكنديين أعلى نسبه من مستخدمى الماريجوانا فى الدول الصناعيه تقريبا أربع أضعاف الدول اﻷخرى..يزيد على ذلك أن نوعيه الماريجوانا المستخدمه فى كندا أقوى من أى بلد أخر ﻷحتوائها على نسبه ٢٠% من المواد الفعاله "كانبينول ومشتقاته"...

وتلك مشكله حقيقيه..

أنبرى طبيب يفند ذلك بتأكيده أن اﻷضرار الصحيه للماريجوانا أقل بكثير من الدخان العادى وبالتأكيد من الكحول..والتكلفه اﻷجتماعيه لمدمنى الكحول أكبر بكثير منها لمستعملى الماريجوانا..

أخر ركز على أن لوبى صناعه الكحوليات -المقبوله أجتماعيا فى الغرب-وراء تجريم الماريجوانا..

وفى حاله كندا..فأمريكا تضغط وبشده ضد أى محاوله للسماح بأستعمال الماريجوانا بشكل علنى..ليه..؟؟

دى كانت جديده عليا..

المجتمع اﻷمريكى يستعمل جرائم حيازه وأستعمال الماريجوانا كأحد ميكانيزمات قمع اﻷقليات من سود وهسبان..!!٤٠% من السود والهيسبان فى المجتمع اﻷمريكى حلوا ضيوفا على السجون بأشكالها المختلفه ولمدد متفاوته..أكثر التهم شعبيه هى حيازه أو اﻷتجار بالماريجوانا..

أنا طبعا بأسمع وأتفرج وفكرت..الناس دى تستطيع مناقشه أى شئ ولاتخشى اﻷختلاف ولاتجرم بعضها البعض حين تختلف...

.ومساء الفل..!!

بالصدفه جائتنى دعوه لحضور جلسه لمناقشه مشاكل العماله المؤقته فى كندا..وطبعا رحت..مش ندوه بالظبط هى زى محاوله تجميع وتنظيم ﻷشكال مختلفه من المجتمع المدنى والمهتمه بالمشاكل التى يقع فيها العمال القادمون بشكل مؤقت للعمل فى كندا..

مش مهم أتقال أيه!!؟؟

مالفت نظرى أولا هى الجديه الشديده فى مناقشه الموضوع..من كافه الزوايا..النقد الحاد اللى وجهه البعض للحكومه..والبرلمان المتقاعس..والبيزنس اللى بيستغل العماله القادمه..

ومعظم المتحدثين كنديين مريحين ومتطوعين ماحدش جاى كجزء من وظيفته..ولاحياخد مليم على الحضور بالعكس البعض جاى من بعيد وضارف من جيبه لحضور التجمع ده..

الجديه واﻷهتمام وسعه اﻷفق يغلفها أحساس عميق بالتضامن وكراهيه الظلم..

Kill or Cure..?!?!?

من كل العنف والعك والقتل الذى أشاهده كل يوم فى اﻷخبار أتابع بكثير من الهلع والهم واﻷشمئزاز ماحدث منذ أيام فى

لندن

http://news.bbc.co.uk/2/hi/uk_news/6256386.stm

الروايه الرسميه تدعى أكتشاف

سيارتين محملين بأنابيب غاز ومسامير للتفجير فى حى المسارح والملاهى فى لندن بالقرب من ميدان بيكاديلى الشهير ...

بعدها بساعات هجوم أنتحارى غبى على مطار جلاسكو بسياره مفخخه -تانى- بأنابيب الغاز

http://news.bbc.co.uk/2/hi/in_pictures/6257388.stm

المخططين والمنفذين أطباء مسلمين

يدرسوا فى أنجلترا حسب الروايه الرسميه..والتى أرجو من أعماق قلبى أن تكون خاطئه..ولكن الشواهد حتى اﻷن

عكس ذلك..

عمليه أرهابيه تستهدف مدنين فى قلب لندن..كارثه..

السيارات محمله بأنابيب الغاز ﻷحراق الضحايا بالقرب من السيارات..أجرام..

مسامير حاده ﻷصابه أكبر عدد من الماره..مصيبه..

المخططين والمنفذين "أطباء مسلمين"..مش لاقى تعبير أحطه ...

أى طبيب لابد شاهد ضحايا الحروق فى أى مستشفى..وقد شاهدته بنفسى..منظر من أشد المناظر ايلاما على النفس..

أحد المقبوض عليهم طبيب أردنى يدرس جراحه اﻷعصاب..يعنى عارف تأثير المسامير حين تخترق مخ أنسان أو عموده الفقرى..ولكنه شارك فى التخطيط والتنفيذ..!!

هناك خطوط حمراء لايجب تخطيها فى أى صراع واى حرب..

لو صحت الروايه الرسميه تلك المؤامره تخطت كل تلك الخطوط..أطباء قتله..بأنابيب غاز ومسامير..

مهنه الطب فى ألمانيا لازالت حتى يومنا هذا تعانى من تورط بعض اﻷطباء اﻷلمان فى ممارسات النازى سواء فى معسكرات اﻷعتقال أو من خلال التجارب الطبيه على اﻷدميين التى قام بها البعض..

من سنوات حين كنت أعمل مع شركه "جروننتال" اﻷلمانيه للأدويه حضرت دوره تدريبيه معهم..

أحد المحاضرين كان طبيب

..فى حوار سريع دهشت حين أخبرنى أنه لم يشارك فى الحرب العالميه الثانيه لأنه كان صغير السن "وبالطبع لم أعمل فى أى من معسكرات اﻷعتقال" كذا بالنص..

على الجانب اﻷخر "أسرائيل" الدوله المزعومه واللقيطه والعنصريه وكل الكلام المجعلص ده..

لديها واحده من أفضل مستشفيات الميدان فى العالم

Israeli Field Hospital جوجل

كده وشوف هم عاملين أيه..

أول من يصل الى مناطق الكوارث الطبيعيه..من الهند لكوسوفو من تركيا لسيريلانكا ...وكل معسكرات اللأجيئن فى أفريقيا

ولديهم بعض أفضل مستشفيات اﻷطفال فى العالم يعالج فيها حتى أطفال اﻷرض المحتله ضحايا رصاص الجيش اﻷسرائيلى !!!!

دعايه...!!!

طبعا أمال لوجه الله..

المهم الدعايه السكر اللى عملها لنا أطباء لندن المحترمين..!! ولله اﻷمر....

من تمنطق فقد تزندق

أثارت فتوي الشيخ صالح الفوزان، عضو هيئة كبار العلماء، عضو اللجنة الدائمة للبحوث العلمية والإفتاء بالسعودية

بتكفير الليبرالين

جدلاً واسعاً بين علماء وشيوخ الأزهر، الذين انقسموا بين مؤيدين ومعارضين للفتوي.
وانتقد الدكتور منيع عبدالحليم محمود، عميد كلية أصول الدين سابقاً، أستاذ التفسير وعلوم القرآن بجامعة الأزهر، فتوي الفوزان بشدة، وقال: هذا الهجوم الدائم والدائب من علماء السعودية، علي جميع الاتجاهات الفكرية، سواء كانت ليبرالية أو صوفية أو غيرهما من المذاهب الفكرية، هو نتاج «الفكر البدوي»، الذي يتمثل في الوهابية القديمة السلفية الجهادية، والوهابية الحديثة التي تشمل المضمون نفسه، ولكنها تغلف نفسها بغلاف يحاول اجتذاب الشباب.

أما الدكتور محمد رأفت عثمان، أستاذ الفقه المقارن بجامعة الأزهر، عضو مجمع البحوث الإسلامية،

فقال: إن القاعدة في مثل هذه الأمور أن كل من ينكر صلاحية الشريعة، لتنظيم حياة الناس في جميع أنواع سلوكهم وأنشطتهم، سواء في مجال العلاقات الأسرية أو النشاط الاقتصادي أو السياسي أو الثقافي فإنه يكون منكراً للإسلام.

ووصف الشيخ علي أبوالحسن، مستشار شيخ الأزهر للفتوي المسلمين الذين يتبعون الليبرالية المعاصرة ويقلدونها باعتبارها نوعاً

من التقدم، ولكنهم لا يتبعون أفكارها بأنهم مسلمون مخدوعون لم يخرجوا عن الملة.
نص الخبر من جريدة "المصرى اليوم

......

كده أنا شخصيا رحت ف ستين داهيه..يسارى..علمانى..أرتدى الجينز..أشرب الجعه -البيره يعنى وياسلام لو ألمانى

عضو ف جمعيه محبى نانسى عجرم..غاوى شطرنج..وبألعب كوره مرتديا "شورت".. عاشق لفيروز..وأسمع كافه أنواع الموسيقى..محب للجمال..أسعد لرؤيه فتاه جميله ..وزملكاوى..واحده بس كافيه ﻷخراجى من المله والضرب بالصرم..حطهم على بعض أستحق الموت شنقا من صباع رجلى الصغير.

......

يأخى ملعون أبوكم واحد واحد من الفوزان للجربان لعديم اﻷسنان..فقهاء الفته والثريد وبوس أقدام الحكام..

.

.

مصطلحات سياسية جديدة

الدستور

هو الشئ الوحيد اللى كلما يتعدل..البلد يتعوج اكتر

المواطنة

ان توطن نفسك على انة مفيش فايدة

خطاب الرئيس

كلام يكتبة شخص ليقراة شخص اخر

على اشخاص يعرفون ان شخصا اخر هو الذى كتبة

لكنهم يصفقون للشخص الذى يقراءة

مجلس الشعب

هو الهيئة التى تساعد الحاكم لكى يجلس على الشعب
التحديث

السياسات الحكومية التى تؤدى الى جعل المواطن يمشى فى ربوع الوطنوهو يتحدث مع نفسة

التعددية

حرص نظام الحكم على ضمان تعدد الفترات الرئاسية للحاكم

بحيث يستمرفى الحكم حتى يعدد الناس علية

سيناء

شبة جزيرة حررها المصريون بدمائهم

ليمنعوا الاسرائليين من التجول فيها بالملابس العسكرية

ولتسمح لهم اتفاقية كامب ديفيد بالتجول فيها بالمايوهات

قانون الطوارئ

القانون الذي يسمح للحاكم باعتقال من يشاء كلما طرأ ذلك على بالة

العصيان المدنى

خروج المدنيين لاعلان رفضهم لسياسات الحكومة

قبل ان يضربهم الامن المركزى بالعصيان

الصراع الطبقى

صراع الشعب من اجل ازالة الحاكم الذى طبق على نفسة لعشرات السنين

سياسة الإ عتدال

قيام الحاكم بالاعتدال على العرش فى نهاية فترتة الرئاسية

لكى يبدأ فترتة الرئاسية الجديدة

الترشيح

الفلتر الذى لابد من استخدامة للتمكن من عصر خيرات البلاد حتى اخر قطرة

اقرار الذمة المالية

تقديم المسئول الحكومى عند بداية شغل منصبة اقرارا

يؤكد فية ان ذمتة انتقلت الى ذمة الله

الكسب غير المشروع

قيام الحاكم بكسب رزقة من نهب اموال المشروعات الحكومية

من غير ان يركز على مشروع واحد بالذات

التضخم

الحالة التى تصيب الشعب بعد ربع قرن من ضربة على قفاة

العدل

عدل المواطن حتى يأخذ على قفاة بشكل مريح لمن يضربة

السواد الاعظم

هو السواد الذى يشوفة الشعب

الذى يسكت معظم ابنائة على استبداد وفساد حكامة

تطوير التعليم

العمل على جعل كل طالب مصري طور في برسيم.

سياسة التقشف

تجويع الشعب الى ان يتقشف جلدة

اعادة الهيكلة

توفير كل الضمانات الامنية والسياسية لعدم ترك الحاكم لعرش السلطة

الا وهو هيكل عظمى

السيدة الفاضلة

السيدة التى تفضل هى وزوجها فى الحكم لاكثر من ربع قرن

حزب الاغلبية

الحزب الذى يذيقك الغلب والذل وتعيش تحت حكمة اغلب فترات حياتك

الانجازات

المشروعات التى تفتتحها الحكومة ويضخمها اعلامها لحد الناس ما تجيب جاز

العالم التالت

العالم الذى يتم فية توريث الحكم دون ان يجرؤ الشعب على قول تلت التلاتة كام

الانفراد الصحفى

انفراد بلطجية الحكومة بالصحفيات لهتك اعراضهن على سلالم نقابة الصحفيين

النظرية النسبية

النظرية التى ابتكرها اينشتاين

وطبقها شخص اخر بتشكيل الوزارة من مجموعة من النسايب


__._,_.___

الصيف فوائده أكثر من أن تحصى

لازلت أخرج متعكزا على عصاى..أدور فى منتديات..بارات..ومكتبات أوتاوا..وكما قال اﻷستاذ ياسر ثابت "الصيف فوائده أكثر من أن تحصى "...

أحداها لقاء اﻷصدقاء..حول شراب..وكلام وحديث..

ونظرات وآهات وحسرات..

فالصبايا ملئن الطرقات كاسيات عاريات ..

ضاحكات ممازحات..

تاركات فى القلب لوعه وفى النفس شوق وحنين..

أو كما قال صديق شاعر سودانى رقيق؟؟

رغم النوى وزاجرات الهو- ‏

الغاديات.. الضامرات

?أم الخيزران نحيل

‏الفاتنات.. الآسرات

هل للتعري بديل؟

‏صبايا أوتاوا..

‏يا صديقي المقرور

أذبن الثلج بالسعرات

وخَلَفْنَ الكيّ بالحسرات

وعبرن الماء

وشفيعك للهوى بلور

ومحض ثياب

ومحض شعور

وقلبك في ريش اليمام يرف.

.‏أنظر حواليك..

‏الصبايا يجلن من نوءٍ ‏‏ إلى أنواء

يحتسين الضوء في ولّهٍ

‏‏ واستعداء.

‏صبايا أوتاوا..

‏يا صديقي المقرور

تجاوزن الهوى المألوف

يغازلن الجليد صفوف

ويغزلن الجوى المندوف

بالقفزات والهمسات والغمزات

وما يُخفين أو يُبدين من صبوات

فهدهد قلبك الثاوي

‏على ريش اليمام

واسفح دمعتين

‏على قرابين الهيام.‏

من ناحيه أخرى ألتهم عدة كتب دفعه واحده..تدور كلها فى أطار علوم الوراثه والبيولوجى..وأنا أتجنب تماما سماع

اﻷخبار أو الدخول على مواقع أخباريه على النت..فكل اﻷتى من الشرق هم والواحد مش ناقص غم..

لعل أهمهم بالنسبه لى كتاب

gen.e.sis

By Robert M. Hazen

خللى بالك من التلاعب لاعنوان كلمه

genesis

على بعضها هى سفر التكوين فى العهد القديم تقسيمها حولها ألى حوار حول نشاءه الحياه على اﻷرض وهو يقدم شرح جميل وأن كان مرهق عقليا لنظريه

Emergence

لاأدرى أن كان لها ترجمه عربيه بعد

http://en.wikipedia.org/wiki/Emergence

أبسط أمثلتها أذابه بعض الصابون فى الماء..كميه قليله يظل الماء صافى وشفاف بزياده كم الصابون المذاب تتعكر المياه ولو مررنا تيار هواء فى المحلول تتكون فقاقيع صابون(؟) هذا هو

Emergence

لنظام جديد من محلول أو سائل لنظام آخر..

حاجه كده زى المقوله الفلسفيه الماركسيه عن تحول التراكمات الكميه الى تغيرات كيفيه بس بشكل أكثر تعقيدا...

ومن هذا ألى كتاب

Richard Dawkins

"The Blind Watchmaker"

أخيرا حصلت عليه بالعربيه من الصديق العزيز علاء (السادس عشر) وباﻷنجليزيه من مكتبتنا الحبيبه وأقرءه باللغتان شوف اﻷفترا.. وهناك

The Impact Of The Gene

و

The Double Helix

..بقائى فى المنزل ﻷيام طويله سمح لى بمعاوده القراءه المنظمه فى موضوع واحد كما كنت أفعل أيام الشباب..ولايسعنى ألا ذكر أساتذتى اﻷفاضل فى صيدله القاهره من علمونى جازاهم الله خيرا

شئ يستحق التفكير ومحاوله التفسير..

قائمه الكتب اﻷكثر مبيعا واﻷكثر قراءة فى أمريكا الشماليه تحتوى عدة كتب تلفت النظر

فى المركز اﻷول كتاب

God Is Not Great

By Chrestopher Hitchense

http://www.slate.com/id/2165033/entry/2165035/

فى المركز الثالث كتاب

The GOD Delusion

By Richard Dawkins

وبينهما كتاب أل جور

http://en.wikipedia.org/wiki/Al_Gore

نائب الرئيس اﻷمريكى السابق

The Assault On Reason

http://en.wikipedia.org/wiki/The_Assault_on_Reason

ألهجوم على العقل.. أو.." بتصرف أهانه العقل"..

هذا الكتاب لم أقرءه بعد ولكنه فى خطه قراءات هذا الصيف..

الكتاب اﻷول هجوم ساحق على أديان الشرق اﻷوسط والثالث هجوم على فكره اﻷله فى كل تجلياتها..

أيه الجكايه..؟؟

أذا أستبعدنا نظريه المؤامره والخوف من الصحوه اﻷسلاميه ومايشبه ذلك من أوهام نجد أنها هجمه مضاده على تزايد حجم ودور اﻷصوليين فى كل الديانات بما يمثلوه من خطر على المجتمع المدنى العلمانى فى أوربا وأمريكا.. سيبك م الشرق دلوقت..

اليهود اﻷرثوذكس يعرقلوا أى محاوله تسويه سلميه للقضيه الفلسطينيه متمترسين فى مستعمرات اﻷرض المحتله ومحتمين بوعد الرب ﻷبراهيم بأرض المن والسلوى..ومتحالفين مع ملايين اﻷصوليين المسيحين فى الولايات المتحده

بالذات.

ودول كل همهم عوده المسيح بعد معركه أرماجاندون وليذهب العالم الى الجحيم المهم هناك عشره ألاف مؤمن فقط من حوالى سته مليارات هم اللى حايطلعوا مع المسيح للجنه..

هناك طبعا تنويعات على تلك الحكايه أسمعها أحيانا فى قداسات أيام اﻷحد يلقيها دعاه اﻷنجيليكان وماأكثرهم..

ظل الموضوع بالنسبه لى نكته حتى ألقانى حظى فى نقاش مع أحدهم..

شوف تناحه وغباء اﻷصوليين اﻷسلاميين بتوع أرضاع الكبير وطهاره بول الرسول أضربها ف عشره..

كم من الغباء واللاأنسانيه وكره البشر لم أره فى حياتى مغلف بآيات وتفسيرات من اﻷنجيل وبالذات العهد القديم لاأدرى من أين جاؤا بها..

حط على كده أخوانا الأصوليين اﻷسلاميين ورغبه الشيعه فى عوده المهدى المنتظر وسعيهم ﻷمتلاك القنبله الذريه..كده أحلوت..

ناس كتير فعلا أصابها الفزع..وبدأت هجمه مضاده على كافه المستويات..

حين حاولت الخصول على نسخه من

God Is Not Great

وجدت نفسى رقم ٢٢٧ فى أولويه أستعاره الكتاب من المكتبه..؟؟!!؟؟ .

إختارلك موتة حلوة

إختارلك موتة حلوة
عاوز تموت شهيد ؟

ياتعدي شارع فيصل ....... ياتسوق على الدائري بالليل

عاوز تموت م الجوع ؟

ياتتجوز بنت حلوة غاويه نيو لوك .ياتسافر تعمل شوبينج في لبنان

عاوز تموت م الحسره ؟

ياتتفرج على جلسات مجلس الشعب ....يا تتناقش مع ابنك في القيم والأخلاق

عاوز تموت م الغيظ ؟

ياتتفرج على افلام اليومين دول......... ياتتفرج ع قنوات الفيديو كليب

عاوز تموت م الزهق ؟

ياتدخل على النت من التليفون .... ياتستنى دورك في عيادة الدكتور الكبير من غير واسطة

عاوز تموت من الهبل ؟

ياتسمع الأغاني الشبابية .......... ياتسمع برنامج شبابيك في دريم

عاوز تموت مخنوق ؟

ياتروح تجدد رخصة العربية ......... ياتتفرج على الفضائية المصرية

عاوز تموت مفروووس ؟

ياتتفرج على اعلانات التليفزيون . ياتتفرج على ستار اكاديمي

عاوز تموت مرعوووووب ؟

ياتسأل على سعر الشالية في مارينا ....... ياتروح تحلل المياة الى بنشربها

عاوز تموت مشهور ؟

ياتغني وصوتك وحش ............ ياتعمل نفسك سفاح المعادي

عاوز تموت مليونير ؟

يا تدي دروس لثانوية عامة ............. ياتنتج فيلم لهيفاء وهبي

عاوز تموت ورا الشمس ؟

ياترشح نفسك في انتخابات الرئاسة ............ ياتشتم في الحزب الوطني

عاوز تموت متنكد ؟

ياتتفرج على قناة الجزيرة ....... ياتحاول تفهم إيه إلى بيحصل في العراق

عاوز تموت م الحزن ؟

ياتفكر في أفضل وسيلة للإستفادة من مرتبك... ياتقنع ولادك بالمذاكرة والتفوق

عاوز تموت ف حالك ؟

بطل تعترض على البالي بالك
__._,_.___

شوف أزاى

قالك أيه

..."أيدت محكمة استئناف مصرية السبت 9-6-2007 حكما بالغاء قرار الجامعة الامريكية في القاهرة منع باحثة منقبة من دخول مبناها."

"وقالت المحكمة الادارية العليا في أسباب حكمها الذي صدر اليوم ان "ارتداء النقاب يدخل في دائرة المباح شرعا ولا يجوز الحظر المطلق لارتداء النقاب."

وأضافت "يجوز الزام المرأة المنقبة بالكشف عن وجهها متى اقتضت الضرورة ذلك.""وقالت المحكمة ان كشف المنقبة عن وجهها يكون أمام احدى بنات جنسها أو لمختص تعينه الجامعة من الرجال."

مالم تقله المحكمه الموقره..هل مفروض أن يكون هذا الموظف الرجل راضع من ثدى أختنا المنقبه ٥ رضعات مشبعات أم نكتفى بأخصائه وخلاص..

http://www.alarabiya.net/articles/2007/06/09/35323.html

5 - مصري يحب الصحابه

اليابان خنجر في خصر الامه02/06/2007 م، 06:23 مساءً (السعودية) 03:23 مساءً (جرينتش)

انا زرت اليابان وتحديدا هيروشيما وناجازاكي وطوكيو..نسأل الله السلامه رأئت الشذوذ والخواء الروحي والانحلال الاخلاقي ..رأئت شعبا بعيد كل البعد عن المحجة البيضاء ليلها كنهارها وعن الشرع المطهر...نساء ينمن مع الوسائد...ورجال يشربون الخمر .ويلعبون الميسر ويأكلون لحم الخنزير الذي حرم الله ..لامساجد ولا دور عباده ..نساء كاسيات عاريات يملاءن الشوارع والشواطي ويلبسن البكيني الذي يضهر مفاتن الجسد.......صحيح اللي اختشو ماتو
تعليق فى العربيه على خبر

http://www.alarabiya.net/articles/2007/06/02/35089.html
البيه راح لحد اليابان وده كل اللى ربنا فتح عليه به...ماسمعش أنهم تانى أقتصاد فى العالم فى ظرف تلاتين سنه فقط لاغير بعد ضربهم

بالقنابل الذريه...وبعدين هو رايح يبصبص ويعاين ولا أيه بالظبط..؟؟

مزيكه

جااااااى..

..فاضى ومافيش حاجه أعملها لساعات طويله...ألف على الشبكه العنكبوتيه..مدونه تسلمنى لمدونه ومنتدى يرمينى على منتدى..

وكل شويه أخرج من بيت جحا ده وأرجع ﻷرض الواقع بدايات القرن الواحد وعشرين..ﻷن اﻷغلب اﻷعم من المهاترات على الشبكه حول مسائل أًُُصطلح على تسميتها دينيه..

وهى خليط من حكاوى العفاريت ..وصراخ مهابيل..أو ترهات عالم خلعت عقولها وماشيه حافيه..

كل ماأخاف على نفسى..أرجع أقرء شويه فى كتاب

HUMANKIND

A Brief History

لمؤلفه

Felip Fernandez-Armesto

http://en.wikipedia.org/wiki/Felipe_Fern%C3%A1ndez-Armesto

أو

IDEAS

A History from fire to freud

Peter Watson is the author of Ideas: A History from Fire to Freud. He describes the history of ideas from antiquity to the present day. He reveals the links that travel down through the ages, from religion to science to the arts.

والكتابان خرجوا من المطبعه هذا العام..تخيل مش القرن التانى الهجرى ولاحتى السادس..حاجه طازه..ولايتحدثوا عن أرضاع الكبير ولاطهاره بول الرسول ولارجم القرده الزانيه..؟؟!! ولله اﻷمر..

وكماهو واضح من العناوين الكتابان ممكن نعتبرهم فى اﻷنثروبولوجى وأن كان التانى أقرب للتأريخ ...وهما يتحدثان عن عالم تانى خالص نعيش على تخومه ونراه يبحر مبتعدا عنا..حتى مصطلح متخلفين لاينطبق علينا اﻷن..أن تتخلف عن الركب يعنى أنك تسير بسرعه أقل مما يسير بها الناس اﻷخرون ولكننا محلك سر..وفى معظم اﻷحيان نتحرك للخلف..ده أسمه أيه متراجعون..يمكن!!

أعتقد صادقا أن عدونا اﻷكبر هو أنفسنا ومنظومه قيم عفنه ومشوهه تشكلت وتكلست لدينا عبر قرون وهى عنصر التدمير الذاتى اﻷقوى واﻷخطر فى ثقافاتنا وحياتنا بشكل عام..
تهيس...

اﻷمير بندر بن سلطان لهف هبره محترمه من صناعه السلاح البريطانيه لزوم تسليك مشروع اليمامه..تونى بلير قال للشعب البريطانى طنش تعيش ولاكأنكم شفتوا حاجه..اﻷمير المذكور هو أحد مهندسى أرسال المجاهدين العرب ﻷفغانستان ..وهو الممول الرئيسى من خلال أل الحريرى لأنصار اﻷسلام والاهو أسمهم أيه دول بتوع مخيم نهر البارد..نحتفل بالذكرى اﻷربعين لحرب اﻷيام السته أو النكسه..بوتين زعق فى أجتماع التمانيه الكبار زعقه عنتريه خوف السايب والمتكتف,,ياخوفى ياصاحبى ليكون أبطال طهران أحد أوراق المساومات والصراع اﻷستراتيجى الكبير الذى ظهرت ملامحه...بنوك أوربا المركزيه رفعت سعر الفائده لوقف موجه تضخم أرسلتها زياده أسعار الواردات الصينيه نتيجه رفع قيمه اليوان أمام الدولار اﻷمريكى..بلبع فيتامين "د" ألف وحده يوميا ﻷنه يحمى من ٦٠% من أنواع السرطان أهمهم سرطان البروتساتا للرجال والثدى للنساء...السناتورز فريق أوتاوا للهوكى خسروا كأس ستانلى أمام فريق أناهيم اﻷمريكى وبالرغم من ذلك خرج أمس عده ألاف ﻷستقبالهم أستقبال اﻷبطال..فقد وضعوا مدينتنا على خريطه العالم.....؟؟؟!!!!؟؟؟؟؟

رهين المنزل

جراحه بسيطه فى الركبه اليمنى ألزمتنى المنزل لمده أسبوع حتى اﻷن لاأخرج وحركتى محدوده ﻷقصى حد..مشيت على عكازين لعده أيام ..واﻷن أتوكاء على عصا سوداء شيك..

أنام فى الدور اﻷرضى حتى لاأتسلق السلم..أخبرتنى زوجتى أنها تسمع صوت عصاى تدب على اﻷرضيه الخشبيه للمنزل فتتذكر كابتن أهاب وهو يتحرك على سطح سفينته فى موبى ديك..أظن "جريجورى بيك "كان هو الممثل فى اﻷنتاج الهوليودى للروايه...

وطبعا الواد فارس كل شويه يخطف العصايه ويعملها سيف أو حصان..أن تكون لك أبنه تلك نعمه من الله.. ساره تعاملنى كطفل صغير تجرى لتحضر كوب ماء أو تسندنى - رغم عدم أحتياجى-عند الحركه..حاجه ظريفه..

حدش ياخد الواد فارس العفريت ويدينى بدله بنت حنينه زى ساره وحأدفع الفرق والله..؟؟!!؟؟

الجراح وطبيب التخدير معرفه..حيث يعمل الثانى فى أحد المراكز الطبيه التى أعمل أحيانا بها كصيدلى..دار بيننا الحديث اﻷتى

-Hi..I know you..you are the Pharmacist in ****medical centre

-Yes I am

-Good..so you'll get your knee fixed today

-Hope so

-Don't worry everything will be OK

-I know

-Dr S***is a good surgeon

-OK Mr....

بص فى الملف بتاعى وسألنى بتردد

-Mohamed..!!

-That's my middle name my first name is Khalid

-Khalid..?

-Yep

مش أسكت

ﻷ ...لازم اللماضه

-You look surprised

-This means you're a Muslim

-Yep

-OK

-No really tell me why you look surprised.??

- You don't look like a Muslim...I mean you don't act like one..

الراجل ياحول الله أحتاس.. أنا فاهم هو عاوز يقول أيه.. بس الجماعه الكنديين مؤدبين قوى وزى مابيقولوا هنا

Politically Correct

http://en.wikipedia.org/wiki/Political_correctness

-I understand what you say

-you came to our Christmas Party

-Yep

-And danced with your wife

-Yep

-And joined...what's her name..??

-Natalie..??

-Yes, Natalie you sang with her..

-Yes I did

ناتالى دى ممرضه من أصل روسى وشاركتها فى الغناء فى حفله الكريسماس مع أن صوتى وحش جدا ..حاجه كده زى صوت "نجيب الريحانى" لما كان عامل أستاذ "حمام" فى غزل البنات..بس مشيت كنا بنغنى راسبوتين ودى مش محتاجه تطريب ياعنى

-So you are a bad Muslim..singing and dancing

-I think a lot of Muslims will agree with you..!!

-They are wrong..you're OK

حقيقى والله مش عارف أسعد بالكلام اللى قاله والا أحزن...

طبعا أى كلام عن اﻷهتمام أو الرعايه اللى وجدتها فى عمليه بسيطه زى كده حايزعل بعض اﻷصدقاء ويقلب عليهم المواجع فلاداعى..

حاجه واحده بس..

بعد الجراحه بيومين أتصلت بى أحدى الممرضات من المستشفى للسؤال وتقديم النصح لو عندى أستفسار كجزء من المتابعه

من ضمن ماسألتنى كان تقيمى ﻷداء موظفى اﻷستقبال وممرضات غرفه اﻷفاقه وهل كانوا متعاطفين معى وعاملونى بود وأحترام وأن كان لى أى شكوى أو أقتراح لتحسين الخدمه فى المستشفى...

على فكره دى مستشفى حكوميه ١٠٠% والعلاج فيها مجانى ١٠٠% لم أدفع مليما فى الموضوع كله..من كشف ﻷشعه ﻷشعه مقطعيه لتحاليل لفحص شامل قبيل العمليه للعمليه نفسها للمتابعه بعدها كله ١٠٠% مجانا...

كده أقدر أقول أن شقله الفلوس اللى بأدفعها ضرائب مابتروحش فى الهوا

صبايا أتاوا

الصيف بدء فى أوتاوا أن كانت درجات حراره تتراوح بين الخمشتاشر والخامسه والعشرين ممكن نسميها صيف..اجدع م الشتا يأى حال ..

.وهذا يعنى الخروج من المنزل لقاء اﻷصدقاء فى حفلات شواء..

أو اﻷفضل الجلوس فى الشمس أحتساء البيره المثلجه -بأنواعها- ومراقبه بنات أوتاوا...

أهم رفاق هذا النشاط الصيفى كان صديق سودانى خفيف الظل شاعر وقاص جميل.."مصطفى..." أو درش كما كنت أسميه ...أتى هذا الصيف وقد أنتقل الى "هاملتون " على بعد يجى خمسمايه كيلو متر من هنا وتركنى وحيدا..

وقد أثارت موجه حر- ٢٥ درجه بحالهم-.. ذكريات الجلوس سويا النقاشات التى لاتنتهى ...البيره المثلجه من أنحاء الدنيا....واﻷهم البصبصه على البنات من كل اﻷجناس واﻷلوان

وبحثت عن قصيده كان نشرها عن نشاطنا هذا ووجدتها...

صديقى مصطفى تحياتى شيرز

صبايا أتاوا

لا يخفن البرد !

أرى اجسادهن

في فوضى عبور

حين يشير مصباح المرور

الاخضر

نحو ثلج !

صبايا اتاوا

لا يخفن البرد

ولا يقرن على الثياب

كمثل دأبك

واهنا مقرور !

فخذ خلاّ نجيم القطب

واسأل بوحه الفضي

عن سر السرى في القر

صبايا أتاوا

لا يخفن البرد

تأملهن، تحت تمايز الأنواء

صدر مساء

يصافحن انهمار الندف

بلورا

بما يبدين من صفو

ومن فرح

(وما يخفين غير بهاء)

فيصّعّدن صبوا فوق هدر الريح

بالضحكات و الغمزات و الأهواء !

صبايا أتاوا

لا يخفن البرد

جمال ينتقي حلل الجليد

لمهرجان أول الشتاء

وأنت، أنت محض شهيد

يكفكف ....دمعة استحسان!

مصطفى مدثر

أتاوا

شتاء2003

ثرثره عن النيل

صحيفة الجارديان نشرت تحذير بيكيت -وزيره الخارجيه البريطانيه - من خطورة التغيرات المناخية وعدم العمل لتقليل اﻷنحباس الحرارى.

وقالت إن التغيرات المناخية ستخلق عصرا جديدا من الصراع حول الماء والموارد النادرة الأخري.

وأضافت بيكيت- في كلمتها أمام مؤسسة "رويال يونايتد للخدمات" في لندن، "إن الصراع المدفوع بأسباب مناخية في طريقه إلي أفريقيا" مشيرة إلي أزمة دارفور.

ومن أهم ماقالته بيكيت في كلمتها إن النيل قد يفقد ٨٠% من تدفقه إلي مصر بسبب التغيرات المناخية، مضيفة أن مصر مهددة أيضا بارتفاع منسوب مياه البحر وغرق أجزاء من دلتا النيل، وهي قلب الزراعة المصرية، مما سيؤدي

إلي تشريد ٢٠ مليون مواطن، وتهديد الاستقرار الداخلي في البلاد، وزيادة التوتر مع جيرانها الجنوبيين

وفي مصر، كذب الدكتور محمود أبوزيد، وزير الموارد المائية، ما ذكرته وزيرة خارجية بريطانيا مارجريت بيكيت، حول التغييرات المناخية ، مؤكداً أن لها أهدافاً سياسية بحتة، ومعتبرا" أن معظم الدول التي تدلي بهذه التصريحات حاليا، لا تريد الاستقرار لمصر". !!!!!شوف أزاى...

.ولكن مع تزايد التحذيرات وتقارير اﻷمم المتحده خرج علينا "عالم" مصرى أخر الدكتور حسن عامر، مستشار وزير الموارد المائية والري،الذى أفتى بعدم دقة تصريح بيكيت مشيرا إلى أن "أجهزة الوزارة تتوقع انخفاض موارد النهر بنسبة تتراوح بين ١٠ و٢٠% في أسوأ الاحتمالات."

ياسلام ١٠-٢٠% فقط....!! وحتى لو صح ذلك فاﻷمر يهدد بكارثة فعلا...

خاصة وأن الدكتور عامر يقول في سياق التدليل على عدم صحة التصريحات البريطانية " إن النماذج الرياضية التي اعتمدت عليها وزيرة الخارجية البريطانية، لا تعطي نتائج مؤكدة بنسبة ١٠٠%، ولكن تعطي احتمالات قد تكون صحيحة وقد تكون خاطئة"!

وبناء عليه هناك أحتمال تيجى معانا كده ومايحصلش حاجه..ويقولك دكتور

....!!!

على جانب أخر هناك تحركات واسعه فى دول حوض النيل وشبكه جديده من التخالفات تتم لمواجهه الوضع القادم..أقصى مارأينا فيها أنها مؤامره تقودها أمريكا وأسرائيل طبعا..حتى تصريح وزير مسئول فى الحكومه لم تخرج عن هذا..رغم أنه وزير تكنوقراط غير مسيس..ولكنه اﻷستسهال أو اﻷستهبال...

.
ومع الأخذ في الاعتبار أن مصر ليست أكثر البلدان المرشحة للتضرر من الكارثة البيئية المقبلة، فكل ما سنخسره هو أراضي محافظات الدلتا فحسب، المرشحة لأن تغمرها مياه البحر المتوسط !

فقد أشار تقرير صادر عن الأمم المتحدة إلى أنه من المحتمل أن ترتفع مستويات البحار لتغرق المناطق الساحلية وأقاليم دلتا الأنهار الكبيرة في جنوب وشرق وجنوب شرق آسيا.

وأوضح التقرير عواقب ذلك التغير بما في ذلك خسارة نحو 20 إلى 30% من أنواع الكائنات الحية المعروفة،

ومواجهة نحو سدس سكان العالم نقصا في المياه بحلول نهاية القرن الحالي.
١,٨ مليار أفريقي سيواجهون نقصا في المياه بحلول عام ٢٠٨٠ وقد تنخفض المحاصيل الزراعية بما يصل إلى ٩٠% بنهاية القرن الحالي وتنتشر أمراض خطيرة مثل الملاريا في المناطق المرتفعة الآمنة حاليا. كما سيواجه الملايين من سكان القارة مخاطر زحف مياه البحر على اليابسة في المناطق الساحلية وسيهدد خطر اﻷنقراض أكثر من ربع الكائنات

الحية فى القاره.

سقف التشبع السكانى لمصر ٢٠-٢٥ مليون نسمه فقط لاغير الباقى زياده فى حاله حدوث كارثه عالميه تؤدى الى غرق بنجلاديش وجزر أندونيسيا ومناطق شاسعه فى جنوب شرق أسيا لن يهتم أحد بأنقاذ كام مليون مصري وهناك مئات الملايين مهددين فى أنحاء العالم..

.

ياترى المصريين بيعملوا أيه ..؟؟

وايه المواضيع اللى شاغله مايسمى بالرأى العام..

http://www.almasry-alyoum.com/article.aspx?ArticleID=62653

بلاش ...المعارضه التى وصلت لمجلس الشعب بالدم ...

http://www.almasry-alyoum.com/article.aspx?ArticleID=62736

هيه دنيا....

والكيمى كيمى كا والكيمى كيمى كوووووووووووووووو

حدث فى استاد القاهره

قال دبشليم الملك لبيدبا الفيلسوف


حدثنى يا عبقرى العباقره .. عما حدث فى استاد القاهره ..
قال بيدبا يا مولاى ...
احتفالا بالاعياد المئويه ... الاهلى قال حنجيب الفرقه اللى هيه ...
سنستضيف فريق برشلونه يا ولاد.. كى نستعيد ذكريات الامجاد..
أمجاد الفاتح العربى طارق بن زياد ...
سنلاعب فريق برشلونه العتيد .. ونلقنه درساً كما فعلنا مع ريال مدريد ...
وزحفت كل الجماهير ...الصغير قبل الكبير ...
زحفا الى الاستاد...كى يشهدوا عودة الامجاد ...
بعد أن دفعوا دم قلبهم...ليعبروا للاهلى عن حبهم...
فالتذكره أم 25 جنيه...اشتروها ب 300 من ولاد الإيه ...
ليثبتوا للعالم أن أفقرنا مليونير...واننا شعب مش فقير ...
وكل اللى بيتقال ... تهجيص وكلام عيال...
واننا فى أموالهم طمعانين... واننا شعب من البكاشين...
احترفنا الشحاته...بكل غلاسه وتباته...
إذ كيف نكون جعانين وعريانين ... ثم ندفع لبرشلونه الملايين..
كى يحضروا ويرقصونا ساعه...ثم بعد ذلك نشكو من المجاعه .
المهم يا مولاى بدأت المباراه الساعه 9 ونص...وكل الجماهير عينيها بتبص...
فرأت فريق الاسبان يجيدون الكر...
اما لاعبينا فلا يجيدون الا الفر..
برشلونه يلعب بكل المهاره ... فاصبحت له الكلمه والاداره...
أمام لاعبين لا يصلحوا الا للتعليق فى محلات الجزاره ...
الاسبان لاعبونا بدون تنطيط...وكانهم معجونون بمية عفاريت...
أما لاعبونا فلم يجيدوا إلاَّ التشليط ...والوقوع والسلبطه... امام حركات الجن والعفرته..
للاسبان الذين هزمونا باقل مجهود ... وكانهم فى تقسيمه والاهلى مش موجود...
اللهم الا حركه أو اتنين..بس لمجرد خزى العين...
لقد اظهرنا الاسبان على حقيقتنا...وهزمونا بهدوء فى داخل بيتنا...
واضحكوا العالم على خيبتنا...
فقد اثبتوا لنا بكل البراهين..أننا مش فالحين...إلا فى المهيصه والتهجيص
واننا عباره عن حبِّة جواميس...نبرطع فى الملعب كما الحمير..
لا نعلم من فنون الكره القليل أو الكثير...
فهذه هى الكره المصريه...رائدة الكره الافريقيه...أمام الكرة الاوربيه...
فَرقٌ بين السما والارض...بعد ما اتشرشحنا بالطول والعرض..
وظهر الجهبذ جوزيه على قده...أمام الخنفس ابو شعر ريكاردو...
ولم يرفعنا رؤسنا يا صاح ... إلاَّ الحكم عصام عبدالفتاح...
الذى ادار المباراه بمهاره...ولم يلتفت لاى حركه او اشاره...
لكى يجاملنا ولو بضربة جزاء...تعيد لوجوهنا بعض الدماء...
فقد عرفنا بالامس اننا فرق محليه...لن نصل ابدا للعالميه...
طالما سرنا على سياسة على الله الشفا...حنفضل طول عمرنا من الفرق المقشفه..
وهنا صاح دبشليم أسكت يا بيدبا..بطنى بتكركب كركبه...
وقل لى ايه العمل...وهل هناك بصيص من أمل...
قال بيدبا الحال ينصلح يا مولاى..اذا بطلنا الحديث عن الماضى وفكرنا فى الجاى ...
أمجادنا صنعوها الاجداد...فماذا فعلنا نحن لمستقبل الاولاد...
يجب ان نسلم كل أمورنا للمتخصصين...الذين هم على إدارتها قادرين...
وليس لمحترفى الكلام والنصابين الذين اصبحوا بين عشيه وضحاها من أصحاب الملايين..
وهذا ينطبق على كل حياتنا ... ونترك التفاخرقليلا بما فعله أمواتنا...
فهؤلاء الاسبان اقل فى الحضاره...ولكنهم اكثر فى المهاره ..
وكذلك كل أوربا...سبقونا ونحن ما زلنا نقول هيلا هوبا...
يا مولاى ما حدث فى استاد القاهره إنذار...للكبار والصغار...
هبُّوا من غفوتكم الطويله...الحاله اصبحت منيله بستين نيله

ورانا أيه...وراااانا أيه

ICE HOCKEY

http://en.wikipedia.org/wiki/Ice_hockey

هو اللعبه اﻷكثر شعبيه هنا فى كندا فهى أختراع كندى صرف لعبها أهل البلد اﻷصليين من قرون ومن كندا أنتشرت لباقى أنحاء العالم.. لعبه

سريعه.. عنيفه اﻷلتحام الجسدى فيها يصل لحد العراك..

لاأتابعها عاده ولكن هذا العام وصل فريق مدينه أوتاوا حيث أسكن الى نهائى كأس ستانلى وهو اﻷهم فى أمريكا الشماليه والعالم بالتالى..فريقنا المحلى أسمه "السيناتورز" فأوتاوا هى العاصمه الفيدراليه لكندا و مدينه البرلمان بمجلسيه والحكومه..وبالتبعيه فاﻷسم مناسب جدا للفريق..وصول السيناتورز للنهائى أشعل المدينه حماسا ووجدت نفسى أنضم للجماهير..

شاهدت المباره اﻷخيره والتى أوصلتهم للنهائى فى أحد البارات الرياضيه مع مجموعه من الزملاء..

وكانت أضافتى للقعده هى قياده التشجيع على الطريقه المصريه فى مباريات كره القدم من "هيلا هوبه" الى صقفه اﻷهلى الشهيره "تك تك تك تت تتك" مما أثار حماس الشباب وعجبتهم حكايه الصقفه أم رتم دى..وميت تأكيد أنى

أرجع أتابع النهائيات معاهم

ومن الهوكى للضرائب

يجعل كلامنا خفيف عليهم ...هذا العام أعمل كصيدلى حر.. بمعنى أنى لاأدفع ضرائب من المنبع بل فى نهايه السنه بعد خصم مصاريفى منها... وهذا -نظريا على اﻷقل- يضمن لى دخل أعلى من العمل كموظف فى أحدى الصيدليات التابعه لشركه عملاقه

فأنا أتنقل بين عده صيدليات ومراكز طبيه ولاتوجد لى وظيفه ثابته..

الحاصل مفروض أدفع شقله فلوس ضرائب ...وكانت نصيحه المحاسبه التى قامت بأعداد اﻷقرار الضريبى أن أدفع دفعات تحت الحساب حتى لاتأتينى غرامه واضطر لدفع الضرائب باﻷضافه للفوائد..

وﻷنى لأزالت أعانى من شئ شبيه بالصدمه العصبيه التى أصابتنى حين سعيت ﻷغلاق الملف الضريبى للوالد بعد وفاته رحمه الله وأضطريت أتعامل مع مصلحه الضرائب المصريه ..

وقبلها مع وزاره الشئون اﻷجتماعيه قبيل هجرتى النهائيه من مصر...

فالموضوع أحتاج أستعداد نفسى وأستشاره مجانيه من صديقى د.وليد "طبيب نفسى" ع التليفون..

أستعنت بالحى الذى لايموت وقريت سوره الرحمن وماتيسر من قصار السور..وطلعت على أحد مكاتب مصلحه الضرائب الكنديه حاملا كفنى على يدى..

وبدون دخول فى التفاصيل اللى مش فاكرها قوى ﻷنى كنت شبه مسطول م الخوف..

فى خمس دقائق والله العظيم وبرخصه القياده والرقم القومى فقط دفعت دفعه تحت الحساب وتم أعداد جدول لدفع الباقى مباشره من حسابى ف البنك مجدوله على أقل من مهلى...

وقالت لى الموظفه المبتسمه ..!!

كان ممكن تعمل كل ده أون لين ومافيش داعى تتعب نفسك وتيجى ..!!

حد والنبى يلحقنى بطاسه الخضه...

لمزيد من المعلومات برجاء قراءه ماكتبه صديقى واحد مصري بخفه دمه المعهوده حول ملحمه أستخراج شهاده ميلاد

أبنته ربنا يخليهاله

http://wahidmasry.blogspot.com/2007/05/blog-post.html

.......

العيال المراهقين هنا فى كندا زيهم زى كل المراهقين فى أوربا وأمريكا حاجه أخر بوظان مافيش أخلاق ولاتربيه ياأخى...

كلام أسمعه من من بعض الناس وبالذات المهاجرين الجدد ساكنى الجيتو من عرب ومسلمين..

تجربتى الشخصيه تتناقض تماما مع اﻷكلشيه ده... أعمل مع بنات وأولاد فى الثانوى أو الجامعه... وأراقب عن قرب أبنتى وأصدقائها فى تعاملاتهم اليوميه وتصرفاتهم... ووجدت أنهم على قدر عالى من الجديه والمسئوليه...

ساره مثلا تعمل منذ شهور بعد أن أتمت السادسه عشر فى الويك أند كل سبت وأحد فى محل لبيع الملابس وكل زملائها وأصدقائها أيضا يعملون.. فى مطاعم.. محطات بنزين.. أو سوبرماركت

وكلما دخلت أحد تلك اﻷماكن أجد واحد أو واحده من زملائها أو أبناء الجيران يقوم بخدمتى أو يحمل مشترياتى للسياره...

فى أخر أحصائيه خرجت هنا عن المراهقين -من ١٥ حتى ١٩ سنه-أن حوالى ٧٥% منهم يعمل لبعض الوقت وأن متوسط ساعات العمل اليومى للمراهقين فى كندا هى اﻷعلى فى الدول الصناعيه...

ست ساعات ونصف مدرسه يوميا ...ساعتين تقريبا دراسه وواجب منزلى... ساعه ونصف عمل بأجر... نصف ساعه عمل بدون أجر سواء عمل تطوعى فى المجتمع المحلى أو أعمال منزليه ..بمجموع فى المتوسط عشر ساعات وشويه يوميا ويقولك بايظين وأخلاقهم نص لبه

تحياتى لكل شباب الوطن الجالسين على المقاهى ممسكين بمبسم الشيشه

...

ع الصبح كده وأنا بأوصل الواد "فارس" للمدرسه لقيت نفسى عايز أسمع

Dark Side of The Moon

http://en.wikipedia.org/wiki/The_Dark_Side_of_the_Moon_Live

للبينك فلويد...

أدور على سى دى مافيش.. بأقلب قى الراديو لقيت محطه أف أم فى برنامجها الصباحى والعاده يكون خفيف وفرايحى كده لتنشيط الناس اللى رايحه الشغل وبناء على طلب أحد المستمعين بتلعب

Dark side

ياخبر أسود منقط ف أسود ...ده مين أبن الكئيبه زى حالاتى كده ع الصبح ...وياترى أحتمال أنك تفكر فى أغنيه من كام مليون أغنيه تطلع لك من الراديو أول ماتلمسه كام ف الميه

.....

مايفقعنيش ياأخى ألا اﻷستنطاع واﻷحكام المطلقه بلا أى سند ولا تدقيق ولاتمحيص.

.مناقشه مع أحد المعارف هنا عن العك اللى شغال حدانا.. وحد الحرابه.. وأرضاع الكبير.. والبيعه العمريه وأخيرا

بمناسبه القتال فى معسكر نهر البارد فى لبنان

فتوى ماأعرفش مين طلع بيها أسمها التمترس..قالك أيه أن المقاتلين يمكنهم التمترس -يعنى يعملول دروع بشريه- بالمدنيين ولو أدى ذلك "ﻷستشهاد" مدنين فى حرب ضد الكفار... كذا

وتدحرج الحوار ﻷهميه الدين..

وبثقه شديده قال لى

أن المجتمعات المتدينه أكثر تحضرا من غير المتدينه..؟؟!!

قلت له أثبت

أحتاس

قلت له أثبت لك أنا العكس..؟

؟قاللى قول

مافيناش من زعل.

.ياعم قول..

هناك دولتان فقط فى العالم أساسهم دينى أسرائيل كدوله يهوديه وباكستان كدوله مسلمه ..أسرائيل مش محتاجه كلام دوله فاشيه عنصريه ونهايتها زفت

باكستان بها اﻷن حرب أهليه مكتومه وستنفجر قريبا..

.أمريكا بها أعلى نسبه جرائم فى الدول المتقدمه من قتل ﻷغتصاب لسرقه باﻷكراه رغم أن ٧٠% من اﻷمريكان يقولون أنهم مؤمنين وبها أعلى نسبه من المترددين على الكنائس فى العالم الغربى كله..فى حين أن ٨٠% من

اليابانين ملحدين أو لاينتموا ﻷى ديانه بها أقل نسبه عنف فى الدول المتقدمه واعلى نسبه أنتحار..

الصين أكبر دوله فى العالم وأسرع أقتصاد فى النمو دوله بلا دين كما نعرفه نحن

الدول التى على رأس قائمه اﻷمم المتحده فى التنميه البشريه كلها دول علمانيه لادينيه..

.أكمل ولاكفايه كده أخش ع الدول اﻷسلاميه والا نخللى الطابق مستور كما يقال.

قٌصدك أننا مفروض نتخلص م الدين..

ماقلتش كده..أنت قلت فرضيه بدون دليل أنا بأرد عليها كده ممكن يكون هناك معنى للحوار أنما المطلقات دى مالهاش معنى وهناك عوامل عده لتقدم المجتمع أنا- وغيرى كثيرين- يروا أن الدين- أى دين- ليس أحدها ..

ولاأظن أنه سيأتى لبيتنا فى جلسه الشواء القادمه...

هوامش

العقليه الفقهيه تنطلق أساسا من النص..
النص المقدس الخالد العابر للزمان والمكان
وعمليه التفكير الفقهيه هى القياس أو هى رد الفروع الى اﻷصول ..من خلال عمليه ذهنيه هى السبر والتقسيم..وبالتالى فالعالم كما تراه تلك العقليه الفقهيه هو عالم محكوم بنص..
والنص -أى نص- محدود باللغه والظرف التاريخى وحتى الحجم..وميكانيزم التفكير الفقهى هو المقاربه وليست المطابقه..
وبمرور الوقت وتعدد القضايا يتحول العالم الى عالم أفتراضى موازى ومقارب للعالم الحقيقى يشقيه اﻷجتماعى والمادى..وأظن هذه هى المشكله التى أدت الى أنفجار العقليه الأسلاميه وليس فقط أغلاق باب الأجتهاد...
المنطق الشكلى -منطق أرسطو- كان أخر أضافه للعقل العربى ولكن الغزالى كمدشن لموت العقل العربى فككه من منظومه متكامله الى أداه قياس بسيطه وهو منهج تفكير عتيق اﻷن وبخاصه بعد التطورات العلميه الحديثه..
وحتى المنهج الجدلى..رغم تماسكه أصبح غير كافى لفهم العالم اﻷن..عالم النسبيه ونظريه الكم التى تعتمد على داله اﻷحتمالات...وهكذا أعتقد أن العقل العربى بتركيبته الفقهيه خارج نطاق الزمن والعصر مهما حاولنا وبالتالى كل هذا المجهود هو عبث وأضاعه للطاقه والوقت..ونظل ندور فى حلقات وحوارات دائريه ولانواجه العالم كما هو توطئه للخروج منه ربما قرب نهايه هذا القرن ولكن تلك قصه أخرى
تركب حكايه النص دى على حوار مدونه عمرو عزت الماراثونى ..
وعلى حوار بن عبد العزيز حول صحه البيعه العمريه
وتركب أيضا على حوار الصديق خفيف الظل واحد مصرى مع الكمودينو بتاعه..حول أرضاع الكبير
http://wahidmasry.blogspot.com/2007/05/blog-post_18.html
...
وسأحاول جاهدا أن أقمع نفسى وأبلع كميه التنكيت واﻷفيهات اللى جت على بالى لما قريت التدوينه
وعشان تحلو أحد اﻷصدقاء دلنى على لينك برنامج تليفزيونى يناقش الموضوع..
النص صحيح لاشك بمقياس أهل الحديث ولكن حتى صحه النص لاتكفى ﻷعماله ﻷن الوضع تغير..
محاوله سجن الواقع فى لحظه يحكمها نص مهما كان مقدس لاتصلح والتمسك بها -اللحظه والنص المرافق- هى وصفه أكيده للخروج من التاريخ..
وأظن هذا هو الحادث لدينا..ولازلت ألح أمامنا مهام هرقليه على كافه المستويات أما أن نكون أهلا لهذا التجدى أو الفناء..والعداد بيعد..سرعه رتم الحياه وسرعه التغير اﻷن على كافه المستويات تعطينا ربما ﻷواخر هذا القرن لاأكثر...وبعدها...نأجرها مفروشه... ...

حوار دائرى أخر

حوار دائرى أخر....

https://www.blogger.com/comment.g?blogID=16875349&postID=8831384982059066196

تخش من مطرح ماطلعت على رأى أراجوز الليله الكبيره..

تلك المره عن حد الرده..

مفهوم الأله الغاضب الكاره للبشر أحد منطلقات هذ الحوار...

المنطلق الثانى أكثر فكاهيه وهو أن اﻷسلام فيه شبه من المافيا أو التنظيمات السريه... لاتستطيع الخروج منه لو ولدت مسلما... أو هفك عقلك وأسلمت ثم غيرت رأيك فالحكم جاهز وهو القتل..

ورغم شياكه بعض المداخلات حتى تظن أن هناك كلام بجد.. وحوار بجد.. ألا أن حصيله كل تلك الحوارات الدائريه صفر كبير..ولاحتى أبتسامه كانت تأتينى حين يسعدنى حظى واتكبعل فى أحد تلك الحوارات لم تأتى تلك المره..

ربما ﻷنها زادت أو ﻷنى أصبحت أكثر تجهما..

ومادام الفضاء السيبرى اﻷفتراضى أتاح للجميع التنظير فقد قررت أن أدلى بدلوى..

ياسلام شوف البلاغه كل واحد يسحب جردل عشان حانفكر..لغه حسيه صحراويه بدويه عميقه..

تفكر بالعقل وهو ماتربط به الناقه ...

وتبحث عن اﻷسباب جمع سبب وهو الحبل الذى يربط به الدلو أياه لأنزاله فى البئر...

والتفسير هو فحص بول اﻷبل فى الضوء لمعرفه مرضها...

قالك ماينفعش مسلم يطلع من دين اﻷسلام..

رغم أنى أظن أننا فى تلك اللحظه التاريخيه لابد من أن نشجع الناس على ترك اﻷسلام ولو من باب الحفاظ على المظاهر ...!!!!

ليه ﻷن المسلمين حوالى ٢٠% من مجمل سكان اﻷرض...ولكن ٥٠% من فقراء العالم -حسب تعريف اﻷمم المتحده للفقر- من المسلمين..

.بس كده المشكله معقده سيبك م العالم اﻷسلامى خلينا فى العالم العربى الممتد من المحيط الهادر الى الخليج الثائر..او بلغه أكثر موضوعيه وأقل حماسه من المحيط اﻷطلسى الى الخليج الفارسى..

مساحه تزيد قليلا عن الولايات المتحده...وعدد سكان تجاوز ٣٠٠ مليون نفس...اﻷرض الزراعيه أو القابله للزراعه حدانا تفوق تلك فى أمريكا ...وفى حين تطعم أمريكا نفسها ونصف العالم يستورد العرب نصف غذائهم من الخارج..

يمكن عندنا صناعه..!!؟؟

قالك الصادرات الصناعيه -ماعدا البترول- لمجمل أقطار الوطن العربى تتساوى مع الصادرات الصناعيه لفنلندا عدد الفنلندين ٤ مليون فقط لاغير..أو مساويا لحجم تعاملت شركه نوكيا للأتصالات ..

.حط الناتج القومى لكافه الدول العربيه ومن ضمنها النفطيه على بعضه يساوى تقريبا الناتج القومى لدوله أوربيه متوسطه مثل أسبانيا أو نصف ناتج ولايه كاليفورنيا اﻷمريكيه ..

ناتج مصر القومى بعمالها وفلاحيها وجيشها ورئيسها والهلمه دى كلها فى السنه يساوى مجمل ناتج شركه مثل ميتسوبيشى اليابانيه..أخر مره راجعت اﻷرقام كان يعمل بها ٣٥ ألف موظف فقط لاغير...

على لائحه الجامعات الخمسمائه اﻷفضل فى العالم لايوجد أسم جامعه عربيه واحده من أول جامعه القاهره العريقه حتى جامعات الخليج الرخاميه الشيك..

اليونان تترجم أربعه أضعاف عدد الترجمات فى مجمل العالم العربى..اللغه اليونانيه يتحدثها ١٠ ملايين فقط...

عدد اﻷبحاث المنشوره لعلماء أسرائيل يساوى ضعف مجمل أبحاث علماء العرب مجتمعين..

ومعهد حاييم وايزمان للفيزياء المتقدمه أحد أهم عشر مراكز أبحاث فى العالم..

ميزانيه اﻷبحاث والتطوير لشركه جلاسكو للأدويه تزيد عن مجمل ميزانيات التعليم ﻷكبر عشره دول عربيه مجتمعه...

الفلوس مش كل حاجه المهم راحه البال.

.٧٠% من سكان العالم العربى تحت سن الثلاثين..ونصفهم تحت سن الخمستاشر سنه..

متوسط العنوسه فى العالم العربى يصل الى ٢٥% ...بنات وصلن ٢٦ سنه ولم يتزوجن يصل الرقم الى ٣٥% فى السعوديه و٣٠% تقريبا فى مصر والجزائر..

أكمل ولا كفايه حرقه دم..

أيه بقى علاقه الهم ده بحد الرده...

ولا حاجه هم حرقوا دمى باﻷستنطاع قلت أحرق دمهم باﻷرقام ....

ويجعله عامر...."

...منوعات

اﻷوله ...قرء

أنهيت ماراثون قراءه ﻷعمال الكاتب اليابانى يوكيو ميشيما

بدءت يالقراءه عنه

http://en.wikipedia.org/wiki/Yukio_Mishima

ثم مجموعه قصصيه قصيره

Acts of Worship

أدخلتنى لعالمه المتفرد

لفتت نظري بشده أحدى تلك القصص بطلها لاعب كيندو أو المبارزه بالسيف اليابانيه..وميشما نفسه ماستر خمسه دان فى هذه اللعبه

ثم قلت مابدهاش..أستعنت بالله وقفزت فى رباعيته الخالده.

.The Sea of Fertility

أربع روايات ملحميه مرهقه تجعلك تلهث وأنت تتابع الحياه فى اليابان من نهايات القرن التاسع عشر الى منتصف القرن

العشرين.

بكل مامر بها من أحداث ملحميه..تغيرات أجتماعيه سياسيه حروب طاحنه هزيمه مروعه تماسك فأعاده بناء وكل هذا فى جو محموم من البخث عن الهويه..

..Spring Snow

Runaway Horses

The Temple of Dawn

The Decay of the Angel

الكاتب متعٌب ومٌرهق عقليا ونفسيا ..وبخاصه أنى كنت أبحث أو باﻷدق أحاول أن أفهم لماذا أنتحر بعدما أنهى الجزء

الرابع..

الحكاوى تقول أنه سلم الملزمه اﻷخيره من الروايه الرابعه للناشر..ذهب الى بيته غير ملابسه وأرتدى زى عسكرى..قاد مجموعه من الشباب المتحمس الملتف حوله فى تنظيم يسمى "الدرع"..يمارسون فنون القتال اليابانيه التقليديه من كاراتيه وكندو وغيرها... وأحتل معسكر للجيش اليابانى.. خطب فى الجنود لحثهم على الخروج معه ﻷستعاده روح اليابان التقليديه ..حين فشل فى ذلك وسخر منه الجنود.. دخل لمكتب القائد العسكري للمعسكر وأنتحر على طريقه فرسان الساموراى القادمى وقام أقرب معاونيه بقطع رأسه...

كنت الهث ﻷنهاء الجزء اﻷخير وأكثرهم سودويه ﻷصل الى الصفحات اﻷخيره عليٌ أفهم حالته النفسيه وهو ذاهب لملأقاه الموت...

ولم أفلح قط ..أصابنى توتر شديد وحاله أرهاق عقلى..

"ميشما "كان يبحث عن معنى للحياه وعن هدف سامى يعيش ويموت له..

وهو نفسه على لسان بطل الجزء الثانى ينتقد اﻷنفعالات اللأعقلانيه ومحاوله أحياء ماضى يبدو مثالى وبطولى وتقديس الموت فى سبيل ذلك...الكلام ده شكله مألوف ليه...

السؤال هو لماذا فعل نفس ماأنتقده فى روايته وبشكل مقنع جدا...??

الكاتب وأعماله ممتازين حاجه فرز أول...أنهيت الرباعيه ولازالت تطن فى عقلى وروحى

التانيه..قرء

أحاول متابعه مايصدر هنا وأهم اﻷعمال اﻷدبيه المعاصره والكتابات الجاده أعتقد وبأخلاص أن اﻷستغراق فيما يسمى بالتراث يصيب بالهزال العقلى وأنفصام الشخصيه..تتعامل مع تكنولوجيا القرن الواحد والعشرين وتمارس معارك القرن العاشر الفكريه واﻷجتماعيه...!!! وبعدها نتسائل أحنا محلك سر ليه..؟؟

ومدخلى لمتابعه الكم الضخم من الكتب والمطبوعات التى تقذفها لنا المطابع هنا بسيط هناك أولا ملحق "الناشيونال بوست".. جريده ليبراليه محترمه ..ملحقها الثقافى يوم السبت كتيب محترم به عرض ﻷهم اﻷصدارات الحديثه..

فى غالب اﻷحيان أكتفى بما كتب فى الملحق..أحيانا أبحث على النت لزياده معرفتى بكتاب أو كاتب ولكن أحيانا يستهوينى العرض لدرجه أن أقرء الكتاب...

كما حدث من حوالى العامين حين قراءت فى عرض الكتب بالعدد الاسبوعى لجريده الناشيونال بوست عرضا لكتاب

Collapse:How societies Choose to Fail or Succeed

http://en.wikipedia.org/wiki/Collapse:_How_Societies_Choose_to_Fail_or_Succeed

..ولفت نظرى امران الاول عنوان الكتاب "انهيار كيف تختارمجتمعات ان تنجح او تنهار..

لفظه تختار هى مالفت نظرى فهناك حديث اذا عن عامل الوعى الانسانى... وانهيار مدنيه اومجتمع ليست بالحتميه تاريخيه كانت اوجغرافيه... ولفت نظرى ايضا ان عرض الكتاب كان فاصل من التقريظ والمدح على غير عاده ناقدى الكتب هنا...فحصلت عليه وقادنى الى مجموعه قراءات للمؤلف وغيره تمت بالصله لنفس الموضوع استغرقت منى شهور العام ....الكاتب

Jared Diamond

http://en.wikipedia.org/wiki/Jared_Diamond

استاذ للجغرافيا فى جامعه "كاليفورنيا" الامريكيه.. عضو فى اكاديميه العلوم والفنون الامريكيه.. وجمعيه الفلسفه الامريكيه.. وحائز على حفنه من الجوائز وشهادات التقدير من كافه انحاء العالم.. واحد المائه مفكر التى ضمتهم قائمه "النيويورك تايمز" كأهم مفكرى القرن الوليد.. بدء حياته فى مجال علم الفسيولوجى ثم امتدت اهتماماتهالى البيولوجى والجغرافيا البيولوجيه.. وتلك نقطه اخرى هامه فالتقسيم الكلاسيكى للعلوم الى طبيعيه وانسانيه تداعى وخرجت للوجود مجموعه اخرى من التخصصات تخطر على تخوم تلك التقسيمه ..مثل الجغرافيا البيولوجيه او الانثروبولجى النباتىBotanical Anthropology...

بل ان المثقف العادى لابد من ان يلم الان بجانب كبير من العلوم الطبيعيه وبعمق... فلا يستطيع التفلسف مثلا بدون معرفه عميقه بنظريات الكم والنسبيه... ولايستطيع الحديث عن نشوء مدنيه او انهيارها بدون المام بالتغيرات البيئيه التى قامت بها فى محيطها الطبيعى ...
لنفس المؤلف

Guns, Germs, and Steel: The Fates of Human Societies.
وهو عباره عن مشروع طموح لتتبع تاريخ البشريه منذ نهايه العصر الجليدى الاخير وحتى لحظتنا الراهنه....

يبدء المؤلف بفرضيه محدده الا هى ان البشر جميعا متساون فى قدارتهم العقليه .. ومقدرتهم على مواجهه المشاكل.. وابتكار حلول لها.. بل انهم يتوصلون لنفس الحلول لنفس المشاكل وبشكل مستقل.. وبالتالى فما نراه الان من تمايز بين المجتمعات هو نتاج ظروف ماديه موضوعيه ولا علاقه له بتفوق جنس او نوع من البشر..ومنهجه فى تتبع اقدار المجتمعات البشريه هو منهج علمى صارم تتداخل فيه علوم الانثروبولوجى والاركيولوجى مع اللغويات والاديان المقارنه والوراثه والنبات.. وهذا اكثر ماشدنى للكتاب ....المنهج العلمى الصارم
...

ثالثا..ناوى يقرء

فى مكتبه الحى العامره والمتصله ألكترونيا بأثنى عشر مكتبه فى أوتاوا حيث يمكنك أن تطلب أى كتاب فيهم فيصلك فى ظرف يومين تلاته باﻷضافه لمكتبات الجامعات والكونجرس اﻷمريكى يوجد قسم أسمه

Express Read

وده معناه أن تلك الكتب تستطيع أستعارتها ﻷسبوع واحد غير قابل للتجديد ﻷن هناك الكثيرين ممن يرغبون فى قرائتها..

وهذا القسم هو مصدرى التانى لمتابعه مايصدر هنا..معظم اﻷعمال أدبيه لاأهتم كثيرا بقرائتها..ولكن كل فتره أجد كتاب جاد يتهافت عليه القراء...

هذا اﻷسبوع وجدت كتاب لفت نظرى أسمه

The GOD Delusion

http://en.wikipedia.org/wiki/The_God_Delusion

لمؤلف أسمه

Richard Dawkins

http://en.wikipedia.org/wiki/Richard_Dawkins

بدءت فى قراءه الكتاب منذ أمس ثم واجهتنى معضله...

الكاتب ملحد ويهاجم بشكل "علمى" فكره وجود أله..ماشى... يبنى أرائه أساسا على التطورات اﻷخيره فى نظريه النشوء واﻷرتقاء..

كده أنا أحتست..

رغم دراستى العلميه ألا أن معلوماتى قاصره فى هذا المجال أو على اﻷقل غير حديثه..وبالتالى لابد أن أنعش ذاكرتى ومعلوماتى عشان ماحدش يضحك عليا..الكاتب نفسه يعتبر حجه فى هذا المجال أهم كتبه

The Blind Watchmaker

http://en.wikipedia.org/wiki/The_Blind_Watchmaker

حين طلبت أستعارته من المكتبه اليوم

وجدت أنى رقم ٢٧ فى قائمه طالبى نفس الكتاب..

الله ده فيه ناس بتعمل زيى بالظبط..طب أستنى أقرء كتاب البيولوجى المتخصص اﻷول والا أكمل ف ده..حطيت الكتاب على جنب وبدءت فى أخر عن "الشمس" صادر هذا العام ويحو أخر أبحاث الفلك فى الموضوع..

كان لابد لى من الخروج من حاله الشد العقلى والنفسى ,اللى حطنى فيها "ميشيما" والسبيل اﻷفضل قراءه كتاب علمى موضوعى مافيهوش أحاسيس حاده.....